1Кор 1 Коринфянам, глава Первое послание к Коринфянам, глава 6

Другое письмо: церковнославянский

Переводы Сравнить

Сме́ет ли кто от вас, вещь име́я ко ино́му, суди́тися от непра́ведных, а не от святы́х?

Не ве́сте ли, я́ко святи́и ми́рови и́мут суди́ти? и а́ще ва́ми суд прии́мет мир, недосто́йни есте́ суди́щем худы́м?Прем 3:8; Мф 19:28; Откр 20:4

Не ве́сте ли, я́ко а́ггелов суди́ти и́мамы, а не то́чию жите́йских?

Жите́йская бо суди́ща а́ще и́мате, уничиже́нных в це́ркви, сих посажда́ете.

К сра́му вам глаго́лю: та́ко ли несть в вас мудр ни еди́н, и́же мо́жет разсуди́ти между́ бра́тий свои́х?

Но брат с бра́том су́дится, и то пред неве́рными.

Уже́ у́бо отню́д вам срам есть, я́ко тяжбы́ и́мате между́ собо́ю. Почто́ не па́че оби́дими есте́? почто́ не па́че лише́ни быва́ете?Мф 5:40; Лк 6:29; Рим 12:19; 1Фес 5:15

Но вы (са́ми) оби́дите и лиша́ете, да еще́ бра́тию.

Или́ не ве́сте, я́ко непра́ведницы ца́рствия бо́жия не насле́дят? Не льсти́те себе́: ни блудницы́, ни идолослужи́теле, ни прелюбоде́е, (ни скверни́теле,) ни малаки́и, ни мужело́жницы,Гал 5:21; Еф 5:5

ни лихои́мцы, ни та́тие, ни пия́ницы, ни досади́теле, ни хи́щницы ца́рствия бо́жия не насле́дят.

И си́ми (у́бо) не́цыи бе́сте, но омы́стеся, но освяти́стеся, но оправди́стеся и́менем го́спода на́шего иису́са христа́ и ду́хом бо́га на́шего.Еф 2:2; Тит 3:3

Вся ми леть суть, но не вся на по́льзу: вся ми леть суть, но не аз облада́н бу́ду от чего́.Сир 37:31; 1Кор 10:23

Бра́шна чре́ву, и чре́во бра́шном: бог же и сие́ и сия́ упраздни́т. Те́ло же не блуже́нию, но го́сподеви, и госпо́дь те́лу.Мф 22:30; Рим 6:13; Рим 6:19

Бог же и го́спода воздви́же, и нас воздви́гнет си́лою свое́ю.2Кор 4:14; 1Фес 4:14

Не ве́сте ли, я́ко телеса́ ва́ша у́дове христо́вы суть? Вземь ли у́бо у́ды христо́вы, сотворю́ у́ды блудни́чи? Да не бу́дет.Еф 5:30

Или́ не ве́сте, я́ко прилепля́яйся скверноде́йце еди́но те́ло есть (с блудоде́йцею)? бу́дета бо, рече́, о́ба в плоть еди́ну.Быт 2:24; Мф 19:5; Мк 10:7; Еф 5:31

Прилепля́яйся же го́сподеви еди́н дух есть (с го́сподем).

Бе́гайте блудодея́ния: всяк (бо) грех, его́же а́ще сотвори́т челове́к, кроме́ те́ла есть: а блудя́й во свое́ те́ло согреша́ет.

Или́ не ве́сте, я́ко телеса́ ва́ша храм живу́щаго в вас свята́го ду́ха суть, его́же и́мате от бо́га, и не́сте свои́?1Петр 2:5; 1Кор 3:16; 2Кор 6:16

ку́плени бо есте́ цено́ю. Просла́вите у́бо бо́га в телесе́х ва́ших и в душа́х ва́ших, я́же суть бо́жия.Деян 20:28; 1Петр 1:19; Гал 3:13