Lc. Lucas, capítulo Evangelio según Lucas, capítulo 21
Otra escritura: церковнославянский
Воззре́в же ви́де вмета́ющыя в храм набдя́щий име́нияв сокро́вищное храни́лище дары́ своя́ бога́тыя.Mr. 12:41
Ви́де же и не́кую вдови́цу убо́гу вмета́ющу ту две ле́пте,
и рече́: вои́стинну глаго́лю вам, я́ко вдови́ца сия́ убо́гая мно́жае всех вве́рже:2 Co. 8:12
вси бо си́и от избы́тка своего́ вверго́ша в да́ры бо́гови: сия́ же от лише́ния своего́ все житие́, е́же име́, вве́рже.
И не́ким глаго́лющым о це́ркви, я́ко ка́мением до́брым и сосу́ды укра́шена, рече́:Mt. 24:1; Mr. 13:1
сия́ я́же ви́дите, прии́дут дни́е, в ня́же не оста́нет ка́мень на ка́мени, и́же не разори́тся.1 R. 9:7; Lc. 19:44
Вопроси́ша же его́, глаго́люще: учи́телю, когда́ у́бо сия́ бу́дут? и что есть зна́мение, егда́ хотя́т сия́ бы́ти?
Он же рече́: блюди́те, да не прельще́ни бу́дете: мно́зи бо прии́дут во и́мя мое́, глаго́люще, я́ко аз есмь: и вре́мя прибли́жися. Не изы́дите у́бо восле́д их.Mt. 24:4; Mr. 13:5; 1 Jn. 4:1; Ef. 5:6; 2 Ts. 2:3
Егда́ же услы́шите бра́ни и нестрое́ния, не убо́йтеся: подоба́ет бо сим бы́ти пре́жде: но не у а́бие кончи́на.
Тогда́ глаго́лаше им: воста́нет бо язы́к на язы́к, и ца́рство на ца́рство:Is. 19:2
тру́си же вели́цы по ме́стом, и гла́ди и па́губы бу́дут, страхова́ния же и зна́мения ве́лия с небесе́ бу́дут.
Пре́жде же сих всех возложа́т на вы ру́ки своя́, и иждену́т, предаю́ще на со́нмища и темни́цы, ведо́мы к царе́м и влады́кам, и́мене моего́ ра́ди:Mt. 10:17; Mt. 24:9; Mr. 13:9; Jn. 15:20
прилучи́тся же вам во свиде́телство.
Положи́те у́бо на сердца́х ва́ших, не пре́жде поуча́тися отвещава́ти:Lc. 12:11
аз бо дам вам уста́ и прему́дрость, е́йже не возмо́гут проти́витися или́ отвеща́ти вси противля́ющиися вам.Ex. 4:12; Hch. 6:10
Пре́дани же бу́дете и роди́тели и бра́тиею и ро́дом и дру́ги, и умертвя́т от вас:Mi. 7:6
и бу́дете ненави́дими от всех и́мене моего́ ра́ди.
И влас главы́ ва́шея не поги́бнет.
В терпе́нии ва́шем стяжи́те ду́шы ва́шя.Mt. 10:22
Егда́ же у́зрите обстои́мь иерусали́м во́и, тогда́ разуме́йте, я́ко прибли́жися запусте́ние ему́.Dn. 9:27; Mt. 24:15; Mr. 13:14
Тогда́ су́щии во иуде́и да бе́гают в го́ры: и и́же посреде́ его́, да исхо́дят: и и́же во страна́х, да не вхо́дят вонь:
я́ко дни́е отмще́нию си́и суть, я́ко испо́лнитися всему́ пи́санному.Zac. 14:1
Го́ре же иму́щым во утро́бе и доя́щым в ты́я дни: бу́дет бо беда́ ве́лия на земли́, и гнев на лю́дех сих,
и паду́т во о́стрии меча́, и плене́ни бу́дут во вся язы́ки: и иерусали́м бу́дет попира́емь язы́ки, до́ндеже сконча́ются времена́ язы́к.
И бу́дут зна́мения в со́лнце и луне́ и звезда́х: и на земли́ туга́ язы́ком от неча́яния, шу́ма морска́го и возмуще́ния,Is. 13:10; Ez. 32:7; Jl. 2:31; Jl. 3:15; Am. 5:20; Am. 8:9; Sof. 1:15; Mt. 24:29; Mr. 13:24
издыха́ющым челове́ком от стра́ха и ча́яния гряду́щих на вселе́нную: си́лы бо небе́сныя подви́гнутся.
И тогда́ у́зрят сы́на челове́ческа гряду́ща на о́блацех с си́лою и сла́вою мно́гою.Dn. 7:10; Mr. 13:26
Начина́ющым же сим быва́ти, восклони́теся и воздви́гните главы́ ва́шя: зане́ приближа́ется избавле́ние ва́ше.Ro. 8:23
И рече́ при́тчу им: ви́дите смоко́вницу и вся древа́:
егда́ прошиба́ются уже́, ви́дяще са́ми ве́сте, я́ко близ жа́тва есть.
Та́ко и вы, егда́ у́зрите сия́ быва́юща, ве́дите, я́ко близ есть ца́рствие бо́жие.
Ами́нь глаго́лю вам, я́ко не и́мать прейти́ род сей, до́ндеже вся сия́ бу́дут.
Не́бо и земля́ мимои́дет, а словеса́ моя́ не и́мут прейти́.Sal. 101:27; Is. 51:6; Mt. 24:35
Внемли́те же себе́, да не когда́ отягча́ют сердца́ ва́ша объяде́нием и пия́нством и печа́льми жите́йскими, и на́йдет на вы внеза́пу день той:1 P. 4:7; Ro. 13:13; 1 Ts. 5:6
я́ко сеть бо прии́дет на вся живу́щыя на лицы́ всея́ земли́.Is. 24:17
Бди́те у́бо на вся́ко вре́мя моля́щеся, да сподо́битеся убежа́ти всех сих хотя́щих бы́ти, и ста́ти пред сы́ном челове́ческим.Mt. 24:42; Mt. 25:13; Mr. 13:33
Бе же во дни во це́ркви учя́: но́щию же исходя́ водворя́шеся в горе́ нарица́емей елео́н.Jn. 8:2
И вси лю́дие из у́тра прихожда́ху к нему́ во це́рковь послу́шати его́.