2Цар 2 Царстваў, раздзел Другая кніга Царстваў, раздзел 23
Вось апошнія словы Давіда, выслоўе Давіда, сына Ясэевага, выслоўе чалавека, пастаўленага высока, памазанца Бога Якава і салодкага песьняра Ізраілевага:2Цар 7:12; Кал 3:16
Дух Гасподні гаворыць ува мне, і слова Яго на языку ў мяне.Дзеі 1:16; Мк 12:36
Сказаў Бог Ізраілеў, гаварыў пра мяне скала Ізраілевая: валадарны над людзьмі будзе праведны, валадарачы ў страху Божым.Вых 17:5
І як на сьвітаньні, пры ўзыходзе сонца на бясхмарным небе, ад зьзяньня пасьля дажджу вырастае трава зь зямлі,Ян 1:4; Пс 109:3; Выс 4:18
ці ня так і дом мой у Бога? Бо запавет вечны паклаў Ён са мною, цьвёрды і нязьменны. Ці ня так зыходзіць ад Яго ўсё выратаваньне маё і ўсё хаценьне маё?2Цар 7:15
А грэшныя будуць, як выкінутае церне, якога не бяруць рукою;Пс 57:10; Габр 6:8
а хто дакранецца да яго, узбройваецца жалезам альбо тронкай дзіды, і агнём спальваюць яго на месцы.Іс 1:31
Вось імёны адважных у Давіда: Ісбасэт Ахаманіцянін, галоўны з трох: ён падняў дзіду сваю на васямсот чалавек і пабіў іх за адзін раз.1Пар 11:11
Пасьля яго Элеазар, сын Дадо, сына Ахохі, адзін з трох адважных, што былі з Давідам, калі яны ганьбаваньнем выклікалі Філістымлянаў, што сабраліся на вайну;1Пар 11:12; 1Пар 27:4
Ізраільцяне выйшлі супроць іх, і ён устаў і біў Філістымлянаў да таго, што рука яго стамілася і прыліпла да меча. І дараваў Гасподзь у той дзень вялікую перамогу, і народ пайшоў за ім дзеля таго толькі, каб абіраць забітых.1Цар 11:13; 1Цар 14:45
За ім Шама, сын Аге, Гарарыцянін. Калі Філістымляне сабраліся ў Тырыю, дзе было поле, засеянае сачыўкаю, народ пабег ад Філістымлянаў,
дык ён стаў сярод поля і зьбярог яго і пабіў Філістымлянаў. І даў тады Гасподзь вялікую перамогу.
Трое гэтых галоўных з трыццаці правадыроў пайшлі і ўвайшлі ў час жніва да Давіда ў пячору Адалам, калі натоўпы Філістымлянаў стаялі ў даліне Рэфаімаў.1Пар 11:15
Давід быў тады ва ўмацаваным месцы, а атрад Філістымлянаў - у Віфляеме.1Пар 11:16
І захацеў Давід піць і сказаў: хто напоіць мяне вадою з калодзежа Віфляемскага, што каля брамы?1Пар 11:17
Тады трое гэтых адважных прабіліся праз табар Філістымскі і зачарпнулі вады з калодзежа Віфляемскага, што каля брамы, і ўзялі і прынесьлі Давіду. Але ён не захацеў піць яе і выліў яе дзеля славы Госпада,
і сказаў: ахавай мяне, Госпадзе, каб я зрабіў гэта! ці ня кроў гэта людзей, якія хадзілі пад небясьпекаю іх жыцьцю? і не хацеў піць яе. Вось, што зрабілі гэтыя трое адважных!1Пар 11:19
І Авэса, брат Ёава, сын Саруін, быў галоўны з трох: ён забіў дзідаю сваёю трыста чалавек і быў у славе ў тых трох.1Пар 11:20; 2Цар 21:17
З трох ён быў самы знакаміты і быў начальнік, але з тымі трыма не раўняўся.
Ванэя, сын Ёдая, мужа адважнага, вялікі па дзеях, з Каўцаіла: ён пабіў двух сыноў Арыіла Маавіцкага; ён жа сышоў і забіў ільва ў рове ў сьнежны час;1Пар 11:22; 1Пар 27:5; Нав 15:21
ён жа забіў аднаго Егіпцяніна, чалавека віднага; у руцэ ў Егіпцяніна была дзіда, а ён пайшоў да яго з кіем і адабраў дзіду з рук у Егіпцяніна і забіў яго ягонай жа дзідай:
вось, што зрабіў Ванэя, сын Ёдаеў, і ён быў у славе ў трох адважных;
ён быў знатнейшы за трыццаць, але з тымі трыма не раўняўся. І паставіў яго Давід бліжэйшым выканаўцам сваіх загадаў.
Асаіл, брат Ёава - у ліку трыццаці; Элханан, сын Дадо, зь Віфляема,1Пар 11:26; 1Пар 27:7
Шама Харадзіцянін, Эліка Харадзіцянін,
Хэрэц Палціцянін, Іра, сын Ікеша, Тэкаіцянін,
Эвіезэр Анатацянін, Мэбунай Хушацянін,
Цалмон Ахахіцянін, Магарай Нэтафатыцянін,
Хэлэў, сын Бааны, Нэтафатыцянін, Ітай, сын Рыбая, з Гівы сыноў Веньямінавых,1Пар 27:15
Ванэя Піратанянін, Ідай з Нахлэ-Гааша,1Пар 11:31; 1Пар 27:14
Аві-Арбатыцянін, Азмавэт Бархуміцянін,
Эліяхба Шаалбанянін; з сыноў Яшэна - Ёнатан,
Шама Гарарыцянін; з сыноў Яшэна - Ёнатан,
Эліфэлэт, сын Ахасбая, сына Магахаці, Эліям, сын Ахітафэла, Гіланянін,
Хэцрай Кармэліцянін, Паарай Арбіцянін,
Ігал, сын Натана, з Цобы, Бані Гадзіцянін,
Цалэк Аманіцянін, Нахарай Бэрацянін, збраяносец Ёава, сына Саруі,
Іра Ітрыцянін, Гарэб Ітрыцянін,