Act Faptele Apostolilor, capitolul Faptele Sfinților Apostoli, capitolul 26

Агри́ппа же к па́влу рече́: повелева́ется ти о себе́ самому́ глаго́лати. Тогда́ па́вел просте́р ру́ку отвещава́ше:

о всех, о ни́хже оклевета́емь есмь от иуде́й, царю́ агри́ппо, непщу́ю себе́ блаже́нна бы́ти, я́ко пред тобо́ю отвеща́ти днесь и́мам,

па́че же ве́дца тя су́ща све́дый всех иуде́йских обы́чаев и взыска́ний. Те́мже молю́ся ти долготерпели́вно послу́шати мене́.

Житие́ у́бо мое́ е́же от ю́ности, испе́рва бы́вшее во язы́це мое́м во иерусали́ме, ве́дят вси иуде́е,

ве́дяще мя испе́рва, а́ще хотя́т свиде́телствовати, я́ко по изве́стней е́реси на́шея ве́ры жих фарисе́й.Act 22:3; Act 23:6

И ны́не о упова́нии обетова́ния, бы́вшаго от бо́га ко отце́м на́шым, стою́ суди́мь,Gen 3:15; Gen 22:18; Deu 18:15; 2Rg 7:12; Psa 131:11; Isa 4:2; Isa 7:14; Jer 23:5; Jer 33:15; Ezk 34:23; Ezk 37:24; Dan 9:24; Mic 5:2

в не́же обана́десяте коле́на на́ша безпреста́ни день и нощь служа́ще наде́ются доити́: о не́мже упова́нии оклевета́емь есмь, царю́ агри́ппо, от иуде́й.

Что? Неве́рно ли су́дится ва́ми, я́ко бог ме́ртвыя возставля́ет?

Аз у́бо мнех, я́ко подоба́ет ми мно́га сопроти́вна проти́ву и́мене иису́са назоре́а сотвори́ти:

е́же и сотвори́х во иерусали́ме, и мно́ги от святы́х аз в темни́цах затворя́х, власть от архиере́й прие́мь: убива́емым же им прилага́х сове́т:Act 8:3; Act 9:1; Act 22:4; 1Co 15:9; Gal 1:13; 1Ti 1:13

и на всех со́нмищих мно́жицею му́чя их, принужда́х ху́лити: преизли́ха же вражду́я на них, гоня́х да́же и до вне́шних градо́в.

В ни́хже иды́й в дама́ск со вла́стию и повеле́нием, е́же от архиере́й,

в полу́дни на пути́ ви́дех, царю́, с небесе́ па́че сия́ния со́лнечнаго осия́вший мя свет и со мно́ю иду́щих.Act 22:6

Всем же па́дшым нам на зе́млю, слы́шах глас глаго́лющь ко мне и веща́ющь евре́йским язы́ком: са́вле, са́вле, что мя го́ниши? же́стоко ти есть проти́ву рожна́ пра́ти.

Аз же рех: кто еси́, го́споди? Он же рече́: аз есмь иису́с, его́же ты го́ниши:

но воста́ни и ста́ни на ногу́ твое́ю: на се бо яви́хся ти, сотвори́ти тя слугу́ и свиде́теля, я́же ви́дел еси́ и я́же явлю́ тебе́,

изима́я тя от люди́й иуде́йских и от язы́к, к ни́мже аз тя послю́,

отве́рсти о́чи их, да обратя́тся от тмы в свет и от о́бласти сатанины́ к бо́гу, е́же прия́ти им оставле́ние грехо́в и достоя́ние во святы́х ве́рою, я́же в мя.Isa 42:7; Isa 60:1; Luk 2:32; Jhn 1:9; 1Pe 2:9; Eph 5:8

Те́мже, царю́ агри́ппо, не бых проти́вен небе́сному виде́нию,

но су́щым в дама́сце пре́жде и во иерусали́ме, и во вся́цей стране́ иуде́йстей и язы́ком пропове́дую пока́ятися и обрати́тися к бо́гу, досто́йна покая́нию дела́ творя́ще.Jer 18:8; Ezk 33:14; Act 9:20

Сих ра́ди мя иуде́е е́мше во святи́лищи хотя́ху растерза́ти.Act 21:30

По́мощь у́бо улучи́в я́же от бо́га, да́же до дне сего́ стою́, свиде́телствуя ма́лу же и вели́ку, ничто́же веща́я, ра́зве я́же проро́цы реко́ша хотя́щая бы́ти и моисе́й,

я́ко христо́с име́яше пострада́ти, я́ко пе́рвый от воскресе́ния ме́ртвых свет хотя́ше пропове́дати лю́дем (иуде́йским) и язы́ком.Num 21:9; Isa 53:2; Dan 9:26; Zec 12:10; Luk 24:27

Сия́ же ему́ отвещава́ющу, фист ве́лиим гла́сом рече́: бесну́ешися ли, па́вле? мно́гия тя кни́ги в неи́стовство прелага́ют.1Co 1:23; 1Co 2:14

Он же: не бесну́юся, рече́, держа́вный фи́сте, но и́стины и целому́дрия глаго́лы веща́ю:

весть бо о сих царь, к нему́же и с дерзнове́нием глаго́лю: утаи́тися бо ему́ от сих не ве́рую ничесому́же, несть бо во у́гле сотворе́но сие́:Jhn 18:20

ве́руеши ли, царю́ агри́ппо, проро́ком? вем, я́ко ве́руеши.

Агри́ппа же к па́влу рече́: вма́ле мя препира́еши христиа́нина бы́ти.

Па́вел же рече́: моли́л у́бо бых бо́га, и вма́ле и во мно́зе, не то́кмо тебе́, но и всех слы́шащих мя днесь, бы́ти им та́цем, яко́в и аз есмь, кроме́ уз сих.Act 24:27

И сия́ ре́кшу ему́, воста́ царь и иге́мон, и верники́а и седя́щии с ни́ми,

и отше́дше бесе́доваху друг ко дру́гу, глаго́люще, я́ко ничто́же сме́рти досто́йно или́ уз твори́т челове́к сей.

Агри́ппа же фи́сту рече́: отпуще́н бы́ти можа́ше челове́к сей, а́ще не бы ке́саря нарица́л. И та́ко суди́ иге́мон посла́ти его́ к ке́сарю.