Psa Mga Salmo, salmo Ang Libro sa Mga Salmo, salmo 52
Ang awit alang sa maestro sa mga mag-aawit. Ang “Maskil” ni David human adtoi ni Doeg nga Edomihanon si Saulo ug gisuginlan nga si David miadto sa balay ni Ahimelec.1Sa 22:9
Kamong gamhanan nga mga tawo,
nganong gipasigarbo man ninyo ang inyong pagkadaotan?
Dili ba nga ang Dios maayo man kanunay kaninyo?Pro 21:12
Nagplano kamo sa kalaglagan sa uban.
Sama kahait sa labaha ang inyong mga dila
ug ang inyong kalimbongan makapasakit sa pagbati sa uban.Psa 57:4; Pro 25:18
Mas gihigugma ninyo ang daotan kaysa maayo.
Ug mas gipalabi ninyo ang pagsulti ug mga bakak kaysa pagsulti sa kamatuoran.
Kamong mga limbongan,
ganahan kaayo kamong mopasakit sa uban
pinaagi sa inyong mga pulong.
Sigurado gayod nga laglagon kamo sa Dios sa walay kataposan.
Hakpon kamo niya ug hulboton gikan sa inyong mga tolda.
Ug kuhaon niya kamo gikan sa kalibotan sa mga buhi.Job 18:14; Job 20:7; Psa 50:22
Makita kini sa mga matarong ug matingala sila.
Kataw-an nila kamo ug moingon,
“Tan-awa ninyo ang mga tawo nga wala mosalig sa Dios
ingon nga ilang tigpanalipod.
Misalig hinuon sila sa ilang daghang bahandi
ug nahimo silang labaw pa kagamhanan pinaagi sa pagpanglaglag sa uban.”Psa 49:6; Pro 11:28; Mrk 10:24
Apan ako nahisama sa kahoyng olibo nga nagtubo sa balay sa Dios.
Nagsalig ako sa iyang gugma sa walay kataposan.Psa 92:12; Jer 11:16; Hos 14:6
O Dios, pasalamatan ka nako hangtod sa kahangtoran
tungod sa imong gihimo.
Dayegon ko ang imong ngalan
taliwala sa panagtigom sa imong katawhan
tungod sa imong kaayo.Psa 37:5