Rev Revelation, chapter Revelation of Jesus Christ, chapter 12
Other script: церковнославянский
И зна́мение ве́лие яви́ся на небеси́: жена́ облече́на в со́лнце, и луна́ под нога́ма ея́, и на главе́ ея́ вене́ц от звезд двоюна́десяте:
и во чре́ве иму́щи, вопие́т боля́щи и стра́ждущи роди́ти.
И яви́ся и́но зна́мение на небеси́: и се, змий вели́к че́рмен, име́я глав седмь и рого́в де́сять, и на глава́х его́ седмь вене́ц:Rev 17:3; Rev 20:2
и хо́бот его́ отто́рже тре́тию часть звезд небе́сных и положи́ я в зе́млюпове́рже я на зе́млю. И змий стоя́ше пред жено́ю хотя́щею роди́ти, да, егда́ роди́т, снесть ча́до ея́.
И роди́ сы́на му́жеска, и́же и́мать упасти́ вся язы́ки жезло́м желе́зным: и восхище́но бысть ча́до ея́ к бо́гу и престо́лу его́.Psa 2:9; 1Co 15:25; Rev 2:27
А жена́ бежа́ в пусты́ню, иде́же име́ ме́сто угото́вано от бо́га, да та́мо пита́ется дний ты́сящу две́сте шестьдеся́т.Rev 11:3
И бысть брань на небеси́: михаи́л и а́нгели его́ брань сотвори́ша со зми́ем, и змий бра́ся и а́ггели его́,Dan 10:13; Dan 12:1
и не возмого́ша, и ме́ста не обре́теся им ктому́ на небеси́.
И вложе́нпове́ржен бысть змий вели́кий, змий дре́вний, нарица́емый диа́вол и сатана́, льстяй вселе́нную всю, и вложе́нпове́ржен бысть на зе́млю, и а́ггели его́ с ним низве́ржени бы́ша.Luk 10:18
И слы́шах глас ве́лий на небеси́, глаго́лющь: ны́не бысть спасе́ние и си́ла и ца́рство бо́га на́шего и о́бласть христа́ его́, я́ко низложе́н бысть клеветни́к бра́тии на́шея, оклевеща́я их пред бо́гом на́шим день и нощь.Zec 3:1
И ти́и победи́ша его́ кро́вию а́гнчею и сло́вом свиде́телства своего́, и не возлюби́ша душ свои́х да́же до сме́рти.Rom 8:37
Сего́ ра́ди весели́теся, небеса́ и живу́щии на них. Го́ре живу́щым на земли́ и мо́ри, я́ко сни́де диа́вол к вам, име́я я́рость вели́кую, ве́дый, я́ко вре́мя ма́ло и́мать.Isa 49:13
И егда́ ви́де змий, я́ко низложе́н бысть на зе́млю, гоня́ше жену́, я́же роди́ му́жеска.
И дана́ бы́ша жене́ два крила́ орла́ вели́каго, да пари́т в пусты́ню в ме́сто свое́, иде́же препита́на бя́ше ту вре́мя и време́н и пол вре́мене, от лица́ змии́на.Dan 7:25; Dan 12:7
И испусти́ змий за жено́ю из уст свои́х во́ду я́ко реку́, да ю в реце́ потопи́т.
И помо́же земля́ жене́, и отве́рзе земля́ уста́ своя́, и пожре́ реку́, ю́же изведе́ змий от уст свои́х.
И разгне́вася змий на жену́ и и́де сотвори́ти брань со оста́вшим се́менем ея́, и́же соблюда́ют за́поведи бо́жия и име́ют свиде́телство иису́с христо́во.