Рим Римлянам, глава Послание к Римлянам, глава 8

Другое письмо: церковнославянский

Переводы Сравнить

Ни еди́но у́бо ны́не осужде́ние су́щым о христе́ иису́се, не по пло́ти ходя́щым, но по ду́ху:Рим 5:1

зако́н бо ду́ха жи́зни о христе́ иису́се свободи́л мя есть от зако́на грехо́внаго и сме́рти.Ин 6:63; Ин 8:36; 1Кор 15:45; 2Кор 3:7

Немощно́е бо зако́на, в не́мже немоществова́ше пло́тию, бог сы́на своего́ посла́ в подо́бии пло́ти греха́, и о гресе́ осуди́ грех во пло́ти,2Кор 5:21; Гал 3:13; Евр 7:18

да оправда́ние зако́на испо́лнится в нас, не по пло́ти ходя́щих, но по ду́ху.

Су́щии бо по пло́ти плотска́я му́дрствуют: а и́же по ду́ху, духо́вная.Ин 3:6; 1Кор 2:14

Мудрова́ние бо плотско́е смерть есть, а мудрова́ние духо́вное живо́т и мир,Рим 6:21

зане́ мудрова́ние плотско́е вражда́ на бо́га: зако́ну бо бо́жию не покаря́ется, ниже́ бо мо́жет.Иак 4:4

Су́щии же во пло́ти бо́гу угоди́ти не мо́гут.Евр 11:6

Вы же не́сте во пло́ти, но в ду́се, поне́же дух бо́жий живе́т в вас. А́ще же кто ду́ха христо́ва не има́ть, сей несть его́в.1Кор 3:16

А́ще же христо́с в вас, плоть у́бо мертва́ греха́ ра́ди, дух же живе́т пра́вды ра́ди.

А́ще ли же дух воскреси́вшаго иису́са от ме́ртвых живе́т в вас, воздви́гий христа́ из ме́ртвых оживотвори́т и ме́ртвенная телеса́ ва́ша, живу́щим ду́хом его́ в вас.Рим 6:4

Те́мже у́бо, бра́тие, должни́ е́смы не пло́ти, е́же по пло́ти жи́ти.Рим 6:7

А́ще бо по пло́ти живе́те, и́мате умре́ти, а́ще ли ду́хом дея́ния пло́тская умерщвля́ете, жи́ви бу́дете:Гал 5:19

ели́цы бо ду́хом бо́жиим во́дятся, си́и суть сы́нове бо́жии:Гал 5:18

не прия́сте бо ду́ха рабо́ты па́ки в боя́знь, но прия́сте ду́ха сыноположе́ния, о не́мже вопие́м: а́вва о́тче.1Ин 4:18; 1Кор 2:12; Евр 2:15

Са́мый дух спослушеству́ет ду́хови на́шему, я́ко е́смы ча́да бо́жия.Еф 4:30

А́ще же ча́да, и насле́дницы: насле́дницы у́бо бо́гу, снасле́дницы же христу́, поне́же с ним стра́ждем, да и с ним просла́вимся.Гал 4:7

Непщу́ю бо, я́ко недосто́йны стра́сти ны́нешняго вре́мене к хотя́щей сла́ве яви́тися в нас.1Петр 4:13

Ча́яние бо тва́ри, открове́ния сыно́в бо́жиих ча́ет:2Петр 3:13

суете́ бо тварь повину́ся не во́лею, но за повину́вшаго ю, на упова́нии,

я́ко и сама́ тварь свободи́тся от рабо́ты истле́ния в свобо́ду сла́вы чад бо́жиих.

Ве́мы бо, я́ко вся тварь с на́ми совоздыха́ет и сболе́знует да́же доны́не:

не то́чию же, но и са́ми нача́ток ду́ха иму́ще, и мы са́ми в себе́ воздыха́ем, всыновле́ния ча́юще, избавле́ния те́лу на́шему.Лк 21:28; 1Ин 3:2; 2Кор 5:4; Еф 4:30

Упова́нием бо спасо́хомся. Упова́ние же ви́димое, несть упова́ние: е́же бо ви́дит кто, что и упова́ет?Евр 11:1

А́ще ли, его́же не ви́дим, наде́емся, терпе́нием ждем.

Си́це же и дух спосо́бствует нам в не́мощех на́ших: о че́сом бо помо́лимся, я́коже подоба́ет, не ве́мы, но сам дух хода́тайствует о нас воздыха́нии неизглаго́ланными.

Испыта́яй же сердца́ весть, что есть мудрова́ние ду́ха, я́ко по бо́гу припове́дуетхода́тайствует о святы́х.1Цар 16:7; Ин 14:17

Ве́мы же, я́ко лю́бящым бо́га вся поспешеству́ют во благо́е, су́щым по предуве́дению зва́нным:Еф 1:4

и́хже бо предуве́де, (тех) и предуста́ви сообра́зных бы́ти о́бразу сы́на своего́, я́ко бы́ти ему́ перворо́дну во мно́гих бра́тиях:2Кор 3:18; Кол 1:18

а и́хже предуста́ви, тех и призва́: а и́хже призва́, сих и оправда́: а и́хже оправда́, сих и просла́ви.Рим 5:9; Рим 9:24

Что у́бо рече́м к сим, а́ще бог по нас, кто на ны?Пс 55:12

И́же у́бо своего́ сы́на не пощаде́, но за нас всех преда́л есть его́, ка́ко у́бо не и с ним вся нам да́рствует?Ин 3:16

Кто пое́млет на избра́нныя бо́жия, бог оправда́яй.Ис 50:9; Откр 12:10

Кто осужда́яй? Христо́с иису́с уме́рый, па́че же и воскре́сый, и́же и есть о десну́ю бо́га, и́же и хода́тайствует о нас.1Ин 2:1

Кто ны разлучи́т от любве́ бо́жия, скорбь ли, или́ теснота́, или́ гоне́ние, или́ глад, или́ нагота́, или́ беда́, или́ мечь? я́коже есть пи́сано:1Ин 2:28; 2Кор 12:10

я́ко тебе́ ра́ди умерщвля́еми е́смы весь день: вмени́хомся я́коже о́вцы заколе́ния.Пс 43:23

Но во всех сих препобежда́ем за возлю́бльшаго ны.1Ин 5:5; 1Кор 15:57; Откр 12:11

Извести́хся бо, я́ко ни смерть, ни живо́т, ни а́нгели, ни нача́ла, ниже́ си́лы, ни настоя́щая, ни гряду́щая,Еф 6:12

ни высота́, ни глубина́, ни и́на тварь ка́я возмо́жет нас разлучи́ти от любве́ бо́жия, я́же о христе́ иису́се го́споде на́шем.