Rom Romans, chapter Epistle to the Romans, chapter 13

Вся́ка душа́ власте́м предержа́щым да повину́ется: несть бо власть а́ще не от бо́га, су́щыя же вла́сти от бо́га учине́ны суть.Wis 6:3; Dan 2:21; 1Pe 2:13; Tit 3:1

Те́мже противля́яйся вла́сти, бо́жию повеле́нию противля́ется: противля́ющиися же себе́ грех прие́млют.

Кня́зи бо не суть боя́знь до́брым дело́м, но злым. Хо́щеши же ли не боя́тися вла́сти? Благо́е твори́, и име́ти бу́деши похвалу́ от него́:1Pe 2:14; 1Pe 3:13

бо́жий бо слу́га есть, тебе́ во благо́е. А́ще ли зло́е твори́ши, бо́йся, не бо без ума́ мечь но́сит: бо́жий бо слуга́ есть, отмсти́тель в гнев зло́е творя́щему.

Те́мже потре́ба повинова́тися не то́кмо за гнев, но и за со́весть.

Сего́ бо ра́ди и да́ни даете́: служи́тели бо бо́жии суть, во и́стое сие́ пребыва́юще.

Воздади́те у́бо всем до́лжная: ему́же у́бо уро́к, уро́к: (а) ему́же дань, дань: (а) ему́же страх, страх: (и) ему́же честь, честь.Mat 22:21; Mrk 12:17; Luk 20:25

Ни еди́ному же ничи́мже до́лжни быва́йте, то́чию е́же люби́ти друг дру́га: любя́й бо дру́га, зако́н испо́лни.Col 3:14; 1Ti 1:5

Е́же бо: не прелюбы́ сотвори́ши, не убие́ши, не укра́деши, не лжесвиде́телствуеши, не похо́щеши, и а́ще ка́я и́на за́поведь, в сем словеси́ соверша́ется, во е́же: возлю́биши и́скренняго твоего́, я́коже сам себе́.Lev 19:18; Exo 20:14; Deu 5:18; Mat 22:39; Mrk 12:31; Luk 10:27; Jas 2:8; Gal 5:14

Любы́ и́скреннему зла не твори́т: исполне́ние у́бо зако́на любы́ есть.

И сие́, ве́дяще вре́мя, я́ко час уже́ нам от сна воста́ти. Ны́не бо ближа́йшее нам спасе́ние, не́жели егда́ ве́ровахом.Eph 5:14

Нощь (у́бо) пре́йде, а день прибли́жися: отложи́м у́бо дела́ те́мная, и облече́мся во ору́жие све́та.Act 17:30; 2Co 4:6; Eph 5:11

Я́ко во дни, благообра́зно да хо́дим, не козлогласова́нии и пия́нствы, не любодея́нии и студодея́нии, не рве́нием и за́вистию:Luk 21:34

но облецы́теся го́сподем на́шим иису́с христо́м, и пло́ти уго́дия не твори́те в по́хоти.1Pe 2:11; Gal 5:16