Dz Dzieje, rozdział Dzieje Apostolskie, rozdział 7
Inne pismo: церковнославянский
Рече́ же архиере́й: а́ще у́бо сия́ та́ко суть?
Он же рече́: му́жие бра́тие и отцы́, послу́шайте. Бог сла́вы яви́ся отцу́ на́шему авраа́му су́щу в месопота́мии, пре́жде да́же не всели́тися ему́ в харра́нь,
и рече́ к нему́: изы́ди от земли́ твоея́ и от ро́да твоего́ и от до́му отца́ твоего́, и прииди́ в зе́млю, ю́же а́ще ти покажу́.Rdz 12:1; Neh 9:7
Тогда́ изше́д от земли́ халде́йския, всели́ся в харра́нь: и отту́ду, по уме́ртвии отца́ его́, пресели́ его́ в зе́млю сию́, на не́йже вы ны́не живете́,
и не даде́ ему́ насле́дия в ней, ниже́ стопы́ но́гу: и обеща́ да́ти ему́ ю во одержа́ние и се́мени его́ по нем, не су́щу ему́ ча́ду.
Глаго́ла же си́це бог, я́ко бу́дет се́мя его́ прише́лцы в земли́ чужде́й, и порабо́тят е и озло́бят лет четы́реста.Rdz 15:13; Wj 12:40; Ga 3:17
И язы́ку, ему́же порабо́тают, сужду́ аз, рече́ бог: и по сих изы́дут и послу́жат ми на ме́сте сем.
И даде́ ему́ заве́т обре́зания. И та́ко роди́ исаа́ка и обре́за его́ в день осмы́й: и исаа́к иа́кова, и иа́ков двана́десять патриа́рх.Rdz 17:10; Rdz 21:4; Rdz 25:26; Rdz 29:31; Rdz 35:22
И патриа́рси позави́девше ио́сифу прода́ша его́ во еги́пет: и бе бог с ним,Rdz 37:28; Ps 104:17
и изъя́т его́ от всех скорбе́й его́, и даде́ ему́ благода́ть и прему́дрость пред фарао́ном царе́м еги́петским: и поста́ви его́ нача́лника над еги́птом и над всем до́мом свои́м.Rdz 41:38; Rdz 41:41
Прии́де же глад на всю зе́млю еги́петскую и ханаа́ню и скорбь ве́лия, и не обрета́ху сы́тости отцы́ на́ши.
Слы́шав же иа́ков су́щую пшени́цу во еги́пте, посла́ отцы́ на́шя пе́рвее,Rdz 42:1
и внегда́ второ́е (приидо́ша), позна́н бысть ио́сиф бра́тии свое́й, и я́ве бысть фарао́ну род ио́сифов.Rdz 45:4
Посла́в же ио́сиф призва́ отца́ своего́ иа́кова и все сро́дство свое́, се́дмьдесят и пять душ.Rdz 46:27
Сни́де же иа́ков во еги́пет, и сконча́ся сам и отцы́ на́ши:Rdz 46:5; Rdz 49:33
и принесе́ни бы́ша в сихе́м и положе́ни бы́ша во гро́бе, его́же купи́ авраа́м цено́ю сребра́ от сыно́в еммо́ра сихе́мова.Rdz 23:16; Rdz 50:13; Joz 24:32
И я́коже приближа́шеся вре́мя обетова́ния, и́мже кля́тся бог авраа́му, возрасто́ша лю́дие и умно́жишася во еги́пте,Wj 1:7; Ps 104:24
до́ндеже наста́ царь ин (во еги́пте), и́же не зна́ше ио́сифа:
сей зле умы́слив о ро́де на́шем, озло́би отцы́ на́шя, умори́ти младе́нцы их и не оживи́тидабы́ изверга́ли младе́нцы своя́ во е́же не бы́ти им живы́м.
В не́же вре́мя роди́ся моисе́й и бе уго́ден бо́гови, и́же пита́н бысть ме́сяцы три в дому́ отца́ своего́:Wj 2:2; Hbr 11:23
изве́ржена же его́ взят его́ дщи фарао́нова и воспита́ и себе́ в сы́на:Wj 2:5; Wj 2:10
и нака́зан бысть моисе́й всей прему́дрости еги́петстей, бе же си́лен в словесе́х и де́лех.
Егда́ же исполня́шеся ему́ лет четы́редесятих вре́мя, взы́де на се́рдце ему́ посети́ти бра́тию свою́ сы́ны изра́илевы:
и ви́дев не́коего оби́дима, посо́бствова и сотвори́ отмще́ние оби́димому, уби́в еги́птянина.Wj 2:12
Мня́ше же разуме́ти бра́тиям свои́м, я́ко бог руко́ю его́ даст им спасе́ние: они́ же не разуме́ша.
Во у́трий же день яви́ся им тя́жущымся и привлача́ше их в примире́ние, рек: му́жие, бра́тия есте́ вы, вску́ю оби́дите друг дру́га?Wj 2:13
Оби́дяй же бли́жняго отри́ну его́, рек: кто тя поста́ви кня́зя и судию́ над на́ми?
еда́ уби́ти мя ты хо́щеши, и́мже о́бразом уби́л еси́ вчера́ еги́птянина?
Бежа́ же моисе́й о словеси́ сем и бысть пришле́ц в земли́ мадиа́мстей, иде́же роди́ сы́на два.
И испо́лньшымся ле́том четы́редесятим, яви́ся ему́ в пусты́ни горы́ сина́йския а́нгел го́сподень в пла́мени о́гнене в купине́:Wj 3:2
моисе́й же ви́дев дивля́шеся виде́нию: приступа́ющу же ему́ разуме́ти, бысть глас го́сподень к нему́:
аз бог оте́ц твои́х, бог авраа́мов и бог исаа́ков и бог иа́ковль. Тре́петен же быв моисе́й не сме́яше смотри́ти.
Рече́ же ему́ госпо́дь: изу́й сапоги́ ногу́ твое́ю, ме́сто бо, на не́мже стои́ши, земля́ свята́ есть:
ви́дя ви́дех озлобле́ние люди́й мои́х, и́же во еги́пте, и стена́ние их услы́шах, и снидо́х изъя́ти их: и ны́не гряди́, послю́ тя во еги́пет.
Сего́ моисе́а, его́же отри́нуша, ре́кше: кто тя поста́ви нача́лника и судию́? сего́ бог кня́зя и изба́вителя посла́ руко́ю а́нгела я́вльшагося ему́ в купине́:Wj 3:10
сей изведе́ их, сотво́рь чудеса́ и зна́мения в земли́ еги́петстей и в чермне́м мо́ри, и в пусты́ни лет четы́редесять.
Сей есть моисе́й реки́й сыно́м изра́илевым: проро́ка вам воздви́гнет госпо́дь бог ваш от бра́тии ва́шея я́ко мене́: того́ послу́шайте.Pwt 18:15; Dz 3:22
Сей есть бы́вый в це́ркви в пусты́ни со а́нгелом, глаго́лавшим ему́ на горе́ сина́йстей, и со отцы́ на́шими, и́же прия́т словеса́ жи́ва да́ти нам,Wj 19:3; Ga 3:19
его́же не восхоте́ша послу́шати отцы́ на́ши, но отри́нуша и и обрати́шася се́рдцем свои́м во еги́пет,
ре́кше ааро́ну: сотвори́ нам бо́ги, и́же преди́дут пред на́ми, моисе́ю бо сему́, и́же изведе́ нас от земли́ еги́петския, не ве́мы, что бысть ему́.Wj 32:1
И сотвори́ша телца́ во дни о́ны, и принесо́ша же́ртву и́долу, и веселя́хуся в де́лех руку́ свое́ю.
Отврати́ся же бог и предаде́ их служи́ти во́ем небе́сным, я́коже пи́сано есть в кни́зе проро́к: еда́ заколе́ния и же́ртвы принесо́сте ми лет четы́редесять в пусты́ни, до́ме изра́илев?Pwt 4:19; Jr 19:13
и восприя́сте ски́нию моло́хову и звезду́ бо́га ва́шего ремфа́на, о́бразы, я́же сотвори́сте покланя́тися им: и преселю́ вы да́лее вавило́на.Am 5:25
Сень свиде́ния бя́ше отце́м на́шым в пусты́ни, я́коже повеле́ глаго́ляй моисе́ови сотвори́ти ю по о́бразу, его́же ви́де:Wj 25:40; Hbr 8:5
ю́же и внесо́ша прие́мше отцы́ на́ши со иису́сом во одержа́ние язы́ков, и́хже изри́ну бог от лица́ оте́ц на́ших, да́же до дний дави́да:Joz 3:14
и́же обре́те благода́ть пред бо́гом и испроси́ обрести́ селе́ние бо́гу иа́ковлю.2Sm 7:2; Ps 131:5
Соломо́н же созда́ ему́ храм.1Krl 6:1
Но вы́шний не в рукотворе́нных це́рквах живе́т, я́коже проро́к глаго́лет:1Krl 8:27; Dz 17:24
не́бо мне престо́л есть, земля́ же подно́жие нога́ма мои́ма: кий храм сози́ждете ми, глаго́лет госпо́дь, или́ ко́е ме́сто поко́ищу моему́?
Не рука́ ли моя́ сотвори́ сия́ вся?Iz 66:1
Жестоковы́йнии и необре́заннии сердцы́ и ушесы́, вы при́сно ду́ху свято́му проти́витеся, я́коже отцы́ ва́ши, та́ко и вы:Pwt 9:13; Jr 6:10; Ez 44:9
кого́ от проро́к не изгна́ша отцы́ ва́ши? и уби́ша предвозвести́вшыя о прише́ствии пра́веднаго, его́же вы ны́не преда́теле и уби́йцы бы́сте,Mt 23:34; 1Tes 2:15
и́же прия́сте зако́н устрое́нием а́нгелским и не сохрани́сте.Pwt 33:2; Ga 3:19
Слы́шаще же сия́, распыха́хуся сердцы́ свои́ми и скрежета́ху зубы́ нань.
Стефа́н же сый испо́лнь ду́ха свята, воззре́в на не́бо, ви́де сла́ву бо́жию и иису́са стоя́ща о десну́ю бо́га,Dz 6:5; Dz 6:10
и рече́: се, ви́жу небеса́ отве́рста и сы́на челове́ча о десну́ю стоя́ща бо́га.
Возопи́вше же гла́сом ве́лиим, затыка́ху у́шы свои́ и устреми́шася единоду́шно нань,
и изве́дше вне гра́да, ка́мением побива́ху его́: и свиде́телие (сне́мше) ри́зы своя́ положи́ша при ногу́ ю́ноши нарица́емаго са́вла,Dz 22:20
и ка́мением побива́ху стефа́на, моля́щася и глаго́люща: го́споди иису́се, приими́ дух мой.Ps 30:6; Łk 23:46
Прекло́нь же коле́на, возопи́ гла́сом ве́лиим: го́споди, не поста́ви им греха́ сего́. И сия́ рек у́спе.Mt 5:44; Łk 23:34; 1Kor 4:12