Psa Mga Salmo, salmo Ang Libro sa Mga Salmo, salmo 57
Ang awit alang sa maestro sa mga mag-aawit. Awita kini sa tono sa awit nga “Ayaw Laglaga.” Ang “Miktam”57 “Miktam”: mamahimong usa kini ka termino nga ginagamit sa musika. ni David sa dihang miikyas siya gikan kang Saulo didto sa langub.1Sa 22:1
O Dios, Kaloy-i ako, kay kanimo ako nangayo
ug pagpanalipod sama sa mga piso sa langgam
nga motago ilalom sa mga pako sa ilang inahan.
Magpailalom ako sa imong pagpanalipod hangtod
nga mahuman ang mga katalagman.Psa 51:1
Nagpakitabang ako kanimo, Labing Halangdong Dios,
kanimo nga nagtuman sa imong katuyoan kanako.
Gikan sa langit, magpadala kag tabang
aron sa pagluwas kanako.
Laglagon mo ang mga nanulong kanako.
Ipakita mo ang imong gugma
ug pagkamatinumanon kanako.Psa 56:2
Gilibotan ako sa mga kaaway
nga daw sa mga liyon
nga andam sa pagkunis-kunis ug tawo.
Ang ilang mga ngipon daw mga bangkaw ug mga pana.
Ang ilang mga dila daw hait nga mga espada.Psa 55:21
Ipakita, O Dios, ang imong pagkagamhanan
diha sa kalangitan ug sa tibuok kalibotan.Psa 108:5
Nabalaka ako kay nagbutang ang akong mga kaaway
ug lit-ag alang kanako.
Nagkalot silag lawom nga bangag sa akong agianan,
apan sila ra usab mismo ang nahulog niini.Psa 7:15; Pro 26:27; Ecc 10:8
Nagsalig gayod ako kanimo, O Dios;
awitan ka nako ug mga pagdayeg.Psa 108:1
Momata ako samtang nagbanag-banag pa,
ug andamon ko ang akong mga instrumento nga adunay mga kuwerdas
sa pagdayeg kanimo sa tibuok kong kasing-kasing.Psa 108:2
Dayegon ka nako, Ginoo, taliwala sa kanasoran.
Awitan ka nako taliwala sa mga katawhan.Psa 108:3
Kay ang imong gugma ug pagkamatinumanon dili gayod masukod;
mas taas pa kini sa kalangitan.Psa 36:5
O Dios, ipakita ang imong pagkagamhanan
diha sa kalangitan ug sa tibuok kalibotan.Psa 57:5