1Кор 1 Коринфянам, глава Первое послание к Коринфянам, глава 10

Другое письмо: церковнославянский

Переводы Сравнить

Не хощу́ же вас не ве́дети, бра́тие, я́ко отцы́ на́ши вси под о́блаком бы́ша, и вси сквозе́ мо́ре проидо́ша:Исх 13:21; Чис 9:18

и вси в моисе́а крести́шася во о́блаце и в мо́ри:

и вси то́жде бра́шно духо́вное ядо́ша:Исх 16:14; Пс 77:24; Прем 16:20

и вси то́жде пи́во духо́вное пи́ша, пия́ху бо от духо́внаго после́дующаго ка́мене: ка́мень же бе христо́с.Исх 17:6

Но не во мно́жайших их благоволи́ бог, пораже́ни бо бы́ша в пусты́ни.Чис 14:23

Сия́ же о́брази нам бы́ша, я́ко не бы́ти нам похотнико́м злых, я́коже и они́ похоте́ша.Чис 11:4

Ни идолослужи́теле быва́йте, я́коже не́цыи от них, я́коже есть пи́сано: седо́ша лю́дие я́сти и пи́ти, и воста́ша игра́ти.Исх 32:6; Пс 105:19

Ниже́ соблу́дим, я́коже не́цыи от них соблуди́ша, и падо́ша во еди́н день два́десять три ты́сящы.Чис 25:1; Чис 25:9

Ни да искуша́им христа́, я́коже не́цыи от них искуси́ша и от змий погибо́ша.Чис 21:6; Пс 105:14

Ни ропщи́те, я́коже не́цыи от них ропта́ша и погибо́ша от всегуби́теля.Чис 14:37

Сия́ же вся о́брази прилуча́хуся о́нем: пи́сана же бы́ша в науче́ние на́ше, в ни́хже концы́ век достиго́ша.Рим 15:4

Те́мже мня́йся стоя́ти да блюде́тся, да не паде́т.Рим 11:20

Искуше́ние вас не дости́же, то́чию челове́ческое: ве́рен же бог, и́же не оста́вит вас искуси́тися па́че, е́же мо́жете, но сотвори́т со искуше́нием и избы́тие, я́ко возмощи́ вам понести́.2Петр 2:9; Евр 12:4

Те́мже, бра́тие моя́ возлю́бленная, бе́гайте от идолослуже́ния.

Я́ко му́дрым глаго́лю: суди́те вы, е́же глаго́лю:1Кор 1:5

ча́ша благослове́ния, ю́же благословля́ем, не обще́ние ли кро́ве христо́вы есть? хлеб, его́же ло́мим, не обще́ние ли те́ла христо́ва есть?Мф 26:26; Деян 2:42; Деян 2:46

Я́ко еди́н хлеб, еди́но те́ло есмы́ мно́зи: вси бо от еди́наго хле́ба причаща́емся.Ин 6:33

Ви́дите изра́иля по пло́ти: не яду́щии ли же́ртвы о́бщницы олтаре́ви суть?Лев 7:15

Что у́бо глаго́лю? я́ко и́дол что есть? или́ идоложе́ртвенное что есть?1Кор 8:4

Но зане́, я́же жрут язы́цы, бесо́м жрут, а не бо́гови: не хощу́ же вас о́бщников бы́ти бесо́м.Втор 32:17

Не мо́жете ча́шу го́сподню пи́ти и ча́шу бесо́вскую: не мо́жете трапе́зе го́сподней причаща́тися и трапе́зе бесо́встей.2Кор 6:15

Или́ раздража́ем го́спода? Еда́ крепча́йши его́ есмы́?

Вся ми леть суть, но не вся на по́льзу: вся ми леть суть, но не вся назида́ют.1Кор 6:12

Никто́же своего́ си да и́щет, но е́же бли́жняго ки́йждо.Рим 15:2

Все, е́же на то́ржищи продае́мое, яди́те, ничто́же сумня́щеся, за со́весть:

го́сподня бо земля́ и исполне́ние ея́.Пс 23:1; Втор 10:14

А́ще ли кто от неве́рных призыва́ет вы, и хо́щете ити́, все предлага́емое вам яди́те, ничто́же сумня́щеся, за со́весть.

А́ще ли же кто вам рече́т: сие́ идоложе́ртвенно есть: не яди́те за о́ного пове́давшаго, и со́весть: го́сподня бо земля́ и исполне́ние ея́.Пс 23:1

Со́весть же глаго́лю не свою́, но друга́го: вску́ю бо свобо́да моя́ су́дится от ины́я со́вести?

А́ще аз благода́тию причаща́юся, почто́ хулу́ прие́млю, о не́мже аз благодарю́?Рим 14:6

А́ще у́бо я́сте, а́ще ли пиете́, а́ще ли и́но что творите́, вся во сла́ву бо́жию твори́те.Кол 3:17

Безпреткнове́ни быва́йте иуде́ем и е́ллином и це́ркви бо́жией,

я́коже и аз во всем всем угожда́ю, не иски́й своея́ по́льзы, но мно́гих, да спасу́тся.Рим 15:2