Php Filipeni, capitolul Epistola către Filipeni, capitolul 4

Те́мже, бра́тие моя́ возлю́бленная и вожделе́нная, ра́досте и ве́нче мой, та́ко сто́йте о го́споде, возлю́бленнии.2Co 1:14; 1Th 2:19

Ево́дию молю́ и синти́хию молю́ то́жде му́дрствовати о го́споде:Php 2:2

ей, молю́ и тебе́, супру́жниче при́сный, споспе́шествуй им, я́же во благовествова́нии сподвиза́шася со мно́ю и с кли́ментом и с про́чими споспе́шники мои́ми, и́хже имена́ в кни́гах живо́тных.Exo 32:32; Luk 10:20; Rev 3:5

Ра́дуйтеся всегда́ о го́споде: и па́ки реку́: ра́дуйтеся.

Кро́тость ва́ша разу́мна да бу́дет всем челове́ком. Госпо́дь близ.Jas 5:9; 1Pe 4:7

Ни о че́мже пецы́теся, но во всем моли́твою и моле́нием со благодаре́нием проше́ния ва́ша да сказу́ются к бо́гу:Mat 6:25; 1Ti 2:1

и мир бо́жий, превосходя́й всяк ум, да соблюде́т сердца́ ва́ша и разуме́ния ва́ша о христе́ иису́се.Jhn 14:27; Col 3:15

Про́чее же, бра́тие (моя́), ели́ка суть и́стинна, ели́ка честна, ели́ка пра́ведна, ели́ка пречиста, ели́ка прелюбе́зна, ели́ка доброхва́льна, а́ще ка́я доброде́тель и а́ще ка́я похвала́, сия́ помышля́йте.Mat 5:16; Rom 13:13

И́мже и научи́стеся, и прия́сте, и слы́шасте, и ви́десте во мне, сия́ твори́те: и бог ми́ра бу́дет с ва́ми.Rom 15:33

Возра́довахся же о го́споде вельми́, я́ко уже́ когда́ воспомяну́сте пещи́ся о мне: поне́же и печа́стеся, но непого́дным(a)неудо́бным вре́менем обдержа́стеся.

Не я́ко по ску́дости глаго́лю: аз бо навыко́х, в ни́хже есмь, дово́лен бы́ти:1Ti 6:6

вем и смири́тися, вем и избы́точествовати: во всем и во всех навыко́х, и насыща́тися и алка́ти, и избы́точествовати и лиша́тися.2Co 6:10

Вся могу́ о укрепля́ющем мя (иису́се) христе́.2Co 12:9

Оба́че до́бре сотвори́сте, сприобщи́вшеся печа́ли мое́й.

Ве́сте же и вы, филипписи́ане, я́ко в нача́ле благовествова́ния, егда́ изыдо́х от македо́нии, ни еди́на ми це́рковь общева́ся в сло́во дая́ния и прия́тия, то́чию вы еди́ни:

я́ко и в солу́нь и еди́ною и два́щи в тре́бование (мое́) посла́сте ми.

Не я́ко ищу́ дая́ния, но ищу́ плода́ мно́жащагося в сло́во ва́ше(b)в по́льзу ва́шу.2Co 12:14

Прия́х же вся и избы́точествую: испо́лнихся, прие́мь от епафроди́та по́сланная от вас, воню́ благоуха́ния, же́ртву прия́тну, благоуго́дну бо́гу.

Бог же мой да испо́лнит вся́кое тре́бование ва́ше по бога́тству своему́ в сла́ве, о христе́ иису́се.Psa 22:1; Eph 3:16

Бо́гу же и отцу́ на́шему сла́ва во ве́ки веко́в. Ами́нь.

Целу́йте вся́каго свята о христе́ иису́се. Целу́ют вы су́щая со мно́ю бра́тия.

Целу́ют вы святи́и вси, па́че же и́же от ке́сарева до́му.

Благода́ть го́спода на́шего иису́са христа́ со все́ми ва́ми. Ами́нь.