Пс Псалтыр, псалом Псалтыр, псалом 136
Давідава.
Над рэкамі Вавілона, там сядзелі і плакалі мы, калі згадвалі пра Сіён.Езк 1:1; Іс 30:19
На вербах пасярод яго павесілі мы свае арфы.
А тыя, што нас паланілі, песьняў ад нас патрабавалі, а нашыя прыгнятальнікі - весялосьці: «пасьпявайце нам зь песьняў Сіёна».
Як нам сьпяваць Гасподнюю песьню на чужынскай зямлі?
Калі забуду цябе, Ерусаліме, хай забудзе мяне правіца мая;Ер 51:50
хай прыліпне язык мой да паднябеньня, калі помніць цябе я ня буду, калі не пастаўлю Ерусаліма на чале весялосьці маёй.
Прыгадай, Госпадзе, сынам Эдомавым дзень Ерусаліма, калі казалі яны: «руйнуйце, руйнуйце да падмурка яго».Ер 49:7; Езк 25:12; Езк 35:5
Дачка Вавілона, спусташальніца! дабрашчасны, хто ўдзеліць табе за тое, што зрабіла ты нам!
Дабрашчасны, хто возьме й заб'е немаўлятак тваіх аб камень!Іс 13:16