Рим Римлянам, глава Послание к Римлянам, глава 2
Другое письмо: церковнославянский
Сего́ ра́ди безотве́тен еси́, о, челове́че всяк судя́й: и́мже бо судо́м су́диши дру́га, себе́ осужда́еши, та́яжде бо твори́ши судя́й.2Цар 12:5; Мф 7:1; Лк 6:37; 1Кор 4:5
Ве́мы же, я́ко суд бо́жий есть пои́стинне на творя́щих такова́я.
Помышля́еши ли же сие́, о, челове́че, судя́й такова́я творя́щым и творя́ сам та́яжде, я́ко ты избежи́ши ли суда́ бо́жия,
или́ о бога́тстве благости его́ и кро́тости и долготерпе́нии неради́ши, не ве́дый, я́ко благость бо́жия на покая́ние тя веде́т?Ис 30:18; Иер 3:12; 2Петр 3:15
По жесто́кости же твое́й и непока́янному се́рдцу, собира́еши себе́ гнев в день гне́ва и открове́ния пра́веднаго суда́ бо́жия,Иак 5:3
и́же возда́ст коему́ждо по дело́м его́:Прит 24:12; Мф 16:27
о́вым у́бо, по терпе́нию де́ла блага́го, сла́вы и че́сти и нетле́ния и́щущым, живо́т ве́чный:Мф 25:46
а и́же по рве́нию противля́ются у́бо и́стине, повину́ются же непра́вде, я́рость и гнев.Иер 23:19; Евр 10:27
Скорбь и теснота́ на вся́ку ду́шу челове́ка творя́щаго зло́е, иуде́а же пре́жде и е́ллина.
Сла́ва же и честь и мир вся́кому де́лающему благо́е, иуде́еви же пре́жде и е́ллину.
Несть бо на лица́ зре́ния у бо́га.Втор 10:17; 2Пар 19:7
Ели́цы бо беззако́ннобез зако́на согреши́ша, беззако́ннобез зако́на и поги́бнут: и ели́цы в зако́не согреши́ша, зако́ном суд прии́мут:Лк 12:47
не слы́шателие бо зако́на пра́ведни пред бо́гом, но творцы́ зако́на, си́и оправдя́тся:Мф 7:21; Иак 1:22
егда́ бо язы́цы, не иму́ще зако́на, естество́м зако́нная творя́т, си́и, зако́на не иму́ще, са́ми себе́ суть зако́н:
и́же явля́ют де́ло зако́нное напи́сано в сердца́х свои́х, спослу́шествующеи им со́вести, и между́ собо́ю помысло́м осужда́ющым или́ отвеща́ющым,
в день, егда́ су́дит бог та́йная челове́ком, по благове́стию моему́, иису́сом христо́м.Еккл 12:14; Мф 25:31; Ин 5:22; Деян 10:42; 1Кор 4:5
Се, ты иуде́й имену́ешися, и почива́еши на зако́не, и хва́лишися о бо́зе,Мих 3:11
и разуме́еши во́лю, и разсужда́еши лу́чшая, науча́емь от зако́на,
упова́я же себе́ вожда́ бы́ти слепы́м, све́та су́щым во тме,Ис 42:19; Мф 15:14
наказа́теля безу́мным, учи́теля младе́нцем, иму́ща о́браз ра́зума и и́стины в зако́не:
науча́я у́бо ина́го, себе́ ли не учи́ши,Пс 49:16; Пс 49:21
пропове́дая не кра́сти, кра́деши: глаго́ляй не прелюбы́ твори́ти, прелюбы́ твори́ши: гнуша́яся и́дол, свята́я кра́деши:
и́же в зако́не хва́лишися, преступле́нием зако́на бо́га безче́ствуеши.
И́мя бо бо́жие ва́ми ху́лится во язы́цех, я́коже есть пи́сано.Ис 52:5; Иез 36:20
Обре́зание бо по́льзует, а́ще зако́н твори́ши: а́ще же зако́на престу́пник еси́, обре́зание твое́ необре́зание бысть.Лев 26:41; Иер 4:4; 1Кор 7:19; Гал 6:15
А́ще у́бо необре́зание оправда́ние зако́на сохрани́т, не необре́зание ли его́ во обре́зание вмени́тся,Деян 10:35
и осу́дит е́же от естества́ необре́зание, зако́н соверша́ющее, тебе́, и́же писа́нием и обре́занием еси́ престу́пник зако́на.Мф 12:41
Не бо и́же я́ве, иуде́й есть, ни е́же я́ве во пло́ти, обре́зание:Рим 9:6; Рим 9:8
но и́же в та́йне иуде́й, и обре́зание се́рдца ду́хом, (а) не писа́нием: ему́же похвала́ не от челове́к, но от бо́га.Втор 30:6; Рим 4:12; Кол 2:11