Рим Римлянам, глава Послание к Римлянам, глава 5
Другое письмо: церковнославянский
Оправди́вшеся у́бо ве́рою, мир и́мамы к бо́гу го́сподем на́шим иису́с христо́м,Лк 2:14; Еф 2:16; Кол 1:20
и́мже и приведе́ние обрето́хом ве́рою во благода́ть сию́, в не́йже стои́м, и хва́лимся упова́нием сла́вы бо́жия.Ин 14:6; Еф 2:18; Евр 10:19
Не то́чию же, но и хва́лимся в ско́рбех, ве́дяще, я́ко скорбь терпе́ние соде́ловает,Иак 1:2; 2Кор 12:10
терпе́ние же иску́сство, иску́сство же упова́ние:
упова́ние же не посрами́т, я́ко любы́ бо́жия излия́ся в сердца́ на́ша ду́хом святы́м да́нным нам.Пс 21:6; Рим 8:16; 2Кор 1:22
Еще́ бо христо́с су́щым нам немощны́м, по вре́мени за нечести́вых у́мре.1Петр 3:18; Евр 9:15
Едва́ бо за пра́ведника кто у́мрет: за блага́го бо не́гли кто и де́рзнет умре́ти.
Составля́ет же свою́ любо́вь к нам бог, я́ко, еще́ гре́шником су́щым нам, христо́с за ны у́мре.Ин 15:13; 1Ин 3:16
Мно́го у́бо па́че, оправда́ни бы́вше ны́не кро́вию его́, спасе́мся им от гне́ва.Рим 3:25; 1Фес 1:10
А́ще бо врази́ бы́вше примири́хомся бо́гу сме́ртию сы́на его́, множа́е па́че примири́вшеся спа́семся в животе́ его́:2Кор 5:18; Кол 1:22
не то́чию же, но и хва́лимся о бо́зе го́сподем на́шим иису́с христо́м, и́мже ны́не примире́ние прия́хом.
Сего́ ра́ди я́коже еди́нем челове́ком грех в мир вни́де и грехо́м смерть, и та́ко смерть во вся челове́ки вни́де, в не́мже вси согреши́ша.Быт 2:17; Рим 6:23; 1Кор 15:21
До зако́на бо грех бе в ми́ре: грех же не вменя́шеся, не су́щу зако́ну.Рим 4:15
Но ца́рствова смерть от ада́ма да́же до моисе́а и над несогреши́вшими по подо́бию преступле́ния ада́мова, и́же есть о́браз бу́дущаго.1Кор 15:21
Но не я́коже прегреше́ние, та́ко и дар. А́ще бо прегреше́нием еди́наго мно́зи умро́ша, мно́жае па́че благода́ть бо́жия и дар благода́тию еди́наго челове́ка иису́са христа́ во мно́гих преизли́шествова.Ин 1:16; Еф 1:6
И не я́коже еди́нем согре́шшим дарова́ние: грех бо из еди́наго во осужде́ние: дар же от мно́гих прегреше́нии во оправда́ние.
А́ще бо еди́наго прегреше́нием смерть ца́рствова еди́нем, мно́жае па́че избы́ток благода́ти и дар пра́вды прие́млюще, в жи́зни воцаря́тся еди́нем иису́с христо́м.2Тим 2:12; Откр 1:6; Откр 22:5
Те́мже у́бо, я́коже еди́наго прегреше́нием во вся челове́ки вни́де осужде́ние, та́кожде и еди́наго оправда́нием во вся челове́ки вни́де оправда́ние жи́зни.
Я́коже бо ослуша́нием еди́наго челове́ка гре́шни бы́ша мно́зи, си́це и послуша́нием еди́наго пра́ведни бу́дут мно́зи.Ис 53:11; Фил 2:8
Зако́н же привни́де, да умно́жится прегреше́ние. Иде́же бо умно́жися грех, преизбы́точествова благода́ть:Рим 7:8; Гал 3:19
да я́коже ца́рствова грех во смерть, та́кожде и благода́ть воцари́тся пра́вдою в жизнь ве́чную, иису́с христо́м го́сподем на́шим.