Ам Амос, раздзел Кніга прарока Амоса, раздзел 1
Словы Амоса, аднаго пастуха Тэкойскага, якія ён чуў ва ўяве пра Ізраіля ў дні Азіі, цара Юдэйскага і ў дні Ераваама, сына Ёасавага, цара Ізраільскага, за два гады перад землятрусам.Іс 1:1; 4Цар 14:23; Зах 14:5
І сказаў ён: Гасподзь загрыміць зь Сіёна і дасьць голас Свой зь Ерусаліма, - і заплачуць халупы пастухоў, і высахне вяршыня Карміла.Ер 25:30; Ёіл 3:16
Так кажа Гасподзь: за тры злачынствы Дамаска і за чатыры не пашкадую яго, бо яны малацілі Галаад жалезнымі цапамі.2Цар 12:31; 4Цар 13:7; Іс 41:15
І пашлю агонь на дом Азаіла, - і зжарэ ён харомы Вэнадада.Ер 49:27
І скрышу замкі Дамаска і зьнішчу жыхароў даліны Авэн і таго, хто трымае жазло - з дому Эдэнавага, і пойдзе народ Арамейскі ў палон у Кір, кажа Гасподзь.Ер 49:24; Ер 49:26; 4Цар 16:9
Так кажа Гасподзь: за тры злачынствы Газы і за чатыры не пашкадую яе, бо яны вывелі ўсіх у палон, каб аддаць іх Эдому.2Пар 21:17
І пашлю агонь у сьцены Газы, - і зжарэ харомы яе.
І зьнішчу жыхароў Азота і таго, які трымае жазло ў Аскалоне, і павярну руку Маю на Экрон, - і загіне рэшта Філістымлянаў, кажа Гасподзь Бог.2Пар 26:6
Так кажа Гасподзь: за тры злачынствы Тыра і за чатыры не пашкадую яго, бо яны аддалі ўсіх палонных Эдому і не згадалі пра братэрскае спрымірэньне.Езк 27:3
Пашлю агонь у сьцены Тыра, - і зжарэ харомы яго.Іс 23:1; Ер 47:4; Езк 26:3
Так кажа Гасподзь: за тры злачынствы Эдома і за чатыры не пашкадую яго, бо ён перасьледаваў брата свайго мечам, прыдушыў пачуцьці роднасьці, лютаваў пастаянна ў гневе сваім і заўсёды захоўваў лютасьць сваю.Аўд 1:10
І пашлю агонь на Тэман, - і зжарэ харомы Васора.
Так кажа Гасподзь: за тры злачынствы сыноў Амонавых і за чатыры не пашкадую іх, бо яны расьціналі цяжарных у Галаадзе, каб пашырыць межы свае.Быц 19:38; Ер 49:1
І запалю агонь у сьценах Равы, - і зжарэ харомы яе сярод крыку ў дзень бітвы, зь віхураю ў дзень буры.Ер 49:2
І пойдзе цар іхні ў палон, ён і князі ягоныя разам зь ім, кажа Гасподзь.Ер 49:3