Psa Mga Salmo, salmo Ang Libro sa Mga Salmo, salmo 24
Awit ni David.
Ang tibuok kalibotan ug ang tanang anaa niini iya sa Ginoo.Exo 19:5; Psa 50:12; 1Co 10:26
Kay siya ang nagmugna sa kalibotan diha sa lawom nga katubigan.Job 38:6
Kinsay makatungas sa bungtod sa Ginoo?24:3 bungtod sa Ginoo: diin nagtindog ang templo.
Kinsay makasulod sa iyang balaang dapit?Psa 15:1; Isa 33:15
Kadtong maayog binuhatan ug limpyog huna-huna,
wala mosimbag mga dios-dios,
ug dili bakakon.Mat 5:8
Panalanginan siya ug isipon nga matarong sa Ginoo,
ang Dios nga iyang manluluwas.Isa 48:18; Hos 10:12
Mao kana nga matang sa tawo ang makadangop
ug makasimba sa Dios ni Jacob.24:6 makasimba sa Dios ni Jacob: mao kini sa Septuagint; apan sa Hebreo, mosimba, Jacob.1Pe 2:9; Isa 51:2
Ablihi ang karaang mga pultahan sa Templo
aron makasulod ang gamhanang Hari!
Kinsa kining gamhanang Hari?
Siya mao ang Ginoo nga kusgan ug lig-on sa pagpakig-gira.
Ablihi ang karaang mga pultahan sa Templo
aron makasulod ang gamhanang Hari!
Kinsa ba kining gamhanang Hari?
Siya mao ang Ginoo nga makagagahom.
Oo, siya ang gamhanang Hari.