Ga Galacjan, rozdział List do Galacjan, rozdział 2

Inne pismo: церковнославянский

Przekłady Porównaj

Пото́м же по четырена́десяти ле́тех па́ки взыдо́х во иерусали́м с варна́вою, пое́м с собо́ю и ти́та.

Взыдо́х же по открове́нию, и предложи́х им благовествова́ние, е́же пропове́дую во язы́цех, на еди́не же мни́мым, да не ка́ко вотще́ теку́, или́ теко́х.Flp 2:16

Но ни тит, и́же со мно́ю, е́ллин сый, ну́жден бысть обре́затися.Dz 16:3

И за прише́дшую лжебра́тию, и́же привнидо́ша согля́дати свобо́ды на́шея, ю́же и́мамы о христе́ иису́се, да нас порабо́тят:Ga 4:3

и́мже ни к часу́ повину́хомся в покоре́ние, да и́стина благове́стия пребу́дет в вас.

От мня́щихся же бы́ти что, я́кови не́когда бе́ша, ничто́же ми ра́знствует: лица́ бог челове́ча не прие́млет. Мне бо мни́мии ничто́же привозложи́ша:Pwt 10:17; 2Krn 19:7; Hi 34:19; Dz 10:34; Rz 2:11; Ef 6:9

но сопроти́вное, уразуме́вше, я́ко уве́рено ми бысть благове́стие необре́зания, я́коже петру́ обре́зания:Dz 9:15

и́бо споспе́шествовавый петру́ в посла́ние обре́зания, споспе́шествова и мне во язы́ки:

и позна́вше благода́ть да́нную ми, иа́ков и ки́фа и иоа́нн, мни́мии столпи́ бы́ти, десни́цы да́ша мне и варна́ве обще́ния, да мы во язы́ки, они́ же во обре́зание,

то́чию ни́щих да по́мнима: е́же и потща́хся сие́ и́стое сотвори́ти.Dz 24:17; Rz 15:26; 1Kor 16:1; 2Kor 9:1

Егда́ же прии́де петр во антиохи́ю, в лице́ ему́ противуста́х, я́ко зазо́рен бе.

Пре́жде бо да́же не приити́ не́ким от иа́кова, с язы́ки ядя́ше: егда́ же приидо́ша, опря́ташеся и отлуча́шеся, боя́ся су́щих от обре́зания.Dz 21:20

И лицеме́ришася с ним и про́чии иуде́и, я́ко и варна́ве приста́ти лицеме́рству их.

Но егда́ ви́дех, я́ко не пра́во хо́дят ко и́стине благовествова́ния, реко́х петру́ пред все́ми: а́ще ты, иуде́й сый, язы́чески, а не иуде́йски живе́ши, почто́ язы́ки ну́диши иуде́йски жи́телствовати?Dz 10:28

Мы естество́м иуде́е, а не от язы́к гре́шницы:

уве́девше же, я́ко не оправди́тся челове́к от дел зако́на, но то́кмо ве́рою иису́с христо́вою, и мы во христа́ иису́са ве́ровахом, да оправди́мся от ве́ры христо́вы, а не от дел зако́на: зане́ не оправди́тся от дел зако́на вся́ка плоть.Dz 13:38; Ga 3:11; Tt 3:7

А́ще ли, и́щуще оправди́тися о христе́, обрето́хомся и са́ми гре́шницы, христо́с у́бо греху́ ли служи́тель? Да не бу́дет.Rz 3:19; Rz 3:24

А́ще бо, я́же разори́х, сия́ па́ки созида́ю, престу́пника себе́ представля́ю.

Аз бо зако́ном зако́ну умро́х, да бо́гови жив бу́ду. Христо́ви сраспя́хся:1P 4:2; Rz 7:6; 2Kor 5:15

живу́ же не ктому́ аз, но живе́т во мне христо́с. А е́же ны́не живу́ во пло́ти, ве́рою живу́ сы́на бо́жия, возлюби́вшаго мене́ и преда́вшаго себе́ по мне.Rz 6:6; Tt 2:14

Не отмета́ю благода́ти бо́жия. А́ще бо зако́ном пра́вда, у́бо христо́с ту́не у́мре.Ga 5:2; Hbr 7:11