约 约翰福音, 章 约翰福音, 章 5
其他文字: церковнославянский
По сих (же) бе пра́здник иуде́йский, и взы́де иису́с во иерусали́м.
Есть же во иерусали́мех о́вчая купе́ль, я́же глаго́лется евре́йски вифесда́, пять притво́р иму́щи:
в тех слежа́ше мно́жество боля́щих, слепы́х, хромы́х, сухи́х, ча́ющих движе́ния воды́:
а́нгел бо го́сподень на (вся́ко) ле́то схожда́ше в купе́ль и возмуща́ше во́ду: (и) и́же пе́рвее вла́зяше по возмуще́нии воды́, здрав быва́ше, яце́м же неду́гом одержи́мь быва́ше.
Бе же ту не́кий челове́к, три́десять и осмь лет имы́й в неду́зе (свое́м).
Сего́ ви́дев иису́с лежа́ща, и разуме́в, я́ко мно́га ле́та уже́ имя́ше (в неду́зе), глаго́ла ему́: хо́щеши ли цел бы́ти?
Отвеща́ ему́ неду́жный: ей, го́споди, челове́ка не и́мам, да, егда́ возмути́тся вода́, вве́ржет мя в купе́ль: егда́ же прихожду́ аз, ин пре́жде мене́ сла́зит.
Глаго́ла ему́ иису́с: воста́ни, возми́ одр твой, и ходи́.
И а́бие здрав бысть челове́к: и взем одр свой, и хожда́ше. Бе же суббо́та в той день.
Глаго́лаху же жи́дове исцеле́вшему: суббо́та есть, и не досто́ит ти взя́ти одра́ (твоего́).耶 17:22
Он (же) отвеща́ им: и́же мя сотвори́ це́ла, той мне рече́: возми́ одр твой и ходи́.
Вопроси́ша же его́: кто есть челове́к реки́и ти: возми́ одр твой и ходи́?
Исцеле́вый же не ве́дяше, кто есть: иису́с бо уклони́ся, наро́ду су́щу на ме́сте.
Пото́м (же) обре́те его́ иису́с в це́ркви, и рече́ ему́: се здрав е́си: ктому́ не согреша́й, да не го́рше ти что бу́дет.
И́де (же) челове́к, и пове́да иуде́ом, я́ко иису́с есть, и́же мя сотвори́ це́ла.
И сего́ ра́ди гоня́ху иису́са иуде́е, и иска́ху его́ уби́ти, зане́ сия́ творя́ше в суббо́ту.
Иису́с же отвеща́ваше им: оте́ц мой досе́ле де́лает, и аз де́лаю.约 9:4; 约 14:10
И сего́ ра́ди па́че иска́ху его́ иуде́е уби́ти, я́ко не то́кмо разоря́ше суббо́ту, но и отца́ своего́ глаго́лаше бо́га, ра́вен ся творя́ бо́гу.约 7:30
Отвеща́ же иису́с и рече́ им: ами́нь, ами́нь глаго́лю вам, не мо́жет сын твори́ти о себе́ ничесо́же, а́ще не е́же ви́дит отца́ творя́ща: я́же бо он твори́т, сия́ и сын та́кожде тво́рит.
Оте́ц бо лю́бит сы́на, и вся показу́ет ему́, я́же сам твори́т: и бо́лша сих пока́жет ему́ дела́, да вы чудите́ся.
Я́коже бо оте́ц воскреша́ет ме́ртвыя и живи́т, та́ко и сын, и́хже хо́щет, живи́т.
Оте́ц бо не су́дит ни кому́же, но суд весь даде́ сы́нови,太 28:18; 徒 17:31; 彼前 4:5
да вси чтут сы́на, я́коже чтут отца́. (А) и́же не чтит сы́на, не чтит отца́ посла́вшаго его́.约壹 2:23
Ами́нь, ами́нь глаго́лю вам, я́ко слу́шаяй словесе́ моего́ и ве́руяй посла́вшему мя и́мать живо́т ве́чный, и на суд не прии́дет, но преи́дет от сме́рти в живо́т.
Ами́нь, ами́нь глаго́лю вам, я́ко гряде́т час, и ны́не есть, егда́ ме́ртвии услы́шат глас сы́на бо́жия, и услы́шавше оживу́т.
Я́коже бо оте́ц и́мать живо́т в себе́, та́ко даде́ и сы́нови живо́т име́ти в себе́
и о́бласть даде́ ему́ и суд твори́ти, я́ко сын челове́чь есть.但 7:14
Не диви́теся сему́: я́ко гряде́т час, в о́ньже вси су́щии во гробе́х услы́шат глас сы́на бо́жия,赛 26:19; 但 12:2; 林前 15:52
и изы́дут сотво́ршии блага́я в воскреше́ние живота́, а сотво́ршии зла́я в воскреше́ние суда́.太 25:46; 启 14:11
Не могу́ аз о себе́ твори́ти ничесо́же. Я́коже слы́шу, сужду́, и суд мой пра́веден есть, я́ко не ищу́ во́ли моея́, но во́ли посла́вшаго мя отца́.太 26:39
А́ще аз свиде́телствую о мне, свиде́телство мое́ несть и́стинно:
ин есть свиде́телствуяй о мне, и вем, я́ко и́стинно есть свиде́телство, е́же свиде́телствует о мне:太 3:17
вы посла́сте ко иоа́нну, и свиде́телствова о и́стине.约 1:19
Аз же не от челове́ка свиде́телства прие́млю, но сия́ глаго́лю, да вы спасе́ни бу́дете.
Он бе свети́лник горя́ и светя́: вы же восхоте́сте возра́доватися в час свете́ния его́до вре́мене в свете́нии его́.
Аз же и́мам свиде́телство бо́лее иоа́ннова: дела́ бо, я́же даде́ мне оте́ц, да совершу́ я, та дела́, я́же аз творю́, свиде́телствуют о мне, я́ко оте́ц мя посла́.约 10:25
И посла́вый мя оте́ц сам свиде́телствова о мне. Ни гла́са его́ нигде́же слы́шасте, ни виде́ния его́ ви́десте,申 4:12; 太 3:17
и словесе́ его́ не и́мате пребыва́юща в вас, зане́, его́же той посла́, сему́ вы ве́ры не е́млете.
Испыта́йте писа́ний, я́ко вы мните́ в них име́ти живо́т ве́чный: и та суть свиде́телствующая о мне.申 18:15; 赛 9:6; 赛 53:1
И не хо́щете приити́ ко мне, да живо́т и́мате.约 1:11; 约 3:19
Сла́вы от челове́к не прие́млю,
но разуме́х вы, я́ко любве́ бо́жия не и́мате в себе́.
Аз приидо́х во и́мя отца́ моего́, и не прие́млете мене́: а́ще ин прии́дет во и́мя свое́, того́ прие́млете.
Ка́ко вы мо́жете ве́ровати, сла́ву друг от дру́га прие́млюще, и сла́вы, я́же от еди́наго бо́га, не и́щете?约 12:43
Не мни́те, я́ко аз на вы реку́ ко отцу́: есть, и́же на вы глаго́лет, моисе́й, на́ньже вы упова́ете.
А́ще бо бы́сте ве́ровали моисе́ови, ве́ровали бы́сте (у́бо и) мне: о мне бо той писа́.创 3:15; 创 12:3; 创 18:18; 创 49:10; 申 18:15
А́ще ли того́ писа́нием не ве́руете, ка́ко мои́м глаго́лом ве́ру и́мете?