1Кор 1 Коринфянам, глава Первое послание к Коринфянам, глава 13
Другое письмо: церковнославянский
А́ще язы́ки челове́ческими глаго́лю и а́нгелскими, любве́ же не и́мам, бых (я́ко) медь звеня́щи, или́ кимва́л звяца́яй.
И а́ще и́мам проро́чество, и вем та́йны вся и весь ра́зум, и а́ще и́мам всю ве́ру, я́ко и го́ры преставля́ти, любве́ же не и́мам, ничто́же есмь.Мф 7:22
И а́ще разда́м вся име́ния моя́, и а́ще преда́м те́ло мое́, во е́же сжещи́ е, любве́ же не и́мам, ни ка́я по́льза ми есть.Мф 6:1
Любы́ долготерпи́т, милосе́рдствует, любы́ не зави́дит, любы́ не превозно́сится, не горди́тся,Прит 10:12; 1Петр 4:8; Фил 2:3
не безчи́нствует, не и́щет свои́х си, не раздража́ется, не мы́слит зла,Рим 15:1
не ра́дуется о непра́вде, ра́дуется же о и́стине:
вся лю́битпокрыва́ет, всему́ ве́ру е́млет, вся упова́ет, вся терпи́т.Гал 6:2
Любы́ николи́же отпа́дает, а́ще же проро́чествия упраздня́тся, а́ще ли язы́цы умо́лкнут, а́ще ра́зум испраздни́тся.
От ча́сти бо разумева́ем и от ча́сти проро́чествуем:2Кор 5:7
егда́ же прии́дет соверше́нное, тогда́, е́же от ча́сти, упраздни́тся.
Егда́ бех младе́нец, я́ко младе́нец глаго́лах, я́ко младе́нец му́дрствовах, я́ко младе́нец смышля́х: егда́ же бых муж, отверго́х младе́нческая.
Ви́дим у́бо ны́не я́коже зерца́лом в гада́нии, тогда́ же лице́м к лицу́: ны́не разуме́ю от ча́сти, тогда́ же позна́ю, я́коже и позна́н бых.Фил 3:12; 2Тим 2:19
Ны́не же пребыва́ют ве́ра, наде́жда, любы́, три сия́: бо́лши же сих любы́.