Ga Galacjan, rozdział List do Galacjan, rozdział 3
Inne pismo: церковнославянский
О, несмы́сленнии гала́те, кто вы прельсти́л есть не покори́тися и́стине, и́мже пред очи́ма иису́с христо́с преднапи́сан бысть, в вас распя́т?
Сие́ еди́но хощу́ уве́дети от вас: от дел ли зако́на ду́ха прия́сте, или́ от слу́ха ве́ры?Dz 2:38; Dz 10:43
Та́ко ли несмы́сленни есте́? наче́нше ду́хом, ны́не пло́тию скончава́ете?Ga 5:7
Толи́ка пострада́сте ту́не? А́ще то́чию и ту́не.
Подая́й у́бо вам ду́ха и де́йствуяй си́лы в вас, от дел ли зако́на, или́ от слу́ха ве́ры?
Я́коже авраа́м ве́рова бо́гу, и вмени́ся ему́ в пра́вду.Rdz 15:6; Jk 2:23; Rz 4:3
Разуме́йте у́бо, я́ко су́щии от ве́ры, си́и суть сы́нове авраа́мли.J 8:39
Предуви́девшее же писа́ние, я́ко от ве́ры оправда́ет язы́ки бог, пре́жде благовествова́ авраа́му, я́ко благословя́тся о тебе́ вси язы́цы.Rdz 12:3
Те́мже су́щии от ве́ры, благословя́тся с ве́рным авраа́мом:
ели́цы бо от дел зако́на суть, под кля́твою суть. Пи́сано бо есть: про́клят всяк, и́же не пребу́дет во всех пи́санных в кни́зе зако́нней, я́ко твори́ти я.Pwt 27:26; Jr 11:3
А я́ко в зако́не никто́же оправда́ется от бо́га, я́ве, я́ко пра́ведный от ве́ры жив бу́дет.Ha 2:4; Rz 1:17; Hbr 10:38
Зако́н же несть от ве́ры: но сотвори́вый та челове́к жив бу́дет в них.Kpł 18:5
Христо́с ны искупи́л есть от кля́твы зако́нныя, быв по нас кля́тва: пи́сано бо есть: про́клят всяк вися́й на дре́ве:Pwt 21:23; 1P 2:24; Rz 8:3
да в язы́цех благослове́ние авраа́мле бу́дет о христе́ иису́се, да обетова́ние ду́ха прии́мем ве́рою.Iz 44:5; Dz 3:25
Бра́тие, по челове́ку глаго́лю: оба́че челове́ческаго предутвержде́нна заве́та никто́же отмета́ет или́ приповелева́ет.Hbr 9:17
Авраа́му же рече́ни бы́ша обе́ты, и се́мени его́. Не глаго́лет (же): и се́менем, я́ко о мно́зех, но я́ко о еди́ном: и се́мени твоему́, и́же есть христо́с.Rdz 12:7; Rdz 15:5
Сие́ же глаго́лю, заве́та предутвержде́ннаго от бо́га во христа́, бы́вый по ле́тех четы́риста и три́десятих зако́н не отмета́ет, во е́же разори́ти обетова́ние.Wj 12:40; Dz 7:6
А́ще бо от зако́на насле́дие, не ктому́ (уже́) от обетова́ния: авраа́му же обетова́нием дарова́ бог.Rz 8:17; Ga 2:21
Что у́бо зако́н? Преступле́ний ра́ди приложи́ся, до́ндеже прии́дет се́мя, ему́же обетова́ся, вчине́н а́нгелы, руко́ю хода́тая.Wj 19:3; Dz 7:38
Хода́тай же еди́наго несть, бог же еди́н есть.
Зако́н ли у́бо проти́ву обетова́нием бо́жиим? Да не бу́дет. А́ще бо дан бысть зако́н моги́й оживи́ти, вои́стинну от зако́на бы была́ пра́вда:
но затвори́ писа́ние всех под грехо́м, да обетова́ние от ве́ры иису́с христо́вы да́стся ве́рующым.Rz 3:9
Пре́жде же прише́ствия ве́ры, под зако́ном стрего́ми бе́хом, затворе́ни в хотя́щую ве́ру откры́тися.
Те́мже зако́н пе́стун нам бысть во христа́, да от ве́ры оправди́мся:Rz 10:4
прише́дшей же ве́ре, уже́ не под пе́стуном есмы́.
Вси бо вы сы́нове бо́жии есте́ ве́рою о христе́ иису́се:J 1:12; Rz 8:15
ели́цы бо во христа́ крести́стеся, во христа́ облеко́стеся.Rz 6:3
Несть иуде́й, ни е́ллин: несть раб, ни свобо́дь: несть му́жеский пол, ни же́нский: вси бо вы еди́но есте́ о христе́ иису́се.J 17:21; Rz 10:12
А́ще ли вы христо́вы, у́бо авраа́мле се́мя есте́, и по обетова́нию насле́дницы.Ef 3:6