Isa Isaias, kapitulo Ang Libro ni Isaias, kapitulo 28
Ang Mensahe bahin sa Samaria
Alaot ang Samaria, ang daw korona nga bulak,
nga garbo sa palahubog nga mga pangulo sa Israel.28:1 Israel: sa Hebreo, Efraim.
Kining siyudara nahimutang sa tabunok nga patag,
apan ang iyang katahom mawala sama sa bulak nga malaya.
Pamati! Adunay giandam ang Ginoo nga usa ka lig-on
ug gamhanan nga nasod nga molaglag sa Samaria.
Sama kini sa mapintas nga bagyo ug naghaguros nga baha.2Ki 17:3
Yatak-yatakan niya ang Samaria, ang daw korona nga bulak,
nga garbo sa palahubog nga mga pangulo sa Israel.Dan 7:7; Mic 7:10
Kining siyudara nahimutang sa tabunok nga yuta,
apan ang iyang katahom mawala sama sa bulak nga malaya.
Malaglag kini diha-diha dayon.
Sama sa bunga sa igos nga unang mahinog,
kuhaon kini dayon sa makakita ug kaonon.Isa 1:30
Nianang panahona, ang Ginoo nga Makagagahom mahimong
sama sa matahom nga korona nga bulak
sa iyang nahibiling mga katawhan.Pro 4:9; Isa 62:3; Ezk 16:12
Hatagan niya ang mga maghuhukom
ug tinguha sa pagpatunhay sa hustisya.
Ug hatagan niyag kaisog batok sa mga kaaway
ang mga sundalo nga tigbalantay sa pultahan sa siyudad.
Apan karon nagsusapinday sa kahubog
ang mga pari ug mga propeta.
Ang mga propeta nagkasinayop na
sa ilang pagsabot sa mga panan-awon,
ug ang mga pari nagkapandol sa ilang paghukom.Pro 20:1; Hos 4:11; Hos 9:7
Ang ilang mga lamisa napuno na sa ilang mga suka.
Wala na gayoy bahin nga limpyo.
Nagreklamo pa sila mahitungod kanako:
“Unsa ba ang huna-huna niya kanato,
mga bata nga bag-o lang nalutas?
Nganong ingnon man niya kita niana pagtudlo?
Kon magtudlo siya nga litra por litra,
linya por linya, leksyon por leksyon.”Isa 42:20
Tungod kay dili sila mamati, makigsulti ang Ginoo niini nga mga tawhana
pinaagi sa mga langyaw ug lahi ang pinulongan.1Co 14:21
Mao kini ang iyang isulti:
“Makaangkon unta kamog kapahulayan diha sa inyong yuta.”
Apan dili pa gihapon sila mamati.Mat 11:28
Busa tudloan sila sa Ginoo litra por litra,
linya por linya, leksyon por leksyon.
Ug matumba sila sa ilang paglakaw,
masamaran, malit-agan, ug madakpan.Isa 8:15
Busa kamong mga mabiay-biayon nga mga tigdumala
niining mga katawhan sa Jerusalem, pamatia ninyo ang Ginoo!Act 13:40
Kay mapasigarbohon kamo nga moingon,
“Naghimo kamig kasabotan uban sa kamatayon
aron dili kini modangat kanamo,
ug aduna kami kasabotan sa dapit sa mga patay
nga dili kami dad-on didto.
Busa dili kami maunsa bisan moabot pa
ang katalagman nga sama sa baha,
kay nagsalig kami sa mga bakak
ug nagpasalipod kami sa pagpanglimbong.”Jer 5:12; Isa 29:15
Busa mao kini ang giingon sa Ginoong Dios:
“Pamati! Magbutang akog bato nga patukoranan sa Zion:
usa ka bato nga kasaligan, lig-on ug bililhon.
Ang motuo kaniya dili gayod mapakyas.28:16 dili gayod mapakyas: sa Septuagint, dili maulawan.Psa 118:22; Isa 8:14; Mat 21:42; Mrk 12:10; Luk 20:17; Act 4:11; 1Pe 2:7; Rom 9:33
Himuon ko nga sukdanan
ang hustisya ug tunton ang pagkamatarong.
Ipabanlas ko sa bagyo ug baha ang bakak
nga inyong gisaligan ug gisalipdan.
Mahimong walay pulos
ang inyong kasabotan uban sa kamatayon,
ug ang inyong gikasabotan sa dapit sa mga patay.
Kay kon moabot ang katalagman
nga sama sa baha, malaglag kamo.Isa 28:15; Mat 7:27
Moabot kini kanunay matag adlaw, buntag ug gabii,
ug malaglag gayod kamo niini.”
Malisang gayod kamo
kon masabtan ninyo kini nga mensahe.Mat 6:13
Kay sama kamo sa tawo
nga dili makatuy-od sa iyang paghigda
tungod kay mubo ang katre ug gamay kaayo ang habol.28:20 Ang buot ipasabot, ang Kasugoan sa Juda sa Ehipto dili makahatag ug kasigurohan batok sa mga kaaway.
Sa pagkatinuod, mosulong ang Ginoo
sama sa iyang gihimo
didto sa Bukid sa Perazim ug sa Walog sa Gibeon.
Himuon niya ang kadaot nga wala damha
sa iyang katawhan.2Sa 5:20; 1Ch 14:11; Jos 10:12
Busa, karon ayaw na kamo pagbugal-bugal,
kay basin kon mograbe pa ang iyang silot kaninyo.
Kay nadungog ko gayod mismo
gikan sa Ginoong Dios nga Makagagahom
nga laglagon niya ang inyong tibuok nga yuta.Isa 10:23
Pamatia ninyo pag-ayo ang akong gisulti.Isa 34:1
Magsige na lang ba ug daro ang mag-uuma,
ug dili na motanom?
Dili ba nga kon andam na ang yuta,
sabwagan niya ang mga tamnanan
ug mga binhi nga angay niini,
sama sa mga panakot, trigo, barley,
ug espelta?
Gitudloan sa Dios ang mag-uuma
sa hustong buhaton.
Dili niya angay paagian sa bug-at nga panggiok
ang inani nga mga panakot aron magiok;
hinuon bunal-bunalan niya kini ug kahoy.Isa 25:10
Ang trigo nga himuong pan daling madugmok,
busa dili niya kini sigehag giok.
Gamitan niya ug karomata nga adunay mga kabayo sa paggiok,
apan sigurohon niya nga dili kini mangadugmok.
Kini nga kaalam
gikan sa Ginoo nga Makagagahom.
Maayo kaayo ang iyang tambag