Нав Ісус Навін, раздзел Кніга Ісуса Навіна, раздзел 15
Жэрабя племю сыноў Юдавых, паводле родаў іхніх, выпала такое: сумежна зь Ідумэяю была пустыня Сін, на поўдзень, пры канцы Тэмана;Лік 34:3
паўднёвай мяжою іх быў край мора Салёнага ад затокі, якая прасьціралася на поўдзень;Нав 18:19
на поўдні ідзе яна да ўзвышша Акравімскага, праходзіць Цын і, падымаючыся з паўднёвага боку да Кадэс-Варны, праходзіць Хецрон і, падымаючыся да Адара, паварочвае ў Каркаі,Быц 14:7; Лік 34:4
потым праходзіць Ацмон, ідзе да патоку Егіпецкага, так што канец гэтай мяжы ёсьць мора. Гэта будзе ваша паўднёвая мяжа.Лік 34:5
А мяжою на ўсход мора Салёнае, да ўтоку Ярдана; а мяжа з паўночнага боку ад затокі мора, ад утоку Ярдана;
адсюль мяжа падымаецца да Бэт-Хоглы і праходзіць з паўночнага боку да Бэт-Аравы, і ідзе мяжа ўгору да каменя Багана, сына Рувімавага;Нав 18:17
потым падымаецца мяжа да Давіра ад даліны Ахор і на поўначы паварочвае да Галгала, які насупраць узвышша Адуміма, што з паўднёвага боку патока; адсюль мяжа праходзіць да водаў Эн-Шэмэша і канчаецца каля Эн-Рагела;
адсюль мяжа ідзе ўгору да даліны сына Эномавага з паўднёвага боку Евуса, які ёсьць Ерусалім, і падымаецца мяжа на вяршыню гары, якая на захад насупраць даліны Эномавай, якая на краі даліны Рэфаімаў на поўнач;Нээм 11:4; Нав 18:14
ад вяршыні гары мяжа паварочвае да крыніцы водаў Нэфтоах і ідзе да гарадоў гары Эфрона, і паварочвае мяжа да Ваала, які ёсьць Кірыят-Ярым;
потым паварочвае мяжа ад Ваала да мора, да гары Сэіра, і ідзе паўночным схілам гары Еарым, якая ёсьць Кесалон, і, сыходзячы да Вэтсаміса, праходзіць праз Тымну;Нав 21:16; 1Цар 6:12; 4Цар 14:11
адсюль мяжа ідзе паўночным бокам Экрона, і паварочвае мяжа да Шыкарона, праходзіць праз гару Ваал і даходзіць да Яўнэіла, і канчаецца мяжа каля мора. Заходнюю мяжу ўтварае вялікае мора.
Вось мяжа сыноў Юдавых з родамі іхнімі з усіх бакоў.
І Халеву, сыну Ефаніінаму даў частку сярод сыноў Юдавых, як загадаў Гасподзь Ісусу: Кірыят-Арбы, бацькі Энакавага, інакш Хэўрон.Нав 14:13
І выгнаў адтуль Халеў трох сыноў Энакавых: Шэшая, Ахімана і Талмая, дзяцей Энакавых.Суд 1:10
Адсюль Халеў пайшоў супроць жыхароў Давіра.
І сказаў Халеў: хто разаб'е Кірыят-Сэтэр і возьме яго, таму аддам Ахсу, дачку маю, за жонку.1Цар 18:25; Суд 1:12
І ўзяў яго Гатанііл сын Кеназа, брата Халевавага, і аддаў ён за жонку яму Ахсу, дачку сваю.
І сталася, як яна мела ісьці, дык намовілі яе прасіць у бацькі свайго поля. І яна зышла з асла, а Халеў сказаў ёй: што табе?
Яна сказала: дай мне дабраславеньне: ты даў мне зямлю паўднёвую, дай мне і крыніцы водаў. І даў ён ёй крыніцы верхнія і крыніцы ніжнія.Быц 33:11
Вось надзел племю сыноў Юдавых, паводле родаў іхніх:
гарады з краю плямёнаў сыноў Юдавых сумежныя з Ідумэяй на поўдні былі: Каўцэіл, Эдэр і Ягур,Нээм 11:25
Кіна, Дымона, Адада,
Кедэс, Асор і Ітнан,
Зіф, Тэлэм і Валот,
Гацор-Кадата, Кірыят, Хэцрон, інакш Гацор,2Цар 13:23
Амам, Шэма і Малада,
Хацар-Гада, Хэшмон і Вэт-Палет,
Хацар-Шуал, Вірсавія і Візіятэя,
Ваала, Іім і Ацэм,
Элталад, Кесід і Хорма,
Цыклаг, Мадмана і Сансана,
Леваот, Шэліхім, Аін і Рымон: усяго дваццаць дзевяць гарадоў зь сёламі.Зах 14:10; Нав 19:6
На нізінных мясьцінах: Эштаол, Цора і Ашна,Нав 19:41
Занаах, Эн-Ганім, Тапуах і Гаэнам,
Ярмут, Адалам, Соха і Азэка,Міх 1:15
Шаараім, Адытаім, Гедэра альбо Гедэратаім: чатырнаццаць гарадоў зь іх сёламі.
Цэнан, Хадаша, Міглдал-Гад,
Дылеан, Міцфэ і Ёктэіл,
Лахіс, Вацкат і Эглон,Нав 10:32; 4Цар 14:19
Хабон, Лахмас і Хітліс,
Гедэрот, Бэт-Дагон, Наэма і Мэкед: шаснаццаць гарадоў зь іх сёламі.
Ліўна, Этэр і Ашан,Нав 10:29
Іфтах, Ашна і Нэцыў,
Кеіла, Ахзіў і Марэша: дзевяць гарадоў зь іх сёламі.Нав 19:29; 2Пар 14:9
Экрон з залежнымі ад яго гарадамі і сёламі.4Цар 1:2
І ад Экрона да мора ўсё, што каля Азота, зь сёламі іх,
Азот, залежныя ад яго гарады і сёлы яго, Газа, залежныя ад яе гарады і сёлы яе, да самага патока Егіпецкага і вялікага мора, якое ёсьць мяжа.Лік 34:6
На горах: Шамір, Ятыр і Соха,
Дана, Кірыят-Сана, інакш Давір,
Анат, Эштэма і Анім,
Гашэн, Халон і Гіла: адзінаццаць гарадоў зь іх сёламі.Нав 10:41
Араў, Дума і Эшан,
Янум, Бэт-Тапуах і Афэка,
Хумта, Кірыят-Арбы, інакш Хэўрон, і Цыгор: дзевяць гарадоў зь іх сёламі.
Маон, Карміл, Зіф і Юта,1Цар 23:25
Іўзрээль, Ёкдам і Занаах,
Каін, Гіва і Тымна: дзесяць гарадоў зь іх сёламі.
Халхуд, Бэт-Цур і Гедор,
Маарат, Бэт-Анот і Элтэкон: шэсьць гарадоў зь іх сёламі.
Кірыят-Ваал, інакш Кірыят-Ярым і Арава: два гарады зь іх сёламі.Нав 18:14
У пустыні: Бэт-Арава, Мідын і Сэкаха,
Ніўшан, Ір-Мэлэх і Эн-Геды: шэсьць гарадоў зь іх сёламі.2Пар 20:2
А Евусэяў, жыхароў Ерусаліма, не маглі выгнаць сыны Юдавыя, і таму Евусэі жывуць з сынамі Юды ў Ерусаліме аж да сёньня.Суд 1:8; 2Цар 5:6