2Цар 2 Царстваў, раздзел Другая кніга Царстваў, раздзел 22
І засьпяваў Давід песьню Госпаду ў дзень, калі Гасподзь выбавіў яго ад рукі ўсіх ворагаў і ад рукі Саўла, і сказаў:
Гасподзь - цьвярдыня мая і моц мая і збаўца мой.Пс 17:3
Бог мой - скала мая; на Яго я спадзяюся; шчыт мой, рог выратаваньня майго, агароджа мая і прытулак мой; Ратаўнік мой, ад бедаў Ты выбавіў мяне!2Цар 23:3; Быц 15:1; Пс 7:2
Паклічу Госпада, Якому шчыра пакланяюся, і ад ворагаў маіх выратуюся.
Агарнулі мяне хвалі сьмерці, і патокі беззаконьня напалохалі мяне;
ланцугі пекла аблеглі мяне, і сеткі сьмерці аблыталі мяне.Ёў 22:10; Выс 14:27; Пс 17:6
Але вось у цеснаце маёй я паклікаў Госпада і Бога майго і заклікаў, і Ён пачуў з харомаў Сваіх голас мой, і енк мой дайшоў да слыху Яго.
Затрэслася, закалыхалася зямля, задрыжалі і парушыліся асновы нябёсаў, бо разгневаўся на іх Гасподзь.Пс 17:8
Падняўся дым ад гневу Яго і з вуснаў Яго агонь пажыральны; жарнае вугольле сыпалася ад Яго.Вых 24:17; Дрз 4:24
Нахіліў Ён нябёсы і сышоў; і морак пад нагамі ў Яго;
і сеў на херувімаў, і паляцеў, і панёсься на крылах ветру;
і моракам пакрыў Сябе, як ценем, згусьціўшы воды хмар нябесных;Ёў 36:28; Іс 50:3
ад бляску прад Ім разгаралася вугольле вогненнае.
Загрымеў зь нябёсаў Гасподзь, і Ўсявышні даў голас Свой;Пс 28:3
пусьціў стрэлы і расьсеяў іх; бліснуў маланкаю і зьнішчыў іх.1Цар 2:10; 1Цар 7:10; 1Цар 12:18
І адчыніліся крыніцы мора, агаліліся асновы сусьветныя ад грознага голасу Госпада, ад подыху духу гневу Яго.
Працягнуў Ён руку з вышыні і ўзяў мяне, і дастаў мяне з водаў многіх;Ёў 22:11; Пс 31:6; Іс 43:2
выбавіў мяне ад ворага майго моцнага, ад ненавісьнікаў маіх, якія былі мацнейшыя за мяне.
Яны паўсталі на мяне ў дзень бедства майго; але Гасподзь быў апораю мне
і вывеў мяне на прасторнае месца, выбавіў мяне, бо Ён дабраволіць мне.Пс 30:9
Даў мне Гасподзь па праўдзе маёй, па чысьціні рук маіх узнагародзіў мяне.Ёў 22:30; Пс 4:2
Бо я захоўваў шляхі Госпада і ня быў грэшны прад Богам маім,
бо ўсе запаведзі Яго перад мною, і ад пастановаў Яго я не адступаў,
і быў беззаганны прад Ім, і пільнаваўся, каб не зграшыць мне.
І даў мне Гасподзь па праўдзе маёй, па чысьціні маёй прад вачыма Яго.Пс 7:10
Зь мілажальным Ты - мілажальны, з чалавекам шчырым - шчыры,
з чыстым - чысты, а з хітрым - па хітрасьці ягонай.
Людзей прыгнечаных Ты ратуеш і позіркам Сваім прыніжаеш пыхлівых.Выс 29:23; Ёў 22:29
Ты, Госпадзе, сьвяцільня мая; Гасподзь прасьвятляе цемру маю.Пс 26:1; Пс 111:4; Ёў 29:3
З Табою я разьбіваю войска; з Богам маім падымаюся на сьцяну.
Бог! - беззаганны шлях Ягоны, чыстае слова Госпада, шчыт Ён усім, хто спадзяецца на Яго.
Бо хто Бог, акрамя Госпада, і хто абарона, акрамя Бога нашага?Вых 15:11; Іс 43:11
Бог апаясвае мяне сілаю, пракладвае мне правільны шлях;
робіць ногі мае, як у аленя, і на вышынях ставіць мяне;
вучыць рукі мае бітве і цягліцы мае напінае, як медны лук.Быц 49:8; Дрз 33:29
Ты даеш мне шчыт выратаваньня Твайго, і міласьць Твая ўзьвялічвае мяне.Пс 3:4
Ты пашыраеш крок мой пад мною, і ня хістаюцца ногі мае.
Я ганяюся за ворагамі маімі і зьнішчаю іх, і не вяртаюся, пакуль ня зьнішчу іх;
і зьнішчаю іх і б'ю іх, і не ўстаюць і падаюць пад ногі мае.Пс 26:2
Ты апярэзваеш мяне сілаю для вайны і кладзеш перад мною тых, што паўстаюць на мяне;
Ты абяртаеш да мяне тыл ворагаў маіх, і я зьнішчаю ненавісьнікаў маіх.Быц 49:8
Яны клічуць, але няма выратавальніка, - да Госпада, але Ён ня слухае іх.
Я расьсейваю іх, як пыл зямны, у гразь вулічную мну іх і тапчу іх.Пс 82:11; Іс 10:6; Ер 8:2
Ты ўратаваў мяне ад мяцяжу народу майго; Ты захаваў мяне, каб быць мне галавою над іншапляменцамі; народ, якога я ня ведаў, служыць мне.2Цар 8:6; Пс 59:10
Іншапляменцы лісьлівяць перад мною; па чутках пра мяне падпарадкуюцца мне.
Іншапляменцы бляднеюць і дрыжаць ва ўмацаваньнях сваіх.
Жывы Гасподзь і дабраславёны абаронца мой! Хай будзе праслаўлены Бог, прытулак выратаваньня майго,Дрз 32:40; Пс 41:3; Езк 14:16
Бог, Які помсьціць за мяне і ўпакорвае мне народы
і выбаўляе мяне ад ворагаў маіх! Над паўсталымі супроць мяне Ты ўзвысіў мяне; ад чалавека жорсткага Ты выбавіў мяне.
За тое я буду славіць Цябе, Госпадзе, сярод іншапляменцаў і буду сьпяваць імю Твайму,Рым 15:9
велікадушна ратуючы цара Свайго і творыць міласьць памазанцу Свайму Давіду і нашчадкам ягоным вечна!2Цар 8:6; 2Цар 23:10; Гал 3:16