2Co 2. Korinter, kapittel Paulus’ andre brev til korinterne, kapittel 5
Annen skrift: церковнославянский
Ве́мы бо, я́ко а́ще земна́я на́ша хра́мина те́ла разори́тся, созда́ние от бо́га и́мамы, хра́мину нерукотворе́ну, ве́чну на небесе́х.Job 4:19; Heb 9:11
И́бо о сем воздыха́ем, в жили́ще на́ше небе́сное облещи́ся жела́юще:Rom 8:23
а́ще то́чию и обле́кшеся, не на́зи обря́щемся.Isa 61:10; Rev 16:15
И́бо су́щии в те́ле сем воздыха́ем отягча́еми, поне́же не хо́щем совлещи́ся, но пооблещи́ся, да поже́рто бу́дет ме́ртвенное живото́м.1Co 15:54
Сотвори́вый же нас в сие́ и́стое бог, и́же и даде́ нам обруче́ние ду́ха.2Co 1:22
Дерза́юще у́бо всегда́ и ве́дяще, я́ко живу́ще в те́ле отхо́дим от го́спода:
ве́рою бо хо́дим, а не виде́нием:Rom 8:25
дерза́ем же и благоволи́м па́че отити́ от те́ла и вни́ти ко го́споду:Php 1:23
те́мже и тщи́мся, а́ще входя́ще, а́ще отходя́ще, благоуго́дни ему́ бы́ти:
всем бо яви́тися нам подоба́ет пред суди́щем христо́вым, да прии́мет ки́йждо, я́же с те́лом соде́ла, или́ бла́га, или́ зла.Job 34:11; Mat 16:27; Mat 25:32; Rom 14:10
Ве́дуще у́бо страх го́сподень, челове́ки увещава́ем, бо́гови же явле́ни есмы́: упова́ем же, я́ко и в со́вестех ва́ших явле́ни есмы́.
Не па́ки бо себе́ хва́лим пред ва́ми, но вину́ дае́м вам похвале́нию о нас, да и́мате к хваля́щымся в лицы́, а не в се́рдцы.
А́ще бо изуми́хомся, бо́гови: а́ще ли целому́дрствуем, вам.2Co 11:11
И́бо любы́ бо́жия обдержи́т нас су́ждших сие́: я́ко а́ще еди́н за всех у́мре, то у́бо вси умро́ша.
Христо́с же за всех у́мре, да живу́щии не ктому́ себе́ живу́т, но уме́ршему за них и воскресшему.Rom 14:9; Gal 2:20
Те́мже и мы отны́не ни еди́наго ве́мы по пло́ти: а́ще же и разуме́хом по пло́ти христа́, но ны́не ктому́ не разуме́ем.
Те́мже а́ще кто во христе́, нова́ тварь: дре́вняя мимоидо́ша, се бы́ша вся нова́:Isa 43:18; Rom 6:4; Rev 21:5
вся́ческая же от бо́га, примири́вшаго нас себе́ иису́с христо́м и да́вшаго нам служе́ние примире́ния:Rom 5:11; Eph 2:16; Col 1:20
зане́ бог бе во христе́ мир примиря́я себе́, не вменя́я им согреше́ний их и положи́в в нас сло́во примире́ния.
По христе́ у́бо мо́лимпосо́лствуем, я́ко бо́гу моля́щу на́ми, мо́лим по христе́: примири́теся с бо́гом.
Не ве́девшаго бо греха́ по нас грех сотвори́, да мы бу́дем пра́вда бо́жия о нем.Isa 53:9; Jhn 8:46; 1Pe 2:22; 1Jn 3:5