1Кор 1 Коринфянам, глава Первое послание к Коринфянам, глава 3

Другое письмо: церковнославянский

Переводы Сравнить

И аз, бра́тие, не мого́х вам глаго́лати я́ко духо́вным, но я́ко пло́тяным, я́ко младе́нцем о христе́.Еф 4:14

Млеко́м вы напои́х, а не бра́шном: и́бо не у можа́сте, но ниже́ еще́ мо́жете ны́не,1Петр 2:2

еще́ бо пло́тстии есте́. Иде́же бо в вас за́висти и рве́ния и ра́спри, не пло́тстии ли есте́ и по челове́ку хо́дите?

Егда́ бо глаго́лет кто: аз у́бо есмь па́влов, други́й же: аз аполло́сов: не пло́тстии ли есте́?1Кор 1:12

Кто у́бо есть па́вел? кто же ли аполло́с? Но то́чию служи́телие, и́миже ве́ровасте, и кому́ждо я́коже госпо́дь даде́.Рим 12:6

Аз насади́х, аполло́с напои́, бог же возрасти́:Мк 16:20; Деян 19:1

те́мже ни насажда́яй есть что, ни напая́яй, но возраща́яй бог.

Насажда́яй же и напая́яй еди́но еста́: ки́йждо же свою́ мзду прии́мет по своему́ труду́.

Бо́гу бо есмы́ споспе́шницы: бо́жие тяжа́ние, бо́жие зда́ние есте́.Ис 5:1; Ис 61:3

По благода́ти бо́жией да́нней мне, я́ко прему́др архите́ктон основа́ние положи́х, ин же назида́ет: ки́йждо же да блюде́т, ка́ко назида́ет.

Основа́ния бо ина́го никто́же мо́жет положи́ти па́че лежа́щаго, е́же есть иису́с христо́с.Ис 28:16; Еф 2:22

А́ще ли кто назида́ет на основа́нии сем зла́то, сребро́, ка́мение честно́е, дрова́, се́но, тро́стие,

кого́ждо де́ло явле́но бу́дет: день бо яви́т, зане́ огне́м открыва́ется: и кого́ждо де́ло, яково́же есть, огнь иску́сит.Ис 48:10; 1Петр 1:7

(И) его́же а́ще де́ло пребу́дет, е́же назда́, мзду прии́мет:

(а) его́же де́ло сгори́т, отщети́тся: сам же спасе́тся, та́кожде я́коже огне́м.

Не ве́сте ли, я́ко храм бо́жий есте́, и дух бо́жий живе́т в вас?Ин 14:23; Рим 8:9; 1Кор 6:19; 2Кор 6:16; Гал 4:6; Евр 3:6

А́ще кто бо́жий храм растли́т, растли́т сего́ бог: храм бо бо́жий свят есть, и́же есте́ вы.

Никто́же себе́ да прельща́ет: а́ще кто мни́тся мудр бы́ти в вас в ве́це сем, буй да быва́ет, я́ко да прему́др бу́дет.Ис 5:21

Прему́дрость бо ми́ра сего́ бу́йство у бо́га есть, пи́сано бо есть: запина́яй прему́дрым в кова́рстве их.Иов 5:13

И па́ки: госпо́дь весть помышле́ния челове́ческаму́дрых, я́ко суть су́етна.Пс 93:11

Те́мже никто́же да хва́лится в челове́цех, вся бо ва́ша суть:

а́ще па́вел, или́ аполло́с, или́ ки́фа, или́ мир, или́ живо́т, или́ смерть, или́ настоя́щая, или́ бу́дущая, вся ва́ша суть:

вы же христо́вы, христо́с же бо́жий.