J Jana, rozdział Ewangelia Jana, rozdział 15
Inne pismo: церковнославянский
Аз есмь лоза́ и́стинная, и оте́ц мой де́латель есть:
вся́ку ро́згу о мне не творя́щую плода́, и́змет ю: и вся́ку творя́щую плод, отреби́т ю, да мно́жайший плод принесе́т.Mt 15:13; Ga 5:22
Уже́ вы чи́сти есте́ за сло́во, е́же глаго́лах вам.J 13:10; 1J 2:7
Бу́дите во мне, и аз в вас. Я́коже розга́ не мо́жет плода́ сотвори́ти о себе́, а́ще не бу́дет на лозе́, та́ко и вы, а́ще во мне не пребу́дете.
Аз есмь лоза́, вы (же) ро́ждие: (и) и́же бу́дет во мне, и аз в нем, той сотвори́т плод мног, я́ко без мене́ не мо́жете твори́ти ничесо́же:Dz 4:12
а́ще кто во мне не пребу́дет, изве́ржется вон, я́коже розга́, и изсы́шет: и собира́ют ю и во огнь влага́ют, и сгара́ет:Ez 15:4; Mt 3:10; Mt 7:19
а́ще пребу́дете во мне и глаго́лы мои́ в вас пребу́дут, его́же а́ще хо́щете, проси́те, и бу́дет вам:J 14:13; J 16:23; 1J 3:22
о сем просла́вися оте́ц мой, да плод мног сотворите́, и бу́дете мои́ ученицы́.
Я́коже возлюби́ мя оте́ц, и аз возлюби́х вас: бу́дите в любви́ мое́й:
а́ще за́поведи моя́ соблюде́те, пребу́дете в любви́ мое́й, я́коже аз за́поведи отца́ моего́ соблюдо́х, и пребыва́ю в его́ любви́.
Сия́ глаго́лах вам, да ра́дость моя́ в вас бу́дет и ра́дость ва́ша испо́лнится.
Сия́ есть за́поведь моя́, да лю́бите друг дру́га, я́коже возлюби́х вы:J 13:34; 1J 3:11; 1J 4:21; Ef 5:2; 1Tes 4:9
бо́лши сея́ любве́ никто́же и́мать, да кто ду́шу свою́ положи́т за дру́ги своя́.
Вы дру́зи мои́ есте́, а́ще творите́, ели́ка аз запове́даю вам:
не ктому́ вас глаго́лю рабы́, я́ко раб не весть, что твори́т госпо́дь его́: вас же реко́х дру́ги, я́ко вся, я́же слы́шах от отца́ моего́, сказа́х вам.Ef 1:9; Ef 3:5
Не вы мене́ избра́сте, но аз избра́х вас, и положи́х вас, да вы и́дете и плод принесе́те, и плод ваш пребу́дет, да, его́же а́ще про́сите от отца́ во и́мя мое́, даст вам.Mk 16:15
Сия́ запове́даю вам, да лю́бите друг дру́га.
А́ще мир вас ненави́дит, ве́дите, я́ко мене́ пре́жде вас возненави́де:1J 3:13
а́ще от ми́ра бы́сте бы́ли, мир у́бо свое́ люби́л бы: я́коже от ми́ра не́сте, но аз избра́х вы от ми́ра, сего́ ра́ди ненави́дит вас мир.
Помина́йте сло́во, е́же аз рех вам: несть раб бо́лий го́спода своего́: а́ще мене́ изгна́ша, и вас изжену́т: а́ще сло́во мое́ соблюдо́ша, и ва́ше соблюду́т:Mt 10:24; Mt 24:9; Mk 13:9; Łk 21:12; J 13:16
но сия́ вся творя́т вам за и́мя мое́, я́ко не ве́дят посла́вшаго мя.J 16:3
А́ще не бых прише́л и глаго́лал им, греха́ не бы́ша име́ли: ны́не же вины́извине́ния не и́мут о гресе́ свое́м:
ненави́дяй мене́, и отца́ моего́ ненави́дит:
а́ще дел не бых сотвори́л в них, и́хже ин никто́же сотвори́, греха́ не бы́ша име́ли: ны́не же и ви́деша, и возненави́деша мене́ и отца́ моего́:
но да сбу́дется сло́во, пи́санное в зако́не их, я́ко возненави́деша мя ту́не.Ps 68:5; Ps 34:19
Егда́ же прии́дет уте́шитель, его́же аз послю́ вам от отца́, дух и́стины, и́же от отца́ исхо́дит, той свиде́телствует о мне:Łk 24:49; J 14:26
и вы же свиде́телствуете, я́ко искони́ со мно́ю есте́.Dz 1:8; Dz 2:32; 1P 5:1