Col Coloseni, capitolul Epistola către Coloseni, capitolul 1

Па́вел, апо́стол иису́с христо́в во́лею бо́жиею, и тимофе́й брат,

су́щым в колосса́ех святы́м и ве́рным бра́тиям о христе́ иису́се:

благода́ть вам и мир от бо́га отца́ на́шего, и го́спода иису́са христа́. Благодари́м бо́га и отца́ го́спода на́шего иису́са христа́, всегда́ о вас моля́щеся,Php 1:3

слы́шавше ве́ру ва́шу, я́же о христе́ иису́се, и любо́вь, ю́же и́мате ко всем святы́м,Heb 6:10

за упова́ние отложе́нное вам на небесе́х, е́же пре́жде слы́шасте в словеси́ и́стины благовествова́ния,

су́щаго в вас, я́коже и во всем ми́ре: и есть плодоно́сно и расти́мо, я́коже и в вас, от него́же дне слы́шасте и разуме́сте благода́ть бо́жию во и́стине:Mat 13:8; Jhn 15:16

я́коже и уве́десте от епафра́са, возлю́бленнаго сорабо́тника на́шего, и́же есть ве́рен о вас служи́тель христо́в,

и́же и яви́ нам ва́шу любо́вь в ду́се.

Сего́ ра́ди и мы, от него́же дне слы́шахом, не престае́м о вас моля́щеся и прося́ще, да испо́лнитеся в ра́зуме во́ли его́, во вся́цей прему́дрости и ра́зуме духо́внем,Rom 12:2

я́ко ходи́ти вам досто́ине бо́гу во вся́цем угожде́нии (и) вся́цем де́ле бла́зе, плодонося́ще и возраста́юще в ра́зуме бо́жии,Eph 4:1; Php 1:27; 1Th 2:12

вся́кою си́лою возмога́юще по держа́ве сла́вы его́, во вся́цем терпе́нии и долготерпе́нии с ра́достию,Act 5:41

благодаря́ще бо́га и отца́, призва́вшаго вас в прича́стие насле́дия святы́х во све́те,Act 26:18

и́же изба́ви нас от вла́сти те́мныя и преста́ви в ца́рство сы́на любве́ своея́,Mat 3:17; Heb 2:15

о не́мже и́мамы избавле́ние кро́вию его́ и оставле́ние гре́хов,Rom 3:25

и́же есть о́браз бо́га неви́димаго, перворожде́н всея́ тва́ри:Pro 8:22; Heb 1:3

я́ко тем создана́ бы́ша вся́ческая, я́же на небеси́ и я́же на земли́, ви́димая и неви́димая, а́ще престо́ли, а́ще госпо́дствия, а́ще нача́ла, а́ще вла́сти: вся́ческая тем и о нем созда́шася:Jhn 1:3; Eph 3:9; Heb 1:2

и той есть пре́жде всех, и вся́ческая в нем состоя́тся.Jhn 1:1

И той есть глава́ те́лу це́ркве, и́же есть нача́ток, перворожде́н из ме́ртвых, я́ко да бу́дет во всех той пе́рвенствуя:Rom 8:29; 1Co 15:20; Eph 1:22

я́ко в нем благоизво́ли всему́ исполне́нию всели́тися,Col 2:9

и тем примири́ти вся́ческая к себе́, умиротвори́в кро́вию креста́ его́, чрез него́, а́ще земна́я, а́ще ли небе́сная.Isa 9:6; Luk 2:14

И вас, иногда́ су́щих отчужде́нных и враго́в помышле́ньми в де́лех лука́вых,

ны́не же примири́ в те́ле пло́ти его́ сме́ртию его́, предста́вити вас святы́х и непоро́чных и непови́нных пред собо́ю,Luk 1:75; Rom 5:10; 1Co 1:2; Eph 1:4; Tit 2:14

а́ще у́бо пребыва́ете в ве́ре основа́ни и тве́рди, и неподви́жими от упова́ния благовествова́ния, е́же слы́шасте, пропове́данное всей тва́ри поднебе́сней, ему́же бых аз па́вел служи́тель.

Ны́не ра́дуюся во страда́ниих мои́х о вас, я́ко исполня́ю лише́ние скорбе́й христо́вых во пло́ти мое́й за те́ло его́, е́же есть це́рковь,Rom 5:3

е́йже бых аз служи́тель по смотре́нию бо́жию, да́нному мне в вас, испо́лнити сло́во бо́жие,1Co 4:1; 1Co 9:17

та́йну сокрове́нную от век и от родо́в: ны́не же яви́ся святы́м его́,Rom 14:24; Eph 3:9

и́мже восхоте́ бог сказа́ти, ко́е бога́тство сла́вы та́йны сея́ во язы́цех, и́же есть христо́с в вас, упова́ние сла́вы,Rom 9:23; Eph 3:17

его́же мы пропове́дуем, наказу́юще вся́каго челове́ка и уча́ще вся́цей прему́дрости, да предста́вим вся́каго челове́ка соверше́нна о христе́ иису́се:2Co 11:2

в не́мже и тружда́юся и подвиза́юся по де́йству его́ де́йствуемому во мне си́лою.1Co 15:10; Php 2:13