Рим Римлянам, глава Послание к Римлянам, глава 10
Другое письмо: церковнославянский
Бра́тие, благоволе́ние у́бо моего́ се́рдца и моли́тва, я́же к бо́гу по изра́или, есть во спасе́ние.
Свиде́телствую бо им, я́ко ре́вность бо́жию и́мут, но не по ра́зуму.
Не разуме́юще бо бо́жия пра́вды и свою́ пра́вду и́щуще поста́вити, пра́вде бо́жией не повину́шася:Фил 3:9
кончи́на бо зако́на христо́с, в пра́вду вся́кому ве́рующему.Гал 3:24
Моисе́й бо пи́шет пра́вду ю́же от зако́на: я́ко сотвори́вый та челове́к жив бу́дет в них.Лев 18:5; Иез 20:11; Гал 3:12
А я́же от ве́ры пра́вда си́це глаго́лет: да не рече́ши в се́рдцы твое́м: кто взы́дет на не́бо, си́речь христа́ свести́:Втор 30:12
или́ кто сни́дет в бе́здну, си́речь христа́ от ме́ртвых возвести́.
Но что глаго́лет писа́ние? Близ ти глаго́л есть, во усте́х твои́х и в се́рдцы твое́м, си́речь глаго́л ве́ры, его́же пропове́даем:Втор 30:14
я́ко а́ще испове́си усты́ твои́ми го́спода иису́са, и ве́руеши в се́рдцы твое́м, я́ко бог того́ воздви́же из ме́ртвых, спасе́шися:Мф 10:32
се́рдцем бо ве́руется в пра́вду, усты́ же испове́дуется во спасе́ние.
Глаго́лет бо писа́ние: всяк ве́руяй в онь не постыди́тся.Ис 28:16
Несть бо ра́знствия иуде́еви же и е́ллину: той бо бог всех, богатя́йбога́т сый во всех призыва́ющих его́.Деян 10:34; Рим 3:29
Всяк бо, и́же а́ще призове́т и́мя го́сподне, спасе́тся.Иоил 2:32; Деян 2:21
Ка́ко у́бо призову́т, в него́же не ве́роваша? Ка́ко же уве́руют, его́же не услы́шаша? ка́ко же услы́шат без пропове́дающаго?
Ка́ко же пропове́дят, а́ще не по́слани бу́дут? Я́коже есть пи́сано: коль красны́ но́ги благовеству́ющих мир, благовеству́ющих блага́я.Ис 52:7; Наум 1:15
Но не вси послу́шаша благовествова́ния. Иса́иа бо глаго́лет: го́споди, кто ве́рова слу́ху на́шему?Ис 53:1; Ин 12:38
Те́мже у́бо ве́ра от слу́ха, слух же глаго́лом бо́жиим.
Но глаго́лю: еда́ не слы́шаша? Те́мже у́боно па́че, во всю зе́млю изы́де веща́ние их, и в концы́ вселе́нныя глаго́лы их.Пс 18:5; Мф 24:14; Мф 28:19
Но глаго́лю: еда́ не разуме́ изра́иль? Пе́рвый моисе́й глаго́лет: аз раздражу́ вы не о язы́це, но о язы́це неразу́мнео не язы́це, о язы́це неразу́мне прогне́ваю вас.Втор 32:21; Рим 11:11
Иса́иа же дерза́ет и глаго́лет: обрето́хся не и́щущым мене́, явле́н бых не вопроша́ющым о мне.Ис 65:1
Ко изра́илю же глаго́лет: весь день возде́х ру́це мои́ к лю́дем непокори́вым и пререка́ющым.Ис 65:2