1Кор 1 Коринфянам, глава Первое послание к Коринфянам, глава 8
Другое письмо: церковнославянский
О идоложе́ртвенных же ве́мы: я́ко вси ра́зум и́мамы. Ра́зум (у́бо) кичи́т, а любы́ созида́ет.1Кор 13:4
А́ще ли кто мни́тся ве́дети что, не у что разуме́, я́коже подоба́ет разуме́ти:1Кор 13:12
а́ще же кто лю́бит бо́га, сей позна́н бысть от него́.2Тим 2:19
О яде́нии же идоложе́ртвенных ве́мы, я́ко и́дол ничто́же есть в ми́ре, и я́ко никто́же бог ин, то́кмо еди́н.Втор 4:39; 1Тим 2:5
А́ще бо и суть глаго́лемии бо́зи, или́ на небеси́, или́ на земли́: я́коже суть бо́зи мно́зи и госпо́дие мно́зи:Втор 10:17
но нам еди́н бог оте́ц, из него́же вся, и мы у него́, и еди́н госпо́дь иису́с христо́с, и́мже вся, и мы тем.Мал 2:10; Ин 13:13
Но не во всех ра́зум: не́цыи же со́вестию и́долскою да́же досе́ле я́коже идоложе́ртвенное ядя́т, и со́весть их, немощна́ су́щи, скверни́тся.Рим 14:23
Бра́шно же нас не поставля́ет пред бо́гом: ниже́ бо а́ще я́мы, избы́точествуем: ниже́ а́ще не я́мы, лиша́емся.Рим 14:17
Блюди́те же, да не ка́ко власть ва́ша сия́ преткнове́ние бу́дет немощны́м.Рим 14:13
А́ще бо кто ви́дит тя, иму́ща ра́зум, в тре́бищи возлежа́ща, не со́весть ли его́ немощна́ су́щи сози́ждется идоложе́ртвенная я́сти?
И поги́бнет немощны́й брат в твое́м ра́зуме, его́же ра́ди христо́с у́мре.Рим 14:15
Та́кожде согреша́юще в бра́тию и бию́ще их со́весть не́мощну су́щу, во христа́ согреша́ете.Рим 14:1
Те́мже а́ще бра́шно соблазня́ет бра́та моего́, не и́мам я́сти мя́са во ве́ки, да не соблазню́ бра́та моего́.Рим 14:21