1Th 1 Tessalonicenzen, hoofdstuk De eerste brief aan de Tessalonicenzen, hoofdstuk 4

Ander schrift: церковнославянский

Vertalingen Vergelijken

Те́мже у́бо, бра́тие, про́сим вы и мо́лим о христе́ иису́се, я́коже прия́сте от нас, ка́ко подоба́ет вам ходи́ти и угожда́ти бо́гови, я́коже и хо́дите, да избы́точествуете па́че:Php 1:27

ве́сте бо, какова́ повеле́ния да́хом вам го́сподем иису́сом.

Сия́ бо есть во́ля бо́жия, святость ва́ша, храни́ти себе́ саме́х от блуда́,Rom 6:22; Rom 12:2

(и) ве́дети кому́ждо от вас свой сосу́д стяжава́ти во святы́ни и че́сти,1Co 6:18

(а) не в стра́сти по́хотней, я́коже и язы́цы не ве́дящии бо́га,

(и) е́же не преступа́ти и лихои́мствовати в ве́щи бра́та своего́: зане́ мсти́тель есть госпо́дь о всех сих, я́коже и пре́жде реко́хом к вам и засвиде́телствовахом.1Ti 6:10

Не призва́ бо нас бог на нечистоту́, но во святость.1Co 1:2; Eph 1:4

Те́мже у́бо отмета́яй не челове́ка отмета́ет, но бо́га, да́вшаго ду́ха своего́ свята́го в нас.Luk 10:16; 1Co 2:10

О братолю́бии же, не тре́буете, да пи́шется к вам, са́ми бо вы бо́гом уче́ни есте́, е́же люби́ти друг дру́га:Jhn 13:34; Jhn 15:12; 1Jn 3:11

и́бо творите́ то ко всей бра́тии, су́щей во всей македо́нии. Мо́лим же вы, бра́тие, избы́точествовати па́че,

и любе́зно прилежа́ти, е́же безмо́лвствовати и де́яти своя́ и де́лати свои́ма рука́ма, я́коже повеле́хом вам:Eph 4:28; 2Th 3:10

да хо́дите благообра́зно ко вне́шним и ни чесого́же тре́буете.Rom 13:13

Не хощу́ же вас, бра́тие, не ве́дети о уме́рших, да не скорбите́, я́коже и про́чии не иму́щии упова́ния.

А́ще бо ве́руем, я́ко иису́с у́мре и воскресе, та́ко и бог уме́ршыя во иису́се приведе́т с ним.1Co 15:20

Сие́ бо вам глаго́лем сло́вом го́сподним, я́ко мы живу́щии, оста́вшии в прише́ствие го́сподне, не и́мамы предвари́ти уме́рших:1Co 15:51

я́ко сам госпо́дь в повеле́нии, во гла́се арха́нгелове и в трубе́ бо́жии сни́дет с небесе́, и ме́ртвии о христе́ воскре́снут пе́рвее:Mat 24:31; 2Th 1:7

пото́м же мы, живу́щии оста́вшии, ку́пно с ни́ми восхище́ни бу́дем на о́блацех в сре́тение го́сподне на возду́се, и та́ко всегда́ с го́сподем бу́дем.Jhn 14:3; Jhn 17:24

Те́мже утеша́йте друг дру́га в словесе́х сих.