1Co 1. Korintským, kapitola První list Korintským, kapitola 4

Jiné písmo: церковнославянский

Překlady Porovnat

Та́ко нас да непщу́ет челове́к, я́ко слуг христо́вых и строи́телей та́ин бо́жиих:2Co 6:4

а е́же про́чее и́щется в строи́телех, да ве́рен кто обря́щется.Mat 24:45; Luk 12:42

Мне же не вели́ко есть, да от вас истяжу́ся, или́ от челове́ческаго днесуда́: но ни сам себе́ востязу́ю.

Ничесо́же бо в себе́ свем, но ни о сем оправда́юся: востязу́яй же мя госпо́дь есть.Exo 34:7; Job 9:2; Act 23:1

Те́мже пре́жде вре́мене ничто́же суди́те, до́ндеже прии́дет госпо́дь, и́же во све́те приведе́т та́йная тмы и объяви́т сове́ты серде́чныя, и тогда́ похвала́ бу́дет кому́ждо от бо́га.Mat 7:1; Mat 25:21; Rom 2:1

Сия́ же, бра́тие (моя́), преобрази́х на себе́ и аполло́са вас ра́ди, да от на́ю научите́ся не па́че напи́санных му́дрствовати, да не еди́н по еди́ному гордите́ся на друга́го.Pro 3:7; Rom 12:3

Кто бо тя разсужда́ет? Что же и́маши, его́же не́си прия́л? А́ще же и прия́л еси́, что хва́лишися я́ко не прие́м?Jhn 3:27

Се, сы́ти есте́, се, обогати́стеся, без нас воцари́стеся: и о, дабы́ воцари́лися есте́, да и мы бы́хом с ва́ми ца́рствовали.

Мню бо, я́ко бог ны посла́нники после́дния яви́, я́ко насме́ртники: зане́ позо́р бы́хом ми́ру и а́нгелом и челове́ком.Psa 43:23; Rom 8:36; 2Co 4:11

Мы (у́бо) бу́и христа́ ра́ди, вы же му́дри о христе́: мы не́мощни, вы же кре́пцы: вы сла́вни, мы же безче́стни.

До ны́нешняго часа́ и а́лчем, и жа́ждем, и наготу́ем, и стра́ждем, и скита́емся,

и тружда́емся, де́лающе свои́ми рука́ми. Укоря́еми, благословля́ем: гони́ми, терпи́м:Mat 5:44; Luk 23:34; Act 7:60; Act 20:34; 1Th 2:9; 2Th 3:8

ху́лими, утеша́емсямо́лим: я́коже отре́би ми́ру бы́хом, всем попра́ние досе́ле.

Не срамля́я вас сия́ пишу́, но я́коже ча́да моя́ возлю́бленная наказу́ю.

А́ще бо (и) мно́ги пе́стуны и́мате о христе́, но не мно́ги отцы́: о христе́ бо иису́се благовествова́нием аз вы роди́х.Gal 4:19; Phm 1:10

Молю́ же вас: подо́бни мне быва́йте, я́коже аз христу́.

Сего́ ра́ди посла́х к вам тимофе́а, и́же ми есть ча́до возлю́блено и ве́рно о го́споде, и́же вам воспомя́нет пути́ моя́, я́же о христе́ иису́се, я́коже везде́ и во вся́цей це́ркви учу́.

Я́ко не гряду́щу ми к вам, разгорде́шася не́цыи:

прииду́ же ско́ро к вам, а́ще госпо́дь восхо́щет, и уразуме́ю не сло́во разгорде́вшихся, но си́лу:Act 18:21; Jas 4:15

не в словеси́ бо ца́рство бо́жие, но в си́ле.1Co 2:4

Что хо́щете? с па́лицею ли прииду́ к вам, или́ с любо́вию и ду́хом кро́тости?2Co 13:10