2 Co. 2 Corintios, capítulo Segunda carta de Pablo a los Corintios, capítulo 11
Otra escritura: церковнославянский
О, да бы́сте ма́ло потерпе́ли безу́мию моему́! Но и потерпи́те мя.
Ревну́ю бо по вас бо́жиею ре́вностию: обручи́х бо вас еди́ному му́жу де́ву чи́сту предста́вити христо́ви.Is. 62:5; Os. 2:19
Бою́ся же, да не ка́ко, я́коже змий е́ву прельсти́ лука́вством свои́м, та́ко истле́ют (и) ра́зумы ва́ши от простоты́, я́же о христе́.Gn. 3:4; Jn. 8:44; 2 P. 3:17; 1 Ti. 6:3
А́ще бо гряды́й ина́го иису́са пропове́дает, его́же не пропове́дахом, или́ ду́ха ина́го прие́млете, его́же не прия́сте, или́ благовествова́ние и́но, е́же не прия́сте, до́бре бы́сте потерпе́ли.
Непщу́ю бо ничи́мже лиши́тися пре́дних апо́стол:1 Co. 15:10
а́ще бо и неве́жда сло́вом, но не ра́зумом: но везде́ я́вльшеся о всем в васно во всем явле́нни есмы́ во всех к вам.1 Co. 2:1; 2 Co. 10:10
Или́ грех сотвори́х себе́ смиря́я, да вы вознесе́теся, я́ко ту́не бо́жие благовествова́ние благовести́х вам?
От ины́х церкве́й уя́х, прии́м обро́к к ва́шему служе́нию: и прише́д к вам, и в ску́дости быв, не стужи́х ни еди́ному:Hch. 20:33; 2 Ts. 3:8
ску́дость бо мою́ испо́лниша бра́тия, прише́дше от македо́нии: и во всем без стуже́ния вам себе́ соблюдо́х и соблюду́.
Есть и́стина христо́ва во мне, я́ко похвале́ние сие́ не загради́тся о мне в страна́х аха́йских.Ro. 9:1
Почто́? зане́ не люблю́ ли вас? Бог весть. А е́же творю́, и сотворю́,
да отсеку́ вину́ хотя́щым вины́, да, о не́мже хва́лятся, обря́щутся я́коже и мы.
Такови́и бо лжи́ви апо́столи, де́лателе льсти́вии, преобразу́ющеся во апо́столы христо́вы.Hch. 15:24
И не ди́вно: сам бо сатана́ преобразу́ется во а́нгела све́тла:
не ве́лие у́бо, а́ще и служи́телие его́ преобразу́ются я́ко служи́тели пра́вды: и́мже кончи́на бу́дет по дело́м их.Mt. 7:15
Па́ки глаго́лю: да никто́же мнит мя безу́мна бы́ти: а́ще ли ни, поне́ я́ко безу́мна приими́те мя, да и аз ма́ло что похвалю́ся.
А е́же глаго́лю, не глаго́лю по го́споде, но я́ко в безу́мии в сей ча́сти похвалы́:
поне́же мно́зи хва́лятся по пло́ти, и аз похвалю́ся.Fil. 3:4
Любе́зно бо прие́млете безу́мныя, му́дри су́ще:
прие́млете бо, а́ще кто вас порабоща́ет, а́ще кто пояда́ет, а́ще кто (не вле́поту) прото́ритоте́млет, а́ще кто по лицу́ бие́т вы, а́ще кто велича́ется.
По досажде́нию глаго́лю, зане́ а́ки мы изнемого́хом. О не́мже а́ще дерза́ет кто, несмы́сленно глаго́лю, дерза́ю и аз.
Евре́е ли суть? и аз. Изра́илите ли суть? и аз. Се́мя авраа́мле ли суть? и аз.Hch. 22:3; Fil. 3:5
Служи́телие ли христо́вы суть? не в му́дрости глаго́лю, па́че аз. В труде́х мно́жае, в ра́нах пребо́ле, в темни́цах и́злиха, в сме́ртех мно́гащи.
От иуде́й пять кра́ты четы́редесять ра́зве еди́ныя прия́х:Dt. 25:3
три́щи па́лицами бие́н бых, еди́ною ка́меньми наме́тан бых, трикра́ты кора́бль опрове́ржеся со мно́ю: нощь и день во глубине́ сотвори́х:Hch. 14:19; Hch. 16:22; Hch. 27:41
в пу́тных ше́ствиих мно́жицею: беды́ в река́х, беды́ от разбо́йник, беды́ от сро́дник, беды́ от язы́к, беды́ во граде́х, беды́ в пусты́ни, беды́ в мо́ри, беды́ во лжебра́тии:
в труде́ и по́двизе, во бде́ниих мно́жицею, во а́лчбе и жа́жди, в поще́ниих мно́гащи, в зиме́ и наготе́.1 Co. 4:11
Кроме́ вне́шних, нападе́ние е́же по вся дни, (и) попече́ние всех церкве́й.
Кто изнемога́ет, и не изнемога́ю? Кто соблазня́ется, и аз не разжиза́юся?1 Co. 9:22
А́ще хвали́тися (ми) подоба́ет, о не́мощи мое́й похвалю́ся.
Бог и оте́ц го́спода на́шего иису́са христа́ весть, сый благослове́н во ве́ки, я́ко не лгу.Ro. 9:1; Ga. 1:20
В дама́сце язы́ческий князь аре́фы царя́ стрежа́ше дама́ск град, я́ти мя хотя́: и око́нцем в кошни́це све́шен бых по стене́, и избего́х из руку́ его́.Hch. 9:24