Рим Римлянам, глава Послание к Римлянам, глава 14
Другое письмо: церковнославянский
Изнемога́ющаго же в ве́ре прие́млите, не в сомне́ние помышле́нии.Рим 15:1; 1Кор 8:12
Ов бо ве́рует я́сти вся, а изнемога́яй зе́лия (да) яст.1Кор 10:25
Яды́й не яду́щаго да не укоря́ет: и не яды́й яду́щаго да не осужда́ет: бог бо его́ прия́т.
Ты кто еси́ судя́й чужде́му рабу́? Своему́ го́сподеви стои́т, или́ па́дает. Ста́нет же, си́лен бо есть бог поста́вити его́.Иак 4:12
Ов у́бо разсужда́ет день чрез день, ов же су́дит на всяк день. Ки́иждо свое́ю мы́слию да известву́ется.
Му́дрствуяй день, го́сподеви му́дрствует: и не му́дрствуяй день, го́сподеви не му́дрствует. Яды́й, го́сподеви яст, благодари́т бо бо́га: и не яды́й, го́сподеви не яст, и благодари́т бо́га.1Кор 10:31; 1Тим 4:4
Никто́же бо нас себе́ живе́т, и никто́же себе́ умира́ет:1Петр 4:2; 2Кор 5:15; 1Фес 5:10
а́ще бо живе́м, го́сподеви живе́м, а́ще же умира́ем, го́сподеви умира́ем: а́ще у́бо живе́м, а́ще умира́ем, го́сподни есмы́.
На сие́ бо христо́с и у́мре и воскресе и оживе́, да и ме́ртвыми и живы́ми облада́ет.Мф 28:18; Деян 10:42
Ты же почто́ осужда́еши бра́та твоего́, или́ ты что уничижа́еши бра́та твоего́? Вси бо предста́нем суди́щу христо́ву.Мф 7:1; 2Кор 5:10
Пи́сано бо есть: живу́ аз, глаго́лет госпо́дь, я́ко мне покло́нится вся́ко коле́но, и всяк язы́к испове́стся бо́гови.Ис 45:23; Мф 26:64; Фил 2:10
Те́мже у́бо ки́йждо нас о себе́ сло́во даст бо́гу.Мф 12:36
Не ктому́ у́бо друг дру́га осужда́ем, но сие́ па́че суди́те, е́же не полага́ти претыка́ния бра́ту или́ собла́зна.Мф 18:7
Вем и извеще́н есмь о христе́ иису́се, я́ко ничто́же скве́рно са́мо собо́ю: то́чию помышля́ющему что скве́рно бы́ти, о́ному скве́рно есть.Мф 15:11
А́ще же бра́шна ра́ди брат твой скорби́т, уже́ не по любви́ хо́диши: не бра́шном твои́м того́ погубля́й, за него́же христо́с у́мре.1Кор 8:11
Да не хули́тся у́бо ва́ше благо́е.
Несть бо ца́рство бо́жие бра́шно и питие́, но пра́вда и мир и ра́дость о дусе святе.1Кор 8:8; Гал 5:22
И́же бо си́ми слу́жит христо́ви, благоуго́ден есть бо́гови и иску́сен челове́ком.
Те́мже у́бо мир возлю́бим и я́же к созида́нию друг ко дру́гу.
Не бра́шна ра́ди разоря́й де́ло бо́жие. Вся бо чи́ста, но зло челове́ку претыка́нием яду́щему.Мф 15:11
Добро́ не я́сти мяс, ниже́ пи́ти вина́, ни о не́мже брат твой претыка́ется или́ соблазня́ется или́ изнемога́ет.
Ты ве́ру и́маши? о себе́ сам име́й пред бо́гом. Блаже́н не осужда́яй себе́, о не́мже искуша́ется.1Ин 3:21
А сомня́яйся, а́ще яст, осужда́ется, зане́ не от ве́ры: вся́ко же, е́же не от ве́ры, грех есть.Тит 1:15
Могу́щему же вас утверди́ти по благовествова́нию моему́ и пропове́данию иису́с христо́ву, по открове́нию та́йны, ле́ты ве́чными умолча́нныя,1Кор 2:7
я́вльшияся же ны́не, писа́нии проро́ческими, по повеле́нию ве́чнаго бо́га, в послуша́ние ве́ры во всех язы́цех позна́вшияся,Ис 42:16
еди́ному прему́дрому бо́гу, иису́сом христо́м, ему́же сла́ва во ве́ки. Ами́нь.