J Jana, rozdział Ewangelia Jana, rozdział 3

Inne pismo: церковнославянский

Przekłady Porównaj

Бе же челове́к от фарисе́й, никоди́м и́мя ему́, князь жидо́вский:J 7:50; J 19:39

сей прии́де ко иису́су но́щию, и рече́ ему́: равви́, вем, я́ко от бо́га прише́л еси́ учи́тель: никто́же бо мо́жет зна́мений сих твори́ти, я́же ты твори́ши, а́ще не бу́дет бог с ним.

Отвеща́ иису́с и рече́ ему́: ами́нь, ами́нь глаго́лю тебе́: а́ще кто не роди́тся свы́ше, не мо́жет ви́дети ца́рствия бо́жия.Jk 1:18; 1P 1:23; 2Kor 5:17; Ga 6:15; Tt 3:5

Глаго́ла к нему́ никоди́м: ка́ко мо́жет челове́к роди́тися стар сый? еда́ мо́жет второ́е вни́ти во утро́бу ма́тере своея́ и роди́тися?

Отвеща́ иису́с: ами́нь, ами́нь глаго́лю тебе́: а́ще кто не роди́тся водо́ю и ду́хом, не мо́жет вни́ти во ца́рствие бо́жие:

рожде́нное от пло́ти плоть есть, и рожде́нное от ду́ха дух есть.Rz 8:5

Не диви́ся, я́ко рех ти: подоба́ет вам роди́тися свы́ше.

Дух, иде́же хо́щет, ды́шет, и глас его́ слы́шиши, но не ве́си, отку́ду прихо́дит и ка́мо и́дет: та́ко есть всяк (челове́к) рожде́нный от ду́ха.Kol 3:3

Отвеща́ никоди́м и рече́ ему́: ка́ко мо́гут сия́ бы́ти?

Отвеща́ иису́с и рече́ ему́: ты еси́ учи́тель изра́илев, и сих ли не ве́си?

Ами́нь, ами́нь глаго́лю тебе́, я́ко, е́же ве́мы, глаго́лем, и, е́же ви́дехом, свиде́телствуем, и свиде́телства на́шего не прие́млете:

а́ще земна́я реко́х вам, и не ве́руете: ка́ко, а́ще реку́ вам небе́сная, уве́руете?

И никто́же взы́де на не́бо, то́кмо сше́дый с небесе́ сын челове́ческий, сый на небеси́:Prz 30:4; J 6:62

и я́коже моисе́й вознесе́ змию́ в пусты́ни, та́ко подоба́ет вознести́ся сы́ну челове́ческому,Lb 21:9; J 12:32

да всяк ве́руяй в онь не поги́бнет, но и́мать живо́т ве́чный.

Та́ко бо возлюби́ бог мир, я́ко и сы́на своего́ единоро́днаго дал есть, да всяк ве́руяй в онь не поги́бнет, но и́мать живо́т ве́чный.Iz 9:6; Mk 16:16; J 6:40; 1J 4:9

Не посла́ бо бог сы́на своего́ в мир, да су́дит ми́рови, но да спасе́тся им мир.

Ве́руяй в онь не бу́детнесть осужде́н: а не ве́руяй уже́ осужде́н есть, я́ко не ве́рова во и́мя единоро́днаго сы́на бо́жия.

Се́и же есть суд, я́ко свет прии́де в мир, и возлюби́ша челове́цы па́че тму, не́же свет: бе́ша бо их дела́ зла.J 1:5; J 8:12

Всяк бо де́лаяй зла́я ненави́дит све́та и не прихо́дит к све́ту, да не облича́тся дела́ его́, я́ко лука́ва суть:

творя́й же и́стину гряде́т к све́ту, да я́вятся дела́ его́, я́ко о бо́зе суть соде́лана.

По сих (же) прии́де иису́с и ученицы́ его́ в жидо́вскую зе́млю: и ту живя́ше с ни́ми, и креща́ше.

Бе же иоа́нн крестя́ во ено́не близ сали́ма, я́ко во́ды мно́ги бя́ху ту: и прихожда́ху и креща́хуся:

не у бо бе всажде́н в темни́цу иоа́нн.

Бысть же стяза́ние от учени́к иоа́нновых со иуде́и о очище́нии:

и приидо́ша ко иоа́нну, и реко́ша ему́: равви́, и́же бе с тобо́ю об он пол иорда́на, ему́же ты свиде́телствовал еси́, се сей креща́ет, и вси гряду́т к нему́.J 1:27

Отвеща́ иоа́нн и рече́: не мо́жет челове́к приима́ти ничесо́же, а́ще не бу́дет дано́ ему́ с небесе́.J 6:65

Вы са́ми мне свиде́телствуете, я́ко рех: несмь аз христо́с, но я́ко по́слан есмь пред ним.J 1:20; Dz 13:25

Име́яй неве́сту жени́х есть: а друг женихо́в, стоя́ и послу́шая его́, ра́достию ра́дуется за глас женихо́в: сия́ у́бо ра́дость моя́ испо́лнися:Mt 22:2; Ef 5:25; Ef 5:27

о́ному подоба́ет расти́, мне же ма́литися.

Гряды́й свы́ше над все́ми есть: сый от земли́, от земли́ есть, и от земли́ глаго́лет: гряды́й с небесе́ над все́ми есть:J 8:23; Rz 9:5; Ef 1:21

и е́же ви́де и слы́ша, сие́ свиде́телствует: и свиде́телства его́ никто́же прие́млет.J 8:26

Прие́мый его́ свиде́телство ве́роваутверди́ я́ко бог и́стинен есть.1J 5:10; Rz 3:4

Его́же бо посла́ бог, глаго́лы бо́жия глаго́лет: не в ме́ру бо бог дае́т ду́ха.J 1:16; Ef 4:7

Оте́ц (бо) лю́бит сы́на, и вся даде́ в ру́це его́.Dn 7:14; Mt 28:18

Ве́руяй в сы́на и́мать живо́т ве́чный: а и́же не ве́рует в сы́на, не у́зрит живота́, но гнев бо́жий пребыва́ет на нем.Ha 2:4