Hbr Hebrajczyków, rozdział List do Hebrajczyków, rozdział 4

Да убои́мся у́бо, да не когда́ оста́влену обетова́нию вни́ти в поко́й его́, яви́тся кто от вас лиши́вся.

И́бо нам благовествова́но есть, я́коже и о́нем: но не по́льзова о́нех сло́во слу́ха, не растворе́нное ве́рою слы́шавших.1P 1:12

Вхо́дим бо в поко́й ве́ровавшии, я́коже рече́: я́ко кля́хся во гне́ве мое́м, а́ще вни́дут в поко́й мой: а́ще и дело́м от сложе́ния ми́ра бы́вшым.Hbr 3:11

Рече́ бо не́где о седме́м си́це: и почи́ бог в день седмы́й от всех дел свои́х.Rdz 2:2; Wj 20:11

И в сем па́ки: а́ще вни́дут в поко́й мой.Ps 94:11

Поне́же у́бо лише́ни не́цыи(a)остае́тся не́киим вни́ти в него́, и и́мже пре́жде благовествова́но бе, не внидо́ша за непослуша́ние:

па́ки не́кий уставля́ет день, днесь, в дави́де глаго́ля, по толи́цех ле́тех, я́коже пре́жде глаго́лася: днесь, а́ще глас его́ услы́шите, не ожесточи́те серде́ц ва́ших.Hbr 3:7

А́ще бо бы о́нех иису́с упоко́ил, не бы о ине́м дни глаго́лал по сих.

У́бо оста́влено есть (и еще́) суббо́тство лю́дем бо́жиим:Obj 7:14; Obj 14:13

вше́дый бо в поко́й его́, и той почи́ от дел свои́х, я́коже от свои́х бог.

Потщи́мся у́бо вни́ти во о́ный поко́й, да не кто в ту же при́тчу противле́ния впаде́т.

Жи́во бо сло́во бо́жие и де́йственно, и остре́йше па́че вся́каго меча́ обою́ду остра́, и проходя́щее да́же до разделе́ния души́ же и ду́ха, члено́в же и мозго́в, и суди́телно помышле́нием и мы́слем серде́чным.Iz 49:2; 1P 1:23; 2Kor 10:4; Ef 6:17; Obj 1:16

И несть тварь неявле́на пред ним, вся же нага́ и объявле́на пред очи́ма его́, к нему́же нам сло́во.Ps 32:15; Jr 23:24

Иму́ще у́бо архиере́а вели́ка, проше́дшаго небеса́, иису́са сы́на бо́жия, да держи́мся испове́дания.Hbr 6:20

Не и́мамы бо архиере́а не могу́ща спострада́ти не́мощем на́шым, но искуше́на по вся́ческим по подо́бию, ра́зве греха́.Iz 53:3; Iz 53:9; Hbr 2:17

Да приступа́ем у́бо с дерзнове́нием к престо́лу благода́ти, да прии́мем ми́лость и благода́ть обря́щем во благовре́менну по́мощь.Rz 3:25; Ef 3:2