1Th 1 Thessalonians, chapter First Epistle to the Thessalonians, chapter 1

Па́вел и силуа́н и тимофе́й це́ркви солу́нстей о бо́зе отце́ и го́споде иису́се христе́: благода́ть вам и мир от бо́га отца́ на́шего и го́спода иису́са христа́.Act 16:1; Gal 1:3

Благодари́м бо́га всегда́ о всех вас, помина́ние о вас творя́ще в моли́твах на́ших,Php 1:3; 2Th 1:3

непреста́нно помина́юще ва́ше де́ло ве́ры, и труд любве́, и терпе́ние упова́ния го́спода на́шего иису́са христа́, пред бо́гом и отце́м на́шим,Act 17:4

ве́дяще, бра́тие возлю́бленная, от бо́га избра́ние ва́ше:

я́ко благовествова́ние на́ше не бысть к вам в сло́ве то́чию, но и в си́ле, и в дусе святе, и во извеще́нии мно́зе, я́коже и ве́сте, какови́ бы́хом в вас ра́ди вас.Rom 15:19

И вы подо́бницы бы́сте нам и го́споду, прие́мше сло́во в ско́рби мно́зе с ра́достию ду́ха свята́го,Php 3:17

я́ко бы́ти вам о́браз всем ве́рующым в македо́нии и аха́ии.

От вас бо промче́ся сло́во го́сподне не то́кмо в македо́нии и аха́ии, но и во вся́ко ме́сто ве́ра ва́ша, я́же к бо́гу, изы́де, я́ко не тре́бовати нам глаго́лати что.

Ти́и бо о нас возвеща́ют, како́в вход име́хом к вам, и ка́ко обрати́стеся к бо́гу от и́дол, рабо́тати бо́гу жи́ву и и́стинну

и жда́ти сы́на его́ с небес, его́же воскреси́ из ме́ртвых, иису́са, избавля́ющаго нас от гне́ва гряду́щаго.Hos 13:14