Rev Apocalipsa, capitolul Apocalipsa lui Ioan, capitolul 22
Altă scriere: церковнославянский
И показа́ ми чи́сту реку́ воды́ живо́тныя, све́тлу я́ко криста́лл, исходя́щу от престо́ла бо́жия и а́гнча.Ezk 47:1; Zec 14:8; Rev 4:6
Посреде́ сто́гны его́ и по обапо́лы реки́ дре́во живо́тное, е́же твори́т плодо́в двана́десяте, на ки́йждо ме́сяц воздая́ плод свой: и ли́ствие дре́ва во исцеле́ние язы́ком.Ezk 47:12; Rev 2:7
И вся́ка ана́фема не бу́дет ктому́: и престо́л бо́жий и а́гнечь бу́дет в нем, и раби́ его́ послу́жат ему́,
и у́зрят лице́ его́, и и́мя его́ на челе́х их.Mat 5:8; 1Jn 3:2; 1Co 13:12
И но́щи не бу́дет та́мо, и не потре́буют све́та от свети́лника, ни све́та со́лнечнаго, я́ко госпо́дь бог просвеща́ет я: и воцаря́тся во ве́ки веко́в.Isa 60:19; Rev 21:23
И рече́ ми: сия́ словеса́ ве́рна и и́стинна: и госпо́дь бог святы́х проро́к посла́ а́нгела своего́ показа́ти рабо́м свои́м, и́мже подоба́ет бы́ти вско́ре.Rev 1:1; Rev 19:9; Rev 21:5
Се, гряду́ ско́ро: блаже́н соблюда́яй словеса́ проро́чества кни́ги сея́.Rev 1:3; Rev 3:11
И аз иоа́нн ви́дех сия́ и слы́шах. И егда́ слы́шах и ви́дех, падо́х поклони́тися на но́гу а́нгела показу́ющаго ми сие́:
и глаго́ла ми: виждь, ни: клевре́т бо твой есмь и бра́тии твоея́ проро́ков и соблюда́ющих словеса́ кни́ги сея́: бо́гу поклони́ся.Rev 19:10
И глаго́ла ми: не запечатле́й слове́с проро́чествия кни́ги се́я: я́ко вре́мя близ есть.Rev 1:3
Оби́дяй да оби́дит еще́, и скве́рный да оскверни́тся еще́: и пра́ведный пра́вду да твори́т еще́: и святы́й да святи́тся еще́.Ezk 3:27; Dan 12:10; 2Ti 3:13
И се, гряду́ ско́ро, и мзда моя́ со мно́ю, возда́ти коему́ждо по дело́м его́.Rev 20:12
Аз есмь а́лфа и оме́га, нача́ток и коне́ц, пе́рвый и после́дний.Rev 1:8
Блаже́ни творя́щии за́поведи его́, да бу́дет о́бласть им на дре́во живо́тное, и враты́ вни́дут во град.Rev 2:7
Вне же пси и чароде́е, и любоде́е и уби́йцы, и идолослужи́теле и всяк любя́й и творя́й лжу.Eph 5:5; Php 3:2; Rev 21:8
Аз иису́с посла́х а́нгела моего́ засвиде́телствовати вам сия́ в це́рквах. Аз есмь ко́рень и род дави́дов, и звезда́ у́тренняясве́тлая и денни́ца.Num 24:17; 2Pe 1:19; Rom 15:12; Rev 2:28
И дух и неве́ста глаго́лют: прииди́, и слы́шяй да глаго́лет: прииди́. И жа́ждяй да прии́дет, и хотя́й да прии́мет во́ду живо́тную ту́не.Isa 55:1; Jhn 7:37; Rev 21:6
Сосвиде́телствую бо вся́кому слы́шащему словеса́ проро́чества кни́ги сея́: а́ще кто приложи́т к сим, наложи́т бог на него́ язв напи́санных в кни́зе сей:Deu 4:2; Deu 12:32; Pro 30:6
и а́ще кто оти́мет от слове́с кни́ги проро́чествия сего́, оти́мет бог часть его́ от кни́ги живо́тныя, и от гра́да свята́го, и напи́санных в кни́зе сей.
Глаго́лет свиде́телствуяй сия́: ей, гряду́ ско́ро: ами́нь. Ей, гряди́ го́споди иису́се.
Благода́ть го́спода на́шего иису́са христа́ со все́ми ва́ми. Ами́нь.