Dz Dzieje, rozdział Dzieje Apostolskie, rozdział 14
Inne pismo: церковнославянский
Бысть же во икони́и, вку́пе вни́ти и́ма в со́нмище иуде́йское и глаго́лати та́ко, я́ко ве́ровати иуде́ев и е́ллинов мно́жеству мно́гу.
Неве́рующии же иуде́е воздвиго́ша и озло́бишак зло́бе подусти́ша ду́шы язы́ков на бра́тию.
Дово́лно же у́бо вре́мя пребы́ста дерза́юща о го́споде, свиде́телствующем сло́ву благода́ти своея́ и даю́щем зна́мения и чудеса́ бы́ти рука́ма их.Mk 16:20
Раздели́шажеся мно́жество гра́да, и о́ви у́бо бя́ху со иуде́и, о́ви же со апо́столы.
И егда́ бысть стремле́ние язы́ком же и иуде́ем с нача́лники их досади́ти и ка́мением поби́ти их,
уве́девша же прибего́ста во гра́ды ликао́нския, в ли́стру и де́рвию, и во окре́стныя их,Mt 10:23
и та́мо бе́ста благовеству́юща.
И не́кто муж в ли́стрех не́мощен нога́ма седя́ше, хром от чре́ва ма́тере своея́ сый, и́же николи́же бе ходи́л.
Сей слы́шаше па́вла глаго́люща: и́же воззре́в нань и ви́дев, я́ко ве́ру и́мать здрав бы́ти,
рече́ ве́лиим гла́сом: тебе́ глаго́лю во и́мя го́спода иису́са христа́, вста́ни на ногу́ твое́ю прав. И а́бие возскочи́ и хожда́ше.Iz 35:6
Наро́ди же ви́девше, е́же сотвори́ па́вел, воздвиго́ша глас свой, ликао́нски глаго́люще: бо́зи уподо́бльшеся челове́ком снидо́ша к нам.
Нарица́ху же у́бо варна́ву ди́а, па́вла же ерми́а, поне́же той бя́ше нача́лник сло́ва.
Жрец же ди́ев, су́щаго пред гра́дом их, приведе́ юнцы́ и (принесе́) венцы́ пред врата́, с наро́ды хотя́ше жре́ти.
Слы́шавша же апо́стола варна́ва и па́вел, растерза́вша ри́зы своя́, вскочи́ста в наро́д, зову́ща и глаго́люща:
му́жие, что сия́ творите́? и мы подобостра́стна есма́ вам челове́ка, благовеству́юща вам от сих су́етных обраща́тися к бо́гу жи́ву, и́же сотвори́ не́бо и зе́млю и мо́ре и вся, я́же в них:Rdz 1:1; Ps 145:6; Syr 18:1; Am 2:4; Dz 10:26; Obj 14:7
и́же в мимоше́дшыя ро́ды оста́вил бе вся язы́ки ходи́ти в путе́х их:
и у́бо не несвиде́телствована себе́ оста́ви, благотворя́, с небесе́ нам дожди́ дая́ и времена́ плодоно́сна, исполня́я пи́щею и весе́лием сердца́ на́ша.Ps 64:10; Mt 5:45; Rz 1:19
И сия́ глаго́люща, едва́ уста́виста наро́ды не жре́ти и́ма, но отити́ коему́ждо во своя́ си. Пребыва́ющема же и́ма и уча́щема,
приидо́ша от антиохи́и и икони́и не́цыи иуде́е, и стяза́ющемася и́ма с дерзнове́нием, наусти́ша наро́ды отступи́ти от нею́, глаго́люще, я́ко ничто́же и́стинно глаго́лета, но все лже́та. И наусти́вше наро́ды и ка́мением поби́вше па́вла, извлеко́ша вне гра́да, мня́ще его́ уме́рша.2Kor 11:25
О́крест же ста́вшым его́ ученико́м, воста́в вни́де во град и нау́трие изы́де с варна́вою в де́рвию.
Благовествова́вша же гра́ду тому́ и научи́вша мно́ги, возврати́стася в ли́стру и икони́ю и антиохи́ю,
утвержда́юща ду́шы ученико́в, моля́ща пребы́ти в ве́ре, и я́ко мно́гими скорбьми́ подоба́ет нам вни́ти в ца́рствие бо́жие.Ps 33:20; Mt 7:14; Łk 13:24; 2Tm 3:12; Obj 14:12
Рукополо́жша же им пресви́теры на вся це́ркви и помоли́вшася с посто́м, преда́ста их го́сподеви, в него́же уве́роваша.
И проше́дша писиди́ю, приидо́ста в памфили́ю:
и глаго́лавша в перги́и сло́во го́сподне, снидо́ста во аттали́ю
и отту́ду отплы́ста во антиохи́ю, отню́дуже бе́ста пре́дана благода́ти бо́жией в де́ло, е́же сконча́ста.Dz 16:2
Прише́дша же и собра́вша це́рковь, сказа́ста, ели́ка сотвори́ бог с ни́ма и я́ко отве́рзе язы́ком дверь ве́ры:
пребы́ста же та́мо вре́мя не ма́ло со учени́ки.