Psa Mga Salmo, salmo Ang Libro sa Mga Salmo, salmo 112
Dayega ang Ginoo!
Bulahan ang tawo nga nagtahod sa Ginoo
ug malipayon kaayo nga nagtuman sa iyang mga sugo.Psa 1:1; Psa 128:1
Magmauswagon ang iyang mga anak,
kay ang mga kaliwat sa mga tawo
nga nagkinabuhi nga matarong panalanginan sa Dios.Pro 20:7
Maadunahan ang iyang pamilya,
ug ang iyang kaayo hinumdoman hangtod sa kahangtoran.Psa 34:9
Bisan sa kangitngit aduna gihapon kahayag
alang sa mga tawo nga nagkinabuhi nga maluloy-on,
adunay kahangawa, ug matarong.Exo 10:23; Est 8:16
Panalanginan ang tawo nga manggihatagon,
nagpahulam sa uban, ug dili manglimbong.Psa 37:26
Dili siya mapakyas sa iyang mga buluhaton,
ug dili siya malimtan hangtod sa kahangtoran.Pro 10:7
Dili siya mahadlok sa daotang mga balita,
kay lig-on ang iyang pagtuo ug pagsalig sa Ginoo.
Aduna siyay pagsalig ug dili siya mahadlok
kay nasayod siya nga sa kaulahian
makita niya nga mapildi ang iyang mga kaaway.Pro 4:23
Mahinatagon siya sa mga kabos;
ang iyang kaayo hinumdoman hangtod sa kahangtoran
ug ang iyang katakos dugangan sa Dios isip pagpasidungog kaniya.Psa 37:26; 2Co 9:9
Makita kini sa mga daotan ug mokagot ang ilang mga ngipon sa kasuko,
ug daw mangatunaw sila sa kaulaw.