Act Faptele Apostolilor, capitolul Faptele Sfinților Apostoli, capitolul 2

И егда́ скончава́шася дни́е пятьдеся́тницы, бе́ша вси апо́столи единоду́шно вку́пе.Lev 23:16; Deu 16:9

И бысть внеза́пу с небесе́ шум, я́ко носи́му дыха́нию бу́рну, и испо́лни весь дом, иде́же бя́ху седя́ще:Mat 3:11; Act 1:5; Act 11:15; Act 19:6

и яви́шася им разделе́ни язы́цы я́ко о́гненни, се́де же на еди́нем ко́емждо их.

И испо́лнишася вси ду́ха свята и нача́ша глаго́лати ины́ми язы́ки, я́коже дух дая́ше им провещава́ти.Mrk 16:17; 1Co 12:10; 1Co 12:28

Бя́ху же во иерусали́ме живу́щии иуде́е, му́жие благогове́йнии, от всего́ язы́ка, и́же под небесе́м.

Бы́вшу же гла́су сему́, сни́деся наро́д и смяте́ся, я́ко слы́шаху еди́н ки́йждо их свои́м язы́ком глаго́лющих их.

Дивля́хуся же вси и чудя́хуся, глаго́люще друг ко дру́гу: не се ли, вси си́и суть глаго́лющии галиле́ане?

и ка́ко мы слы́шим ки́йждо свой язы́к наш, в не́мже роди́хомся,

па́рфяне и ми́дяне и елами́те, и живу́щии в месопота́мии, во иуде́и же и каппадоки́и, в по́нте и во аси́и,

во фриги́и же и памфили́и, во еги́пте и страна́х ливи́и, я́же при кирини́и, и приходя́щии ри́мляне, иуде́е же и прише́лцы,

кри́тяне и ара́вляне, слы́шим глаго́лющих их на́шими язы́ки вели́чия бо́жия?

Ужаса́хуся же вси и недоумева́хуся, друг ко дру́гу глаго́люще: что у́бо хо́щет сие́ бы́ти?

Ини́и же руга́ющеся глаго́лаху, я́ко вино́м испо́лнени суть.

Став же петр со единона́десятьми, воздви́же глас свой и рече́ им: му́жие иуде́йстии и живу́щии во иерусали́ме вси, сие́ вам разу́мно да бу́дет, и внуши́те глаго́лы моя́:

не бо, я́коже вы непщу́ете, си́и пия́ни суть, есть бо час тре́тий дне:

но сие́ есть рече́нное проро́ком иои́лем:

и бу́дет в после́дния дни, глаго́лет госпо́дь, излию́ от ду́ха моего́ на вся́ку плоть, и прореку́т сы́нове ва́ши и дще́ри ва́шя, и ю́ноши ва́ши виде́ния у́зрят, и ста́рцы ва́ши со́ния ви́дят:Isa 44:3; Zec 12:10; Jhn 7:39; Act 11:28; Act 16:9; Act 21:9

и́бо на рабы́ моя́ и на рабы́ни моя́ во дни о́ны излию́ от ду́ха моего́, и прореку́т:

и дам чудеса́ на небеси́ горе́ и зна́мения на земли́ ни́зу, кровь и огнь и куре́ние ды́ма:

со́лнце преложи́тся во тму, и луна́ в кровь, пре́жде да́же не приити́ дню го́сподню вели́кому и просвеще́нному:

и бу́дет, всяк, и́же а́ще призове́т и́мя го́сподне, спасе́тся.Jol 2:28; Rom 10:13

Му́жие изра́илстии, послу́шайте слове́с сих: иису́са назоре́а, му́жа от бо́га изве́ствованна в вас си́лами и чудесы́ и зна́мении, я́же сотвори́ тем бог посреде́ вас, я́коже и са́ми ве́сте,

сего́ нарекова́нным сове́том и проразуме́нием бо́жиим пре́дана прие́мше, рука́ми беззако́нных пригво́ждше уби́сте:

его́же бог воскреси́, разреши́в боле́зни сме́ртныя, я́коже не бя́ше мо́щно держи́му бы́ти ему́ от нея́.Jhn 10:18; Act 3:15; Act 4:10

Дави́д бо глаго́лет о нем: предзре́х го́спода предо мно́ю вы́ну, я́ко о десну́ю мене́ есть, да не подви́жуся:

сего́ ра́ди возвесели́ся се́рдце мое́, и возра́довася язы́к мой: еще́ же и плоть моя́ всели́тся на упова́нии,

я́ко не оста́виши души́ моея́ во а́де, ниже́ да́си преподо́бному твоему́ ви́дети истле́ния:

сказа́л ми еси́ пути́ живота́: испо́лниши мя весе́лия с лице́м твои́м.Psa 15:8

Му́жие бра́тие, досто́ит рещи́ с дерзнове́нием к вам о патриа́рсе дави́де, я́ко и у́мре и погребе́н бысть, и гроб его́ есть в нас да́же до дне сего́:3Rg 2:10; Act 13:36

проро́к у́бо сый и ве́дый, я́ко кля́твою кля́тся ему́ бог от плода́ чресл его́ по плоти воздви́гнути христа́ и посади́ти его́ на престо́ле его́,2Rg 7:12; Psa 131:11; 2Rg 7:19; 2Rg 23:2; Luk 1:69

предви́дев глаго́ла о воскресе́нии христо́ве, я́ко не оста́вися душа́ его́ во а́де, ни плоть его́ ви́де истле́ния.Psa 15:10; Act 13:37

Сего́ иису́са воскреси́ бог, ему́же вси мы есмы́ свиде́телие.Jhn 15:27; Act 3:15

Десни́цею у́бо бо́жиею вознесе́ся, и обетова́ние свята́го ду́ха прие́мь от отца́, излия́ сие́, е́же вы ны́не ви́дите и слы́шите.Jhn 14:16

Не бо дави́д взы́де на небеса́, глаго́лет бо сам: рече́ госпо́дь го́сподеви моему́: седи́ о десну́ю мене́,Mat 22:44

до́ндеже положу́ враги́ твоя́ подно́жие ног твои́х.Psa 109:1

Тве́рдо у́бо да разуме́ет весь дом изра́илев, я́ко и го́спода и христа́ его́ бог сотвори́л есть, сего́ иису́са, его́же вы распя́сте.Mat 28:18

Слы́шавше же умили́шася се́рдцем и ре́ша к петру́ и про́чым апо́столом: что сотвори́м, му́жие бра́тие?

Петр же рече́ к ним: пока́йтеся, и да крести́тся ки́йждо вас во и́мя иису́са христа́ во оставле́ние грехо́в: и прии́мете дар свята́го ду́ха:

вам бо есть обетова́ние и ча́дом ва́шым и всем да́льним, ели́ки а́ще призове́т госпо́дь бог наш.Jer 31:34; Act 3:25

И ины́ми словесы́ мно́жайшими засвиде́телствоваше и моля́ше я, глаго́ля: спаси́теся от ро́да стропти́ваго сего́.

И́же у́бо любе́зно прия́ша сло́во его́, крести́шася: и приложи́шася в день той душ я́ко три ты́сящы:

бя́ху же терпя́ще во уче́нии апо́стол и во обще́нии и в преломле́нии хле́ба и в моли́твах.

Бысть же на вся́кой души́ страх: мно́га бо чудеса́ и зна́мения апо́столы бы́ша во иерусали́ме.

Страх же ве́лий бя́ше на всех их. Вси же ве́ровавшии бя́ху вку́пе и имя́ху вся о́бща:Act 4:32

и стяжа́ния и име́ния продая́ху, и раздая́ху всем, его́же а́ще кто тре́боваше:

по вся же дни терпя́ще единоду́шно в це́ркви и ломя́ще по домо́м хлеб, приима́ху пи́щу в ра́дости и в простоте́ се́рдца,Luk 24:53; Act 20:11

хва́ляще бо́га и иму́ще благода́ть у всех люди́й. Госпо́дь же прилага́ше по вся дни це́ркви спаса́ющыяся.Act 5:14; Act 11:21