1Кор 1 Коринфянам, глава Первое послание к Коринфянам, глава 11
Другое письмо: церковнославянский
Подража́теле мне быва́йте, я́коже и аз христу́.1Кор 4:16; Фил 3:17
Хвалю́ же вы, бра́тие, я́ко вся моя́ по́мните, и я́коже преда́х вам, преда́ния держите́.1Кор 15:1
Хощу́ же вас ве́дети, я́ко вся́кому му́жу глава́ христо́с есть, глава́ же жене́ муж, глава́ же христу́ бог.Быт 3:16; Ин 14:28; Еф 5:23
Всяк муж, моли́тву де́я или́ проро́чествуяй покры́тою главо́ю, срамля́ет главу́ свою́:
и вся́ка жена́, моли́тву де́ющая или́ проро́чествующая открове́нною главо́ю, срамля́ет главу́ свою́: еди́но бо есть и то́ждее́же бы́ти остри́женней:
а́ще бо не покрыва́ется жена́, да стриже́тся: а́ще ли же срам жене́ стри́щися или́ бри́тися, да покрыва́ется.
Муж у́бо не до́лжен есть покрыва́ти главу́, о́браз и сла́ва бо́жия сый: жена́ же сла́ва му́жу есть.Быт 1:26; Кол 3:10
Несть бо муж от жены́, но жена́ от му́жа:Быт 2:21
и́бо не со́здан бысть муж жены́ ра́ди, но жена́ му́жа ра́ди.
Сего́ ра́ди должна́ есть жена́ власть име́ти на главе́ а́нгел ра́ди.
Оба́че ни муж без жены́, ни жена́ без му́жа, о го́споде.
Я́коже бо жена́ от му́жа, си́це и муж жено́ю: вся же от бо́га.
В вас саме́х суди́те, ле́по ли есть жене́ открове́нней бо́гу моли́тися?
Или́ и не са́мое естество́ учи́т вы, я́ко муж у́бо а́ще власы́ расти́т, безче́стие ему́ есть,
жена́ же а́ще власы́ расти́т, сла́ва ей есть? зане́ расте́ние власо́в вме́сто одея́ния дано́ бысть ей.
А́ще ли кто мни́тся спо́рлив бы́ти, мы такова́го обы́чая не и́мамы, ниже́ це́ркви бо́жия.
Сие́ же завещава́я не хвалю́, я́ко не на лу́чшее, но на ху́ждшее сбира́етеся.
Пе́рвое у́бо, сходя́щымся вам в це́рковь, слы́шу в вас ра́спри су́щыя, и часть не́кую (сих) ве́рую.1Кор 3:3
Подоба́ет бо и ересе́м в вас бы́ти, да иску́снии явле́ни быва́ют в вас.Лк 17:1
Сходя́щымся у́бо вам вку́пе, несть госпо́дскую ве́черю я́сти:
ки́йждо бо свою́ ве́черю предваря́ет в снеде́ние, и ов у́бо а́лчет, ов же упива́ется.
Еда́ бо домо́в не и́мате, во е́же я́сти и пи́ти? Или́ о це́ркви бо́жией нерадите́ и срамля́ете не иму́щыя? Что вам реку́? похвалю́ ли вы о сем? Не похвалю́.
Аз бо прия́х от го́спода, е́же и преда́х вам, я́ко госпо́дь иису́с в нощь, в ню́же пре́дан быва́ше, прие́мь хлеб,Мф 26:26; Мк 14:22; Лк 22:19; 1Кор 10:16
и благодари́в преломи́, и рече́: приими́те, яди́те, сие́ есть те́ло мое́, е́же за вы ломи́мое: сие́ твори́те в мое́ воспомина́ние.
Та́кожде и ча́шу по ве́чери, глаго́ля: сия́ ча́ша но́вый заве́т есть в мое́й кро́ви: сие́ твори́те, ели́жды а́ще пие́те, в мое́ воспомина́ние.
Ели́жды бо а́ще я́сте хлеб сей и ча́шу сию́ пие́те, смерть го́сподню возвеща́ете, до́ндеже прии́дет.
Те́мже и́же а́ще яст хлеб сей или́ пие́т ча́шу го́сподню недосто́йне, пови́нен бу́дет те́лу и кро́ви го́сподни.Евр 10:29
Да искуша́ет же челове́к себе́, и та́ко от хле́ба да яст и от ча́ши да пие́т.2Кор 13:5
Яды́й бо и пия́й недосто́йне, суд себе́ яст и пие́т, не разсужда́я те́ла го́сподня.
Сего́ ра́ди в вас мно́зи не́мощни и неду́жливи, и спят (усыпа́ют) дово́лни.
А́ще бо бы́хом себе́ разсужда́ли, не бы́хом осужде́ни бы́ли.Пс 31:5
Суди́ми же, от го́спода наказу́емся, да не с ми́ром осу́димся.
Те́мже, бра́тие моя́, сходя́щеся я́сти, друг дру́га жди́те.
А́ще ли кто а́лчет, в дому́ да яст, да не в грех схо́дитеся. О про́чих же, егда́ прииду́, устро́ю.