Ga Galacjan, rozdział List do Galacjan, rozdział 6

Inne pismo: церковнославянский

Przekłady Porównaj

Бра́тие, а́ще и впаде́т челове́к в не́кое прегреше́ние, вы духо́внии исправля́йте такова́го ду́хом кро́тости: блюды́й себе́, да не и ты искуше́н бу́деши.1Kor 10:12

Друг дру́га тяготы́ носи́те, и та́ко испо́лните зако́н христо́в.J 13:34; 1Tes 5:14

А́ще бо кто мнит себе́ бы́ти что, ничто́же сый, умо́м льстит себе́.1Kor 8:2

Де́ло же свое́ да искуша́ет ки́йждо, и тогда́ в себе́ то́чию хвале́ние да и́мать, а не во ине́м:

ки́йждо бо свое́ бре́мя понесе́т.Rz 14:12; 1Kor 3:8

Да обща́ется же учя́йся словеси́ уча́щему во всех благи́х.Rz 15:27; 1Kor 9:7

Не льсти́теся: бог поруга́емь не быва́ет. Е́же бо а́ще се́ет челове́к, то́жде и по́жнет:Rz 2:6

я́ко се́яй в плоть свою́, от пло́ти по́жнет истле́ние: а се́яй в дух, от ду́ха по́жнет живо́т ве́чный.

До́брое же творя́ще, да не стужа́ем си: во вре́мя бо свое́ по́жнем, не ослабе́юще.Mt 24:13; 2Tes 3:13

Те́мже у́бо, до́ндеже вре́мя и́мамы, да де́лаим благо́е ко всем, па́че же к при́сным в ве́ре.

Ви́дите, коли́цеми кни́гами писа́х вам мое́ю руко́ю.

Ели́цы хотя́т хвали́тися по пло́ти, си́и ну́дят вы обре́затися, то́чию да не креста́ ра́ди христо́ва гони́ми бу́дут:

ни бо обре́зающиися са́ми зако́н храня́т, но хотя́т вам обре́зоватися, да в ва́шей пло́ти похва́лятся:

мне же да не бу́дет хвали́тися, то́кмо о кресте́ го́спода на́шего иису́са христа́, и́мже мне мир распя́тся, и аз ми́ру.Rz 6:6

О христе́ бо иису́се ни обре́зание что мо́жет, ни необре́зание, но но́ва тварь.Ga 5:6; Kol 3:11

И ели́цы пра́вилом сим жи́телствуют, мир на них и ми́лость, и на изра́или бо́жии.Flp 3:16

Про́чее, труды́ да никто́же ми дае́т: аз бо я́звы го́спода иису́са на те́ле мое́м ношу́.2Kor 4:10

Благода́ть го́спода на́шего иису́са христа́ со ду́хом ва́шим, бра́тие. Ами́нь.