Ин Иоанна, глава От Иоанна святое благовествование, глава 18

Другое письмо: церковнославянский

Переводы Сравнить

И сия́ рек иису́с, изы́де со учени́ки свои́ми на он пол пото́ка ке́дрска, иде́же бе вертогра́д, в о́ньже вни́де сам и ученицы́ его́:Мф 26:36

ве́дяше же и иу́да предая́й его́ ме́сто, я́ко мно́жицею собира́шеся иису́с ту со ученики́ свои́ми.

Иу́да у́бо прие́мь спи́ру и от архиере́й и фарисе́й слуги́, прии́де та́мо со свети́лы и свеща́ми и ору́жии.Мф 26:47; Мк 14:43; Лк 22:47; Деян 1:16

Иису́с же ве́дый вся гряду́щая нань, изше́д рече́ им: кого́ и́щете?

Отвеща́ша ему́: иису́са назоре́а. Глаго́ла им иису́с: аз есмь. Стоя́ше же и иу́да, и́же предая́ше его́, с ни́ми.

Егда́ же рече́ им: аз есмь, идо́ша вспять и падо́ша на земли́.

Па́ки у́бо вопроси́ их (иису́с): кого́ и́щете? Они́ же ре́ша: иису́са назоре́а.

Отвеща́ иису́с: рех вам, я́ко аз есмь: а́ще у́бо мене́ и́щете, оста́вите сих ити́:

да сбу́дется сло́во, е́же рече́, я́ко и́хже дал еси́ мне, не погуби́х от них ни кого́же.Ин 17:6; Ин 17:12

Си́мон же петр, имы́й нож, извлече́ его́, и уда́ри архиере́ова раба́, и уре́за ему́ у́хо десно́е: бе же и́мя рабу́ малх.Мф 26:51

Рече́ у́бо иису́с петро́ви, вонзи́ нож в но́жницу: ча́шу, ю́же даде́ мне оте́ц, не и́мам ли пи́ти ея́,

спи́ра же и ты́сящник и слуги́ иуде́йстии я́ша иису́са и связа́ша его́,

и ведо́ша его́ ко а́нне пе́рвее: бе бо тесть каиа́фе, и́же бе архиере́й ле́ту тому́:Мф 26:57; Мк 14:53; Лк 22:54

бе же каиа́фа да́вый сове́т иуде́ом, я́ко у́не есть еди́ному челове́ку умре́ти за лю́ди.Ин 11:50

По иису́се же идя́ше си́мон петр и други́й учени́к: учени́к же той бе зна́емь архиере́ови, и вни́де со иису́сом во двор архиере́ов:

петр же стоя́ше при две́рех вне. Изы́де у́бо учени́к той, и́же бе зна́емь архиере́ови, и рече́ две́рнице, и введе́ петра́.

Глаго́ла же раба́ две́рница петро́ви: еда́ и ты учени́к еси́ челове́ка сего́? Глаго́ла он: несмь.Мф 26:69; Мк 14:66; Лк 22:56

Стоя́ху же раби́ и слуги́ огнь сотво́рше, я́ко зима́ бе, и гре́яхуся: бе же с ни́ми петр стоя́ и гре́яся.

Архиере́й же вопроси́ иису́са о ученице́х его́ и о учении его́.

Отвеща́ ему́ иису́с: аз не обину́яся глаго́лах ми́ру: аз всегда́ уча́х на со́нмищах и в це́ркви, иде́же всегда́ иуде́е сне́млются, и тай не глаго́лах ничесо́же:

что мя вопроша́еши? вопроси́ слы́шавших, что глаго́лах им: се, си́и ве́дят, я́же рех аз.

Сия́ же ре́кшу ему́, еди́н от предстоя́щих слуг уда́ри в лани́ту иису́са, рек: та́ко ли отвещава́еши архиере́ови?

Отвеща́ ему́ иису́с: а́ще зле глаго́лах, свиде́телствуй о зле: а́ще ли до́бре, что мя бие́ши?

Посла́ же его́ а́нна свя́зана к каиа́фе архиере́ови.Мф 26:57; Мк 14:53; Лк 22:54

Бе же си́мон петр стоя́ и гре́яся. Ре́ша же ему́: еда́ и ты от учени́к его́ еси́? Он (же) отве́ржеся и рече́: несмь.

Глаго́ла еди́н от раб архиере́овых, ю́жика сый, ему́же петр уре́за у́хо: не аз ли тя ви́дех в вертогра́де с ним?

Па́ки у́бо петр отве́ржеся, и а́бие пе́тель возгласи́.

Ведо́ша же иису́са от каиа́фы в прето́р. Бе же у́тро: и ти́и не внидо́ша в прето́р, да не оскверня́тся, но да ядя́т па́сху.Мф 27:2; Мк 15:1; Лк 22:66

Изы́де же пила́т к ним вон и рече́: ку́ю речьвину́ прино́сите на челове́ка сего́?

Отвеща́ша и ре́ша ему́: а́ще не бы (был) сей злоде́й, не бы́хом пре́дали его́ тебе́.

Рече́ же им пила́т: поими́те его́ вы и по зако́ну ва́шему суди́те ему́. Ре́ша же ему́ иуде́е: нам не досто́ит уби́ти ни кого́же:

да сло́во иису́сово сбу́дется, е́же рече́, назна́менуя, ко́ею сме́ртию хотя́ше умре́ти.Мф 20:19

Вни́де у́бо па́ки пила́т в прето́р, и пригласи́ иису́са, и рече́ ему́: ты ли еси́ царь иуде́йск?Мф 27:11; Мк 15:2; Лк 23:3

Отвеща́ ему́ иису́с: о себе́ ли ты сие́ глаго́леши, или́ ини́и тебе́ реко́ша о мне?

Отвеща́ пила́т: еда́ аз жидови́н есмь? род твой и архиере́е преда́ша тя мне: что еси́ сотвори́л?

Отвеща́ иису́с: ца́рство мое́ несть от ми́ра сего́: а́ще от ми́ра сего́ бы́ло бы ца́рство мое́, слуги́ мои́ (у́бо) подвиза́лися бы́ша, да не пре́дан бых был иуде́ом: ны́не же ца́рство мое́ несть отсю́ду.Дан 2:44

Рече́ же ему́ пила́т: у́бо царь ли еси́ ты? Отвеща́ иису́с: ты глаго́леши, я́ко царь есмь аз: аз на сие́ роди́хся и на сие́ приидо́х в мир, да свиде́телствую и́стину: (и) всяк, и́же есть от и́стины, послу́шает гла́са моего́.1Тим 6:13

Глаго́ла ему́ пила́т: что есть и́стина? И сие́ рек, па́ки изы́де ко иуде́ом, и глаго́ла им: аз ни еди́ныя вины́ обрета́ю в нем:

есть же обы́чай вам, да еди́наго вам отпущу́ на па́сху: хо́щете ли у́бо, (да) отпущу́ вам царя́ иуде́йска?Мф 27:15; Мк 15:6; Лк 23:17

Возопи́ша же па́ки вси, глаго́люще: не сего́, но вара́вву. Бе же вара́вва разбо́йник.Деян 3:14