Деян Деяния Апостолов, глава Деяния святых апостолов, глава 13
Другое письмо: церковнославянский
Бя́ху же не́цыи во це́ркви су́щей во антиохи́и проро́цы и учи́телие: варна́ва же и симео́н нарица́емый ни́гер, и луки́й кирине́анин, и манаи́л со и́родом четвертовла́стником воспита́нный, и савл.Деян 11:27
Служа́щым же им го́сподеви и постя́щымся, рече́ дух святы́й: отдели́те ми варна́ву и са́вла на де́ло, на не́же призва́х их.Деян 9:15; Рим 1:1; Гал 1:15; 1Тим 2:7
Тогда́ пости́вшеся и помоли́вшеся и возло́жше ру́ки на ня, отпусти́ша их.Деян 6:6
Сия́ у́бо, по́слана бы́вша от ду́ха свята, снидо́ста в селевки́ю, отту́ду же отплы́ста в кипр,
и бы́вша в салами́не, возвеща́ста сло́во бо́жие в со́нмищих иуде́йских: име́яста же и иоа́нна слугу́.Деян 12:25
Проше́дша же о́стров да́же до па́фа, обрето́ста не́коего му́жа волхва́ лжепроро́ка иуде́анина, ему́же и́мя вариису́с,
и́же бе со анфипа́том се́ргием па́влом, му́жем разу́мным. Сей призва́в варна́ву и са́вла, взыска́ услы́шати сло́во бо́жие:
сопротивля́шеся же и́ма ели́ма волхв, та́ко бо сказу́ется и́мя его́, иски́й разврати́ти анфипа́та от ве́ры.Деян 8:9; 2Тим 3:8
Савл же, и́же и па́вел, испо́лнися ду́ха свята, и воззре́в нань,
рече́: о, испо́лненне вся́кия льсти и вся́кия зло́бы, сы́не диа́воль, вра́же вся́кия пра́вды, не преста́неши ли развраща́я пути́ го́сподни пра́выя?Мф 13:38; Ин 8:44; 1Ин 3:8
и ны́не, се, рука́ го́сподня на тя, и бу́деши слеп, не ви́дя со́лнца до вре́мене. Внеза́пу же нападе́ нань мрак и тма, и осяза́я иска́ше вожда́.
Тогда́ ви́дев анфипа́т бы́вшее, ве́рова, дивя́ся о учении го́сподни.
Отве́зшеся же от па́фа па́вел и су́щии с ним, приидо́ша в перги́ю памфили́йскую: иоа́нн же, отлучи́вся от них, возврати́ся во иерусали́м.Деян 15:38
Они́ же, проше́дше от перги́и, приидо́ша во антиохи́ю писиди́йскую, и вше́дше в со́нмище в день суббо́тный, седо́ша.
По чте́нии же зако́на и проро́к, посла́ша нача́лницы со́нмища к ним, глаго́люще: му́жие бра́тие, а́ще есть сло́во в вас утеше́ния к лю́дем, глаго́лите.
Воста́в же па́вел и помаа́в руко́ю, рече́: му́жие израилтяне и боя́щиися бо́га, услы́шите:
бог люди́й сих избра́ отцы́ на́шя и лю́ди вознесе́ в прише́лствии в земли́ еги́петстей, и мы́шцею высо́кою изведе́ их из нея́Исх 1:1; Исх 13:16
и до четы́редесяти лет препита́ их в пусты́ни:Исх 16:35
и низложи́в язы́к седмь в земли́ ханаа́нстей, даде́ им в насле́дие зе́млю их,Нав 3:10
и по сих, я́ко лет четы́реста и пятьдеся́т, даде́ им судии́ до самуи́ла проро́ка:Суд 2:16
и отту́ду проси́ша царя́, и даде́ им бог сау́ла сы́на ки́сова, му́жа от коле́на вениами́нова, лет четы́редесять:1Цар 8:5; 1Цар 9:16
и преста́вль его́, воздви́же им дави́да в царя́, ему́же и рече́ свиде́телствовав: обрето́х дави́да сы́на иессе́ова, му́жа по се́рдцу моему́, и́же сотвори́т вся хоте́ния моя́.1Цар 13:14; Пс 88:21
От сего́ се́мене бог по обетова́нию воздви́же изра́илю спасе́ние иису́са,2Цар 7:12; Пс 131:11; Ис 11:1
пропове́давшу иоа́нну пред лице́м вни́тия его́ креще́ние покая́ния всем лю́дем изра́илевым.Мф 3:1
И я́коже скончава́ше иоа́нн тече́ние, глаго́лаше: кого́ мя непщу́ете бы́ти? несмь аз, но се, гряде́т по мне, ему́же несмь досто́ин разреши́ти реме́нь сапогу́ его́.Ин 1:20; Ин 3:28
Му́жие бра́тие, сы́нове ро́да авраа́мля, и и́же в вас боя́щиися бо́га, вам сло́во спасе́ния сего́ посла́ся.Мф 10:6
Живу́щии бо во иерусали́ме и кня́зи их, сего́ не разуме́вше, и гла́сы проро́ческия по вся суббо́ты что́мыя, осуди́вше (его́), испо́лниша,Лк 24:27; 1Кор 2:8
и ни еди́ныя вины́ сме́ртныя обре́тше, проси́ша у пила́та уби́ти его́:Мф 27:20; Лк 23:23; Деян 3:14
я́коже сконча́ша вся, я́же о нем пи́сана, сне́мше с дре́ва, положи́ша во гро́бе.
Бог же воскреси́ его́ от ме́ртвых:Мф 28:6; Мк 16:6
и́же явля́шеся во дни мно́ги совозше́дшым с ним от галиле́и во иерусали́м, и́же ны́не суть свиде́телие его́ к лю́дем.Ин 20:19
И мы вам благовеству́ем обетова́ние бы́вшее ко отце́м, я́ко сие́ бог испо́лнил есть нам ча́дом их, воздви́г иису́са,Быт 22:18; 2Цар 7:12; Ис 4:2; Дан 9:24
я́коже и во псалме́ вторе́м пи́сано есть: сын мой еси́ ты, аз днесь роди́х тя.Пс 2:7; Евр 1:5
А я́коже воскреси́ его́ от ме́ртвых, не ктому́ хотя́ща возврати́тися во истле́ние, си́це рече́: я́ко дам вам преподо́бная дави́дова ве́рная.Ис 55:3
Те́мже и в друго́м глаго́лет: не да́си преподо́бному твоему́ ви́дети истле́ния.Пс 15:10; Деян 2:31
Дави́д бо, своему́ ро́ду послужи́в бо́жиим сове́том, у́спе, и приложи́ся ко отце́м свои́м, и ви́де истле́ние:3Цар 2:10; Деян 2:29
а его́же бог воздви́же, не ви́де истле́ния.Деян 2:31
Ве́домо у́бо да бу́дет вам, му́жие бра́тие, я́ко его́ ра́ди вам оставле́ние грехо́в пропове́дается:Ис 53:12; Иер 31:34; Лк 24:47
и от всех, от ни́хже не возмого́сте в зако́не моисе́ове оправди́тися, о сем всяк ве́руяй оправда́ется.Рим 3:20
Блюди́те у́бо, да не прии́дет на вас рече́нное во проро́цех:
ви́дите, неради́вии, и чуди́теся, и у́зрите и исче́знете: я́ко де́ло аз соде́лаю во дни ва́шя, ему́же не и́мате ве́ровати, а́ще кто пове́сть вам.Авв 1:5
Исходя́щым же им от со́нмища иуде́йска, моля́ху язы́цы в другу́ю суббо́ту глаго́латися им глаго́лом сим:
разше́дшуся же собо́ру, после́доваша мно́зи от иуде́й и чести́вых пришле́ц па́влу и варна́ве, и́же, глаго́люща им, увеща́ста их пребыва́ти в благода́ти бо́жией.Деян 11:23
Во гряду́щую же суббо́ту ма́ло не весь град собра́ся послу́шати сло́ва бо́жия:
ви́девше же иуде́е наро́ды, испо́лнишася за́висти и вопреки́ глаго́лаху глаго́лемым от па́вла, сопроти́в глаго́люще и хуля́ще.
Дерзну́вша же па́вел и варна́ва реко́ста: вам бе ле́по пе́рвее глаго́лати сло́во бо́жие: а поне́же отверго́сте е и недосто́йны творите́ са́ми себе́ ве́чному животу́, се, обраща́емся во язы́ки:Втор 32:21; Деян 3:26; Деян 4:29; Деян 18:6
та́ко бо запове́да нам госпо́дь: положи́х тя во свет язы́ком, е́же бы́ти тебе́ во спасе́ние да́же до после́дних земли́.Ис 49:6; Ис 42:6; Лк 2:32
Слы́шаще же язы́цы ра́довахуся и сла́вляху сло́во го́сподне, и ве́роваша, ели́цы учине́ни бя́ху в жизнь ве́чную:
проноша́шеся же сло́во го́сподне по всей стране́.
Иуде́е же наусти́ша чести́выя жены́ и благообра́зныя и старе́йшины гра́да, и воздвиго́ша гоне́ние на па́вла и варна́ву, и изгна́ша я от преде́л свои́х.2Тим 3:11
О́на же, отря́сша прах от ног свои́х на них, приидо́ста во икони́ю.Мф 10:14; Мк 6:11; Лк 9:5
Ученицы́ же исполня́хуся ра́дости и ду́ха свята.