ВыхExo Выхад2 Moseboken, раздзелkapitel Другая кніга Майсеева. ВыхадAndra Moseboken, раздзелkapitel 20

Översättningar Jämför

І прамовіў Бог усе словы гэтыя, кажучы:Дрз 4:13

Я Гасподзь, Бог твой, Які вывеў цябе зь зямлі Егіпецкай, з дома рабства;Дрз 5:6; Пс 80:11

хай ня будзе ў цябе іншых багоў перад абліччам Маім.Дрз 5:7

Не рабі сабе куміра і ніякай выявы таго, што на небе ўгары, і што на зямлі ўнізе і што ў вадзе ніжэй зямлі;Ляв 26:1; Дрз 5:8; Пс 96:7

не пакланяйся ім і ня служы ім, бо Я Гасподзь, Бог твой, Бог руплівец, Які карае дзяцей за віну бацькоў да трэцяга і чацьвёртага роду, што ненавідзяць мяне,Лік 14:18; Дрз 5:9

і Які чыніць мілату тысячам родаў, што любяць Мяне і шануюць запаведзі Мае.Вых 34:7; Дрз 5:10

Не вымаўляй імя Госпада, Бога твайго, марна, бо Гасподзь не пакіне без пакараньня таго, хто вымаўляе імя Яго марна.Ляв 19:12; Дрз 5:11; Мц 5:33

Але памятай дзень суботні, каб сьвяціць яго;Вых 31:13; Дрз 5:12; Езк 20:12

шэсьць дзён працуй і рабі ўсякія дзеі твае,Ляв 23:3; Дрз 5:13

а дзень сёмы - субота Госпаду, Богу твайму: не рабі ў гэты ніякай працы ні ты, ні сын твой, ні дачка твая, ні раб твой, ні рабыня твая, ні быдла тваё, ні прыхадзень, які ў брамах тваіх;Дрз 5:14; Мц 12:2

бо за шэсьць дзён стварыў Гасподзь неба і зямлю, мора і ўсё, што ў іх, а ў дзень сёмы спачыў; таму дабраславіў Гасподзь дзень суботні і асьвяціў яго.Быц 2:2; Вых 31:17; Габр 4:4

Шануй бацьку твайго і маці тваю, каб падоўжыліся дні твае на зямлі, якую Гасподзь, Бог твой, дае табе.Дрз 5:16; Мц 15:4; Мк 7:10; Эф 6:2

Не забівай.Дрз 5:17; Мц 5:21; Мц 19:18; Мк 10:19; Рым 13:9

Ня чыні пералюбу.Дрз 5:18; Мц 5:27

Ня крадзь.Дрз 5:19

Не кажы ілжывага сьведчаньня на блізкага твайго.Дрз 5:20

Ня прагні дому блізкага твайго; ня прагні жонкі блізкага твайго, ні раба ягонага, ні рабыні ягонай, ні вала ягонага, ні асла ягонага, нічога, што ў блізкага твайго.Дрз 5:21; Рым 7:7; Рым 13:9

Увесь народ бачыў грымоты і полымя, і гук трубны і гару, што дымілася; і ўбачыўшы тое, народ адступіў і спыніўся спадалёк.Габр 12:19

І сказалі Майсею: гавары ты з намі, і мы будзем слухаць, але каб не гаварыў з намі Бог, каб нам не памерці.Дрз 18:16; Габр 12:19

І сказаў Майсей народу: ня бойцеся; Бог прыйшоў, каб выпрабаваць вас і каб страх Ягоны быў перад абліччам вашым, каб вы не грашылі.Быц 22:1

І стаяў народ спадалёк, а Майсей уступіў у змрок, дзе Бог.3Цар 8:12; Габр 12:18

І сказаў Гасподзь Майсею: так скажы сынам Ізраілевым: вы бачылі, як Я зь неба казаў вам;

не рабеце перад Мною багоў срэбраных, альбо багоў залатых не рабеце сабе:Вых 34:17

зрабі Мне ахвярнік зь зямлі і прынясі на ім цэласпаленьні твае і мірныя ахвяры твае, авечак тваіх і валоў тваіх; на кожным месцы, дзе Я ўчыню памяць імя Майго, Я прыйду да цябе і дабраслаўлю цябе;Вых 27:8; Дрз 12:11

калі ж будзеш рабіць Мне ахвярнік з камянёў, дык не кладзі яго з часовых, бо як толькі накладзеш на іх разец твой, дык апаганіш іх;Дрз 27:5; Нав 8:31

і ня ўзыходзь па прыступках да ахвярніка Майго, каб не адкрылася пры ім сарамата твая.Вых 28:42