1Кор 1 Коринфянам, глава Первое послание к Коринфянам, глава 9

Другое письмо: церковнославянский

Переводы Сравнить

Несмь ли апо́стол? Несмь ли свобо́дь? Не иису́са христа́ ли го́спода на́шего ви́дех? Не де́ло ли мое́ вы есте́ о го́споде?Деян 9:3; Деян 22:18; 1Кор 4:15; 1Кор 15:8

А́ще ины́м (и) несмь апо́стол, но оба́че вам есмь: печа́ть бо моего́ апо́столства вы есте́ о го́споде.2Кор 3:2

Мой отве́т востязу́ющым мене́ сей есть.

Еда́ не и́мамы вла́сти я́сти и пи́ти?Лк 10:7; 2Фес 3:9

Еда́ не и́мамы вла́сти сестру́ жену́ води́ти, я́ко и про́чии апо́столи, и бра́тия го́сподня, и ки́фа?

Или́ еди́н аз и варна́ва не и́мамы вла́сти е́же не де́лати?

Кто во́инствует свои́ми обро́ки когда́? Или́ кто насажда́ет виногра́д, и от плода́ его́ не яст? Или́ кто пасе́т ста́до, и от млека́ ста́да не яст?

Еда́ по челове́ку сия́ глаго́лю? Не и зако́н ли сия́ глаго́лет?

В моисе́ове бо зако́не пи́сано: да не загради́ши устну́ вола́ молотя́ща. Еда́ о воле́х ради́т бог?Втор 25:4; 1Тим 5:18

Или́ нас ра́ди вся́ко глаго́лет? Нас бо ра́ди написа́ся, я́ко о наде́жди до́лжен есть оря́й ора́ти, и молотя́й с наде́ждею своего́ упова́ния причаща́тися.

А́ще мы духо́вная се́яхом вам, вели́ко ли, а́ще мы ва́ша теле́сная по́жнем?Рим 15:27

А́ще ини́и вла́сти ва́шея причаща́ются, не па́че ли мы? Но не сотвори́хом по о́бласти сей: но вся терпи́м, да не прекраще́ние ко́е да́мы благовествова́нию христо́ву.Деян 20:33; 2Кор 11:8; 1Фес 2:9

Не ве́сте ли, я́ко де́лающии свяще́нная от святи́лища ядя́т? (и) служа́щии олтарю́ со олтаре́м де́лятся?Втор 18:8

Та́ко и госпо́дь повеле́ пропове́дающым благове́стие от благове́стия жи́ти.Мф 10:10

Аз же ни еди́но сотвори́х от сих. Не писа́х же сия́, да та́ко бу́дет о мне: до́брее бо мне па́че умре́ти, не́жели похвалу́ мою́ кто да испраздни́т.

А́ще бо благовеству́ю, несть ми похвалы́, ну́жда бо ми належи́т: го́ре же мне есть, а́ще не благовеству́ю.Деян 9:6; Деян 13:2

А́ще у́бо во́лею сие́ творю́, мзду и́мам: а́ще же нево́лею, строе́ние ми есть предано́.

Ка́я у́бо ми есть мзда? Да благовеству́яй без мзды положу́ благове́стие христо́во, во е́же не твори́ти ми по о́бласти мое́й в благовествова́нии.

Свобо́ден бо сый от всех, всем себе́ порабо́тих, да мно́жайшыя приобря́щу:1Кор 10:33

бых иуде́ем я́ко иуде́й, да иуде́и приобря́щу: подзако́нным я́ко подзако́нен, да подзако́нныя приобря́щу:

беззако́нным я́ко беззако́нен, не сый беззако́нник бо́гу, но зако́нник христу́, да приобря́щу беззако́нныя.1Кор 7:18

Бых немощны́м я́ко не́мощен, да немощны́я приобря́щу. Всем бых вся, да вся́ко не́кия спасу́.Рим 15:1

Сие́ же творю́ за благове́стие, да соо́бщник ему́ бу́ду.

Не ве́сте ли, я́ко теку́щии в позо́рищи вси у́бо теку́т, еди́н же прие́млет по́честь? Та́ко тецы́те, да пости́гнете.Фил 3:12; 2Тим 4:7

Всяк же подвиза́яйся от всех воздержи́тся: и они́ у́бо да истле́нен вене́ц прии́мут, мы же неистле́нен.2Тим 2:4; Откр 2:10

Аз у́бо та́ко теку́, не я́ко безве́стно, та́ко подвиза́юся, не я́ко возду́х бия́й:

но умерщвля́ю те́ло мое́ и порабоща́ю, да не ка́ко, ины́м пропове́дуя, сам неключи́мь бу́ду.Рим 6:18