Psa Mga Salmo, salmo Ang Libro sa Mga Salmo, salmo 147
Dayega ang Ginoo!
Maayo ang pag-awit ug mga pagdayeg sa atong Dios.
Maayo gayod ug angayan nga dayegon siya.Psa 92:1
Gitukod pag-usab sa Ginoo ang Jerusalem,
ug gitigom niya pagbalik ang mga Israelinhon nga nabihag.Psa 51:18; Isa 60:10
Gilipay niya ang nagmasulob-on;
ug giayo ang ilang mga samad.Isa 61:1
Siya ang nagbuot sa gidaghanon sa mga bitoon
ug gihatagan niya ang matag-usa kanila ug ngalan.147:4 gihatagan…ngalan: o gitawag niya ang matag-usa kanila sa ilang ngalan.Isa 40:26
Gamhanan kaayo ang atong Ginoo;
ang iyang kaalam dili matugkad.Psa 145:3; Isa 40:28
Gitabangan sa Ginoo ang mga dinaog-daog,
apan gilaglag niya sa hingpit ang mga daotan.Psa 146:8
Pag-awit kamo nga adunay pagpasalamat sa Ginoo.
Pagtukar kamo ug harpa alang sa atong Dios.
Gitabonan niyag mga panganod ang kalangitan,
gipaulanan niya ang kalibotan,
ug gipatubo ang mga sagbot sa mga bungtod.Act 14:17
Gihatagan niyag pagkaon ang mga mananap,
ingon man ang mga pispis sa uwak kon mangayo kini ug pagkaon.Job 38:41; Psa 104:14; Mat 6:26
Wala siya malipay sa kusgang mga kabayo
o sa abtik nga mga sundalo,
Ang Ginoo nalipay sa mga nahadlok kaniya
ug nagsalig sa iyang gugmang walay pagkahupas.Act 10:35
Pasidunggi ninyo ang Ginoo nga inyong Dios,
kamong mga lumulupyo sa Jerusalem147:12 Jerusalem: sa Hebreo makita usab ang pulong nga Zion, nga mao ang laing ngalan sa Jerusalem..
Kay gilig-on niya ang mga pultahan sa inyong siyudad,
ug gipanalanginan niya kamo.
Gihatagan niya ug kalinaw ang inyong dapit,
ug gibusog niya kamo sa labing maayo nga trigo.Deu 32:14
Gimandoan niya ang kalibotan,
ug mituman dayon kini.
Ginatabonan niya ang yuta ug snow nga daw sama sa habol nga puti,
ug ginakatag niya ang pinong ice nga daw sama sa abog.
Nagpadala siyag ulan nga ice nga daw gagmayng mga bato.
Kinsay makaagwanta sa katugnaw niini?
Nagmando siya ug nangatunaw ang ice;
gipahangin niya ug midagayday ang tubig.Psa 33:9
Gipadayag niya ang iyang mga pulong, mga tulomanon,
ug mga sugo sa mga taga-Israel nga mga kaliwat ni Jacob.Act 13:17
Wala niya kini himoa sa ubang mga nasod;
wala sila makahibalo sa iyang mga sugo.