Act Faptele Apostolilor, capitolul Faptele Sfinților Apostoli, capitolul 1

Пе́рвое у́бо сло́во сотвори́х о всех, о, фео́филе, я́же нача́т иису́с твори́ти же и учи́тиLuk 1:3

да́же до дне, в о́ньже, запове́дав апо́столом ду́хом святы́м, и́хже избра́, вознесе́ся:Mrk 16:15; Jhn 20:21

пред ни́миже и поста́ви себе́ жи́ва по страда́нии свое́м во мно́зех и́стинных зна́мениих, де́нми четы́редесятьми явля́яся им и глаго́ля я́же о ца́рствии бо́жии:Mat 28:7; Mrk 16:14

с ни́миже и яды́й повеле́ им от иерусали́ма не отлуча́тися, но жда́ти обетова́ния о́тча, е́же слы́шасте от мене́:Luk 24:49; Jhn 14:26

я́ко иоа́нн у́бо крести́л есть водо́ю, вы же и́мате крести́тися ду́хом святы́м не по мно́зех сих днех.Mat 3:11; Mrk 1:8

Они́ же у́бо соше́дшеся вопроша́ху его́, глаго́люще: го́споди, а́ще в ле́то сие́ устроя́еши ца́рствие изра́илево?Dan 7:18; Dan 7:27; Amo 9:11

Рече́ же к ним: несть ва́ше разуме́ти времена́ и ле́та, я́же оте́ц положи́ во свое́й вла́сти:

но прии́мете си́лу, наше́дшу свято́му ду́ху на вы, и бу́дете ми свиде́телие во иерусали́ме же и во всей иуде́и и самари́и и да́же до после́дних земли́.Luk 24:49; Act 2:32

И сия́ рек, зря́щым им взя́тся, и о́блак подъя́т его́ от о́чию их.Mrk 16:19; Luk 24:51

И егда́ взира́юще бя́ху на не́бо, иду́щу ему́, и се, му́жа два ста́ста пред ни́ми во оде́жди беле́,

я́же и реко́ста: му́жие галиле́йстии, что стоите́ зря́ще на не́бо? сей иису́с, вознесы́йся от вас на не́бо, та́кожде прии́дет, и́мже о́бразом ви́десте его́ иду́ща на не́бо.Dan 7:13; Mat 25:31; Mat 26:64; 1Th 1:10; Rev 1:7

Тогда́ возврати́шася во иерусали́м от горы́ нарица́емыя елео́н, я́же есть близ иерусали́ма, суббо́ты иму́щия путь.

И егда́ внидо́ша, взыдо́ша на го́рницу, иде́же бя́ху пребыва́юще, петр же и иа́ков, и иоа́нн и андре́й, фили́пп и фома́, варфоломе́й и матфе́й, иа́ков алфе́ов и си́мон зило́т и иу́да иа́ковль:Mat 10:2

си́и вси бя́ху терпя́ще единоду́шно в моли́тве и моле́нии, с жена́ми и мари́ею ма́терию иису́совою и с бра́тиею его́.

И во дни ты́я воста́в петр посреде́ учени́к, рече́,

бе же име́н наро́да вку́пе я́ко сто и два́десять: му́жие бра́тие, подоба́ше сконча́тися писа́нию сему́, е́же предрече́ дух святы́й усты́ дави́довыми о иу́де, бы́вшем вожди́ е́мшым иису́са:Psa 40:10; Jhn 13:18; Jhn 18:3

я́ко причте́н бе с на́ми и прия́л бя́ше жре́бий слу́жбы сея́:

сей у́бо стяжа́ село́ от мзды непра́ведныя, и ниц быв просе́деся посреде́, и излия́ся вся утро́ба его́:Mat 27:5

и разу́мно бысть всем живу́щым во иерусали́ме, я́ко нарещи́ся селу́ тому́ свои́м их язы́ком акелдама́, е́же есть село́ кро́ве:

пи́шется бо в кни́зе псало́мстей: да бу́дет двор его́ пуст, и да не бу́дет живу́щаго в нем, и епи́скопство его́ да прии́мет ин:Psa 68:26; Psa 108:8

подоба́ет у́бо от сходи́вшихся с на́ми муже́й во вся́ко ле́то, в не́же вни́де и изы́де в нас госпо́дь иису́с,

наче́н от креще́ния иоа́ннова да́же до дне, в о́ньже вознесе́ся (на не́бо) от нас, свиде́телю воскресе́ния его́ бы́ти с на́ми еди́ному от сих.

И поста́виша два, ио́сифа нарица́емаго варса́ву, и́же нарече́н бысть иу́ст, и матфи́а,

и помоли́вшеся ре́ша: ты, го́споди, сердцеве́дче всех, покажи́, его́же избра́л еси́ от сею́ двою́ еди́наго,

прия́ти жре́бий служе́ния сего́ и апо́столства, из него́же испаде́ иу́да, ити́ в ме́сто свое́.

И да́ша жре́бия и́ма, и паде́ жре́бий на матфи́а, и причте́н бысть ко единона́десяти апо́столом.