Рим Римлянам, глава Послание к Римлянам, глава 6
Другое письмо: церковнославянский
Что у́бо рече́м? пребу́дем ли во гресе́, да благода́ть преумно́жится? Да не бу́дет.
И́же бо умро́хом греху́, ка́ко па́ки оживе́м о немка́ко еще́ жи́ти бу́дем в нем?1Петр 2:24; Гал 6:14
Или́ не разуме́ете, я́ко ели́цы во христа́ иису́са крести́хомся, в смерть его́ крести́хомся?Гал 3:27
Спогребо́хомся у́бо ему́ креще́нием в смерть, да я́коже воста́ христо́с от ме́ртвых сла́вою о́тчею, та́ко и мы во обновле́нии жи́зни ходи́ти на́чнемда хо́дим.Кол 2:12; Гал 6:15; Еф 4:23
А́ще бо сообра́зниснасажде́ни бы́хом подо́бию сме́рти его́, то и воскресе́ния бу́дем,Рим 8:11; 1Кор 6:14
сие́ ве́дяще, я́ко ве́тхии наш челове́к с ним распя́тся, да упраздни́тся те́ло грехо́вное, я́ко ктому́ не рабо́тати нам греху́:Гал 5:24
уме́рый бо свободи́ся от греха́.1Петр 4:1
А́ще же умро́хом со христо́м, ве́руем, я́ко и жи́ви бу́дем с ним,Кол 3:5; Кол 3:9; 2Тим 2:11
ве́дяще, я́ко христо́с воста́ от ме́ртвых, ктому́ уже́ не умира́ет: смерть им ктому́ не облада́ет.1Кор 15:54; Евр 9:28
Е́же бо у́мре, греху́ у́мре еди́ною: а е́же живе́т, бо́гови живе́т.Лк 20:38
Та́кожде и вы помышля́йте себе́ ме́ртвых у́бо бы́ти греху́, живы́х же бо́гови, о христе́ иису́се го́споде на́шем.Гал 2:19
Да не ца́рствует у́бо грех в ме́ртвеннем ва́шем те́ле, во е́же послу́шати его́ в по́хотех его́:
ниже́ представля́йте у́ды ва́шя ору́жия непра́вды греху́: но представля́йте себе́ бо́гови я́ко от ме́ртвых живы́х, и у́ды ва́шя ору́жия пра́вды бо́гови.Рим 12:1; Гал 2:20
Грех бо ва́ми да не облада́ет: не́сте бо под зако́ном, но под благода́тию.Рим 5:20
Что у́бо? согреши́м ли, зане́ не́смы под зако́ном, но под благода́тию, да не бу́дет.Гал 2:17
Не ве́сте ли, я́ко ему́же представля́ете себе́ рабы́ в послуша́ние, раби́ есте́, его́же послу́шаете, или́ греха́ в смерть, или́ послуша́ния в пра́вду?Мф 6:24; Ин 8:34; 2Петр 2:19
Благодари́м у́бо бо́га, я́ко бе́сте раби́ греху́, послу́шасте же от се́рдца, в о́ньже и преда́стеся о́браз уче́ния.
Свобо́ждшеся же от греха́, порабо́тистеся пра́вде.Ин 8:32; Гал 5:1
Челове́ческо глаго́лю, за не́мощь пло́ти ва́шея. Я́коже бо предста́висте у́ды ва́шя рабы́ нечистоте́ и беззако́нию в беззако́ние, та́ко ны́не предста́вите у́ды ва́шя рабы́ пра́вде во святы́ню.
Егда́ бо раби́ бе́сте греха́, свобо́дни бе́сте от пра́вды.
Кий у́бо тогда́ име́сте плод? О ни́хже ны́не стыдите́ся, кончи́на бо о́нех, смерть.Рим 1:26; Рим 1:31; Рим 7:5
Ны́не же свобо́ждшеся от греха́, порабо́щшеся же бо́гови, и́мате плод ваш во святы́ню, кончи́ну же жизнь ве́чную.
Обро́цы бо греха́, смерть: дарова́ние же бо́жие живо́т ве́чный о христе́ иису́се го́споде на́шем.Рим 2:7; Рим 5:12